Genesis 9:21 - Marahay na Bareta Biblia

²¹ Nag-inom siya kan arak kaya naburat siya. Hinukas niya an saiyang gubing dangan nagtorog na huba sa saiyang tolda.

Genesis 9:21 ပူးပေါင်းရင်းမြစ်များ

Genesis 6:9

Iyo ini an istorya ni Noe. Nagkaigwa siya nin tolong aking lalaki: si Sem, si Ham asin si Jafet. Si Noe iyo sana an matanos na tawo kan panahon niya. Naglakaw siya sa kaibahan nin Dios;

Genesis 9:20

Si Noe na sarong paraoma, iyo an kaenot-enoteng tawo na nagtanom nin ubas.

Mga Talinhaga 20:1

An arak mayo nin karahayan na itinatao sa tawo; asin kamangmangan an magpakaburat sa arak.

Parahulit 7:20

Sa kinaban, mayo nanggad nin sarong matanos na tawo na danay na naggigibo nin karahayan sa gabos na panahon asin dai nanggad nagkakasala.

Roma 13:13

Mamuhay kitang matanos bilang mga tawong namumuhay sa liwanag; dai ta pagsayangon an oras nyato sa sobrang pag-orogma o irinoman, kapasloan o karigsokan, iriwal o ororihan.

1 Corinto 10:12

Kaya an naghohona na pusog an tindog niya, maglikay ta tibaad siya matumba.

Galacia 5:21

pag-ori, pagburat, dororogan, asin iba pang bagay na arog kaiyan. Pinapatanidan ko kamo siring sa ginibo ko kaidto: an mga naggigibo kan mga bagay na ini dai magmamana kan Kahadean nin Dios.

Tito 2:2

Sadolon mo an gurang na mga lalaki na dai sinda magpakasobra sa anoman, na magin mapagpugol sa sadiri, ginagalangan, masarig sa pagtubod, sa pagkamoot saka sa pakatagal.

Kapahayagan 3:18

Kaya hinahatolan taka na bumakal ka sako nin purong bulawan, tanganing magyaman ka. Bumakal ka man nin puting gubing tanganing may itahob ka sa makasosopog mong hubang kamugtakan. Bumakal ka nin bolong na ilalahid sa saimong mga mata tanganing makahiling ka.