Genesis 9:25 - Marahay na Bareta Biblia

²⁵ nagsabi siya, “Sumpaon si Canaan! Siya an magigin oripon kan saiyang mga tugang.

Genesis 9:25 ပူးပေါင်းရင်းမြစ်များ

Genesis 3:14

Dangan tinaraman nin Kagurangnan Dios an halas, “Huli ta ginibo mo ini, isinusumpa taka sa gabos na hayop. Poon ngunyan magkakamang ka asin kabokabo an saimong kakakanon sa bilog mong pagkabuhay.

Genesis 4:11

Ngunyan mapapasaimo an sumpa kan daga na nag-ako kan dugo kan saimong tugang na ginadan mo.

Genesis 49:7

Sumpaon logod an saindang kaanggotan, huli ta grabe nin marahay, Asin an saindang labi-labing kaanggotan, huli ta sobra an kakurihan. Iwawarak ko sinda sa bilog na daga nin Israel, Sa kaibahan kan mga tawo na nag-eerok diyan.

Genesis 9:18

Si Sem, si Ham asin si Jafet iyo an mga aking lalaki ni Noe na kaiba niyang nagluwas sa arka. (Si Ham iyo an ama ni Canaan.)

Genesis 9:22

Nahiling ni Ham, an ama ni Canaan, na huba an saiyang ama asin binaretaan an duwa niyang tugang na nasa luwas.

Genesis 9:24

Kan mahale an pagkaburat ni Noe asin naaraman an ginibo saiya kan ngohod niyang aki,

Mateo 25:41

“Dangan masabi siya sa mga tawong nasa wala niya, ‘Humarayo kamo sako, mga minaldisyon! Dumuman kamo sa daing kataposan na kalayo na inandam para sa Diablo asin sa saiyang mga anghel!

Juan 8:34

Nagsimbag si Jesus, “Sa katotoohan sinasabihan ko kamo, an lambang nagkakasala oripon nin kasalan.

Deuteronomio 27:16

“‘Maldisyonon an siisay man na dai maggalang sa saiyang ama saka ina.’ “Dangan an bilog na banwaan masimbag, ‘Amen!’

Deuteronomio 28:18

“‘Mamaldisyonon nin Kagurangnan an saindong mga aki, mga ani sagkod mga hayop.

Josue 9:23

Huli ta ginibo nindo ini, kinondenar kamo nin Dios. Danay kamong magigin oripon, mga paraputol nin kahoy asin parasakdo nin tubig para sa santwaryo nin sakong Dios.”

Josue 9:27

Alagad ginibo niya sindang mga oripon, mga paraputol nin kahoy asin parasakdo nin tubig para sa mga Israelita asin para sa altar nin Kagurangnan. Sagkod ngunyan ginigibo ninda an trabahong ini sa lugar na pinili nin Kagurangnan na pagsasambahan saiya.