Genesis 8:21 - Marahay na Bareta Biblia

²¹ Nawilihan nin Kagurangnan an parong kan dolot asin nagsaboot siya, “Dai ko na nanggad susumpaon an kinaban huli sa gibo nin tawo; aram kong maraot an kaisipan kan tawo poon pagkaniaki niya. Dai ko na nanggad paparaon an gabos na nabubuhay arog kan ginibo ko.

Genesis 8:21 ပူးပေါင်းရင်းမြစ်များ

Genesis 3:17

Pakatapos, tinaraman niya si Adan, “Huli ta dinangog mo an saimong agom asin nagkakan ka kan bunga na dai ko saimo ipinapakakan, isinusumpa ko an daga huli saimo. Kaipuhan na maglapigot ka sa pagtrabaho sa bilog mong buhay tanganing magkaigwa ka nin pagkakan.

Genesis 4:12

Kun magtanom ka, mayo kang aanihon; ika magigin sarong paradulag asin sarong lagalag sa kinaban.”

Genesis 5:29

Nagsabi siya, “Hale sa dagang isinumpa nin Kagurangnan, an aking ini madara sato nin kaginhawahan sa gabos nyatong kapagalan”; kaya Noe an inginaran niya sa aki.

Genesis 6:13

Nagtaram an Dios ki Noe, “Nagdesider na akong paraon an katawohan huli ta an daga pano na nin kadahasan huli sainda.

Genesis 6:17

Papadarahan ko nin baha an bilog na kinaban tanganing gadanon an gabos na may buhay. Magagadan an gabos na yaon sa daga,

Genesis 6:5

Kan nahiling nin Kagurangnan an kadakulaan kan karatan kan mga tawo sa kinaban asin an karigsokan kan saindang kaisipan sa gabos na panahon,

Genesis 6:7

Kaya nagtaram siya, “Paparaon ko ining mga tawo na sakong linalang asin an mga hayop patin an mga gamgam, huli ta nagbabasol ako kun tadaw ta ginibo ko pa sinda.”

An Libro ni Job 14:4

Siisay an makakapaluwas nin malinig na bagay hale sa maati? Mayo nin siisay man.

Salmo 51:5

Uya, namundag ako sa kasombikalan; ipinangidam ako kan sakong ina sa kasalan.

Salmo 58:3

Poon na ipangidam, an mga tampalasan naglalagalag na; putikon na sinda poon pagkamundag.

Salmo 58:4

May kamandag sinda arog kan sa halas, sineserahan an saindang talinga arog kan bongog na kobra,

Exodo 29:18

tutongon mo an bilog na karnero sa ibabaw kan altar bilang sarong tinutong na atang. An parong kan dolot na ini nawiwilihan ko.

Exodo 29:25

Dangan kuahon mo iyan sa sainda asin tutongon mo sa altar, sa ibabaw kan tinutong na atang, bilang sarong dolot na pagkakan sako. An parong kan dolot na ini nawiwilihan ko.

Mga Talinhaga 20:9

Siisay an makakasabi na malinig an saiyang puso, asin mayo siya nin kasalan?

Parahulit 7:20

Sa kinaban, mayo nanggad nin sarong matanos na tawo na danay na naggigibo nin karahayan sa gabos na panahon asin dai nanggad nagkakasala.

Isaias 47:12

Padagosa an saimong mga panlulumay saka mga pangkukulam; ginamit mo na iyan poon kan ika hoben pa. Tibaad makatabang iyan saimo, na matakot an mga kaiwal mo.

Isaias 47:15

Mayo nin itataong karahayan saimo an mga astrologo na pinaghahagadan mo nin hatol sa bilog mong buhay. Babayaan ka ninda asin malakaw sinda sa sadiri nindang dalan, dangan mayo nin matatada na maligtas saimo.”

Isaias 48:8

Aram kong dai kamo pwedeng paniwalaan, asin poon sa pagkamundag inapod na kamong mga matumang. Iyan an dahelan kun tadaw ta dai pa nindo nadangog an siring kaini, kun tadaw ta dai pa saindo kaiyan nin nakapagsabi.

Isaias 53:6

Gabos kita siring sa karnero na nagkawarara, an lambang saro sato naglakaw sa sadiring dalan. Alagad sa saiya pinahugpa nin Kagurangnan an padusa, an padusa na dapat kita kuta an mag-ako.

Isaias 65:6

“Aram ko an gigibohon kong padusa sainda, asin nakasurat na an saindang sentensya. Dai ko papawaraan nin halaga an saindang ginibo; papadusahan ko sinda

Jeremias 17:9

“Siisay an makakasabot kan puso nin tawo? Mayo nin ibang arog kaiyan kadaya; grabe na an helang kaiyan asin dai na maoomayan.

Jeremias 18:12

Masimbag sinda, ‘Dai, tadaw ta magbabago kami? Susundon mi an sadiri nyamong plano asin gabos kami magibo sosog sa katagasan kan maraot nyamong mga puso!’”

Jeremias 8:6

Hininanyog ko kamo nin marahay alagad dai kamo nagsabi kan totoo. Mayo maski saro saindo nin nagsosolsol kan saiyang katampalasanan; mayo saindo nin naghahapot, ‘Anong kasalan an sakong ginibo?’ An lambang saro padagos sa sadiri niyang dalan, arog sa kabayo na pasiring sa ralaban.

Ezekiel 20:41

Pakatapos na iluwas ko kamo sa mga daga na pinagwarakan saindo asin pakatipona ko saindo, aakoon ko an mga sakripisyo na tututongon nindo, dangan mahihiling kan mga nasyon na ako banal.

Levitico 1:13

Huhugasan kan kagdolot an bituka asin an nasa hurihan na mga bitis kan hayop, dangan idodolot kan padi an bilog na atang; tututongon niya iyan gabos sa altar. An parong kaiyan nawiwilihan nin Kagurangnan.

Levitico 1:17

Dangan kakapotan niya an mag-ibong na pakpak asin babaakon niya an hawak, alagad dai niya pagsusuhayon. Pakatapos, tututongon niyang bilog an gamgam duman sa altar. An parong kaiyan nawiwilihan nin Kagurangnan.

Levitico 1:9

An kagdolot iyo an mahugas kan bituka asin kan nasa hurihan na mga bitis kan hayop. An padi iyo an matutong kan bilog na atang sa altar. An parong kaiyan nawiwilihan nin Kagurangnan.

Levitico 26:31

raraoton ko an saindong mga syudad, kaiba kan mga lugar na saindong pinagsasambahan, asin dai ko aakoon an saindong mga atang.

Levitico 4:31

Dangan hahaleon niya an gabos na taba, siring kan paghale niya sa taba kan mga hayop na binubuno bilang atang para sa katoninongan, asin tututongon niya iyan sa altar. An parong kaiyan nawiwilihan nin Kagurangnan. Sa paaging ini, idodolot kan padi an atang para sa kasalan kan nasabing tawo asin papatawadon siya.

Levitico 8:28

Kinua sainda ni Moises an pagkakan dangan tinutong niya sa altar, sa ibabaw kan tinutong na atang, bilang dolot para sa ordenasyon. Ini sarong dolot na pagkakan asin an parong kaini nawiwilihan nin Kagurangnan.

Mga Bilang 15:3

Pwede sindang magdolot sa Kagurangnan nin sarong torong baka o sarong lalaking karnero o sarong kordero o sarong kanding bilang tinutong na atang, o dolot sa pag-otob nin sarong panuga, o boluntad na dolot, o dolot kun panahon nin pyesta; an parong kan mga dolot na pagkakan na ini nakakawili sa Kagurangnan.

Mateo 15:19

Huli ta sa puso minagikan an mga maraot na kaisipan, an panggadan, panambay, an paggibo nin mga bagay na imoral, panghabon, pagputik asin pagpakaraot sa iba.

Juan 3:6

An namumundag sa laman, laman; an namumundag sa Espiritu, espiritu.

Roma 1:21

Maski midbid ninda an Dios, dai ninda siya tinawan kan kaomawan bilang Dios, asin dai sinda nagpasalamat saiya. Kundi nagparaisip sinda nin mga bagay na mayong halaga asin nadikloman an isip ninda.

Roma 3:23

huli ta an gabos nagkasala asin harayo sa kamurawayan nin Dios.

2 Corinto 2:15

Huli ta kami an mahamot na insenso na idinolot ni Cristo sa Dios, na napaparong kan mga iliniligtas asin kan mga napapahamak.

Efeso 5:2

Maglakaw kamo sa pagkamoot, siring na si Cristo namoot sato. Idinusay niya an saiyang buhay para sato, bilang mahamot na dolot asin sakripisyo sa Dios.

Filipos 4:18

Uya an patotoo na an gabos inako ko na saindo; sobra pa ngani an inako ko orog na ngunyan na dinara na ni Epaprodito an saindong mga regalo. Ini sarong mahamot na dolot sa Dios, sarong atang na ikinakaogma niyang akoon.

1 Juan 5:19

Aram nyato na kita sadiri nin Dios, asin an bilog na kinaban nasa kapangyarihan kan Maraot.

1 Samuel 26:19

Mahal na Hade, dangoga an sasabihon ko. Kun an Kagurangnan an nagpasabong saimo na labanan ako, pwedeng magbago an saiyang isip huli sa sarong dolot. Alagad kun mga tawo an kaggibo kaiyan, mapasainda logod an maldisyon nin Kagurangnan, huli ta pinahale ninda ako sa daga nin Kagurangnan asin pinaduman sa sarong daga saen mga dayuhan na dios an pwede ko sanang sambahon.