Genesis 9:15 - Marahay na Bareta Biblia

¹⁵ magigiromdoman ko an sakong panuga saindo asin sa gabos na hayop; asin dai ko na nanggad raraoton an gabos na may buhay sa paagi nin sarong baha.

Genesis 9:15 ပူးပေါင်းရင်းမြစ်များ

Genesis 8:21

Nawilihan nin Kagurangnan an parong kan dolot asin nagsaboot siya, “Dai ko na nanggad susumpaon an kinaban huli sa gibo nin tawo; aram kong maraot an kaisipan kan tawo poon pagkaniaki niya. Dai ko na nanggad paparaon an gabos na nabubuhay arog kan ginibo ko.

Genesis 9:10

asin sa gabos na may buhay—sa gabos na gamgam asin hayop—sa gabos na kaibahan nindo na nagruluwas sa arka.

Genesis 9:11

Sa mga tataramon na ini, nakikipagtipan ako sa saindo: nanunuga ako na dai na nanggad mapapara an gabos na may buhay sa paagi nin baha; dai na nanggad mararaot an kinaban huli sa baha.

Genesis 9:14

Kun tahoban ko nin panganoron an kalangitan dangan malataw an bulalangaw,

1 Mga Hade 8:23

asin namibi, “O Kagurangnan, Dios nin Israel, mayo nin Dios na arog saimo sa langit asin sa daga! Inootob mo an saimong tipan sa saimong banwaan asin ipinapahiling mo an danay mong pagkamoot sa mga sorogoon mong bilog na pusong nagkukuyog saimo.

Nehemias 9:32

“O Dios, samuyang Dios, dakula kang gayo, makangirhat asin mapangyari! Inootob mo an tipan asin ipinapahiling mo an danay na pagkamoot. Dai mo man logod ibilang na kadikit sanang kasakitan an nag-abot samuya, poon kan apihon kami kan mga hade nin Asiria asin sagkod ngunyan; mga kasakitan na nag-abot sa samuyang mga hade, mga lider, mga padi, asin mga propeta, sa samuyang mga ginikanan asin sa bilog na banwaan.

Salmo 106:45

Huli sainda giniromdom niya an saiyang tipan; asin sa kadakulaan kan danay niyang pagkamoot, naglumoy an saiyang boot.

Exodo 28:12

Dangan ikabit mo ini sa tirante kan efod bilang paggiromdom sa doseng tribu nin Israel. Sa siring na paagi, dadarahon ni Aaron an saindang mga ngaran sa saiyang mga abaga sa atubang ko tanganing ako, an Kagurangnan, danay na makagiromdom sa sakong banwaan.

Jeremias 14:21

Giromdoma an saimong mga panuga asin dai mo kami ipagsikwal; dai mo paghalean nin onra an Jerusalem, an namumugtakan kan mamuraway mong trono. Dai mo paglapason an tipan na ginibo mo samo.

Ezekiel 16:60

Alagad gigiromdomon ko an tipan ko sa saimo kan ika aki pa, dangan makikipagtipan ako saimo nin sarong tipan na magdadanay sagkod lamang.

Lukas 1:72

Nanuga siyang maheherakan niya an satong mga ginikanan, asin gigiromdomon an banal niyang tipan.

Deuteronomio 7:9

Giromdoma na an Kagurangnan na saindong Dios iyo sana an Dios asin maimbod siya. Ootobon niya an saiyang tipan asin ipapahiling niya an saiyang danay na pagkamoot sa ribo-ribong henerasyon kan mga namomoot saiya saka nag-ootob kan saiyang mga togon,