Genesis 8:20 - Marahay na Bareta Biblia

²⁰ Guminibo si Noe nin altar para sa Kagurangnan; pakatapos kuminua siya nin saro hale sa manlaen-laen na klase kan malinig na hayop asin gamgam dangan tinutong niyang bilog an mga ini sa altar bilang dolot.

Genesis 8:20 ပူးပေါင်းရင်းမြစ်များ

Genesis 13:18

Kaya naghale duman si Abram asin nag-erok harani sa sagradong mga kahoy ni Mamre sa Hebron. Nagpatindog siya nin altar duman para sa Kagurangnan.

Genesis 13:4

asin pinatindogan niya nin altar. Duman nagsamba si Abram sa Kagurangnan.

Genesis 22:2

Nagtaram an Dios, “Ipag-iba mo an saimong aki, an bugtong mong aking si Isaac na namomotan mo nin marahay, asin magduman ka sa daga nin Moria. Idolot mo siya sako bilang tinutong na atang duman sa bulod na itutukdo ko saimo.”

Genesis 22:9

Pag-abot ninda sa lugar na itinaram nin Dios, naggibo si Abraham nin sarong altar dangan pinakarahay an mga kahoy sa ibabaw kaini. Pakatapos, ginapos niya si Isaac asin ibinugtak sa altar, sa ibabaw kan mga kahoy.

Genesis 26:25

Kaya nagtugdok duman nin altar si Isaac asin nagsamba sa Kagurangnan. Duman na siya nag-erok, asin nagkalot duman nin saro pang bubon an saiyang mga sorogoon.

Genesis 33:20

Nagpatindog siya nin altar duman asin nginaranan niyang El-Elohe-Israel.

Genesis 35:1

Nagtaram an Dios ki Jacob, “Magduman ka tolos sa Betel asin duman ka mag-erok. Gumibo ka nin sarong altar duman para sako, an Dios na nagpahiling saimo kan ika magdulag sa tugang mong si Esau.”

Genesis 35:7

Itinugdok niya duman an sarong altar asin an lugar nginaranan niyang El-Betel, huli ta duman nagpahiling saiya an Dios kan nagdulag siya sa saiyang tugang.

Genesis 4:4

Nagdara man si Abel kan enot na ogbon kan saiyang mga karnero, binuno ini, dangan idinolot an mga pinakamarahay na kabtang. Nawilihan nin Kagurangnan si Abel asin an saiyang dolot

Genesis 7:2

Magdara ka nin pitong pades, sarong lalaki asin sarong babae, kan lambang klase nin malinig na hayop alagad saro sanang pades kan maating hayop.

Genesis 7:3

Magdara ka man nin pitong pades kan lambang klase nin gamgam. Giboha ini tanganing mabuhay asin magdakul giraray sa daga an gabos na klase nin hayop asin gamgam.

Genesis 8:19

Dangan grupo-grupong nagruluwas man sa arka an gabos na hayop asin gamgam sosog sa manlaen-laen na klase ninda.

An Libro ni Job 1:5

Pagkaaga, kun tapos na an bangkete, amay na minabangon si Job asin minadolot nin mga sakripisyo para sa lambang aki niya tanganing mapabanal sinda. Danay na ginigibo niya ini ta nagsaboot siya na tibaad nagkasala an saro sainda sa dai tinutuyong pag-olog-olog sa Dios.

Exodo 10:25

Nagsimbag si Moises, “Dangan ika na an matao samo nin mga hayop na iaatang sa Kagurangnan na samong Dios.

Exodo 29:18

tutongon mo an bilog na karnero sa ibabaw kan altar bilang sarong tinutong na atang. An parong kan dolot na ini nawiwilihan ko.

Exodo 29:25

Dangan kuahon mo iyan sa sainda asin tutongon mo sa altar, sa ibabaw kan tinutong na atang, bilang sarong dolot na pagkakan sako. An parong kan dolot na ini nawiwilihan ko.

Roma 12:1

Kaya, mga tugang, huli sa dakulang pagkaherak nin Dios sato, nakikiolay ako saindo: Idolot nindo sa Dios an sadiri nindong hawak bilang sarong buhay na atang, banal asin maaako niya. Ini an tunay na pagsamba na dapat nindong itao sa Dios.

Hebreyo 13:10

An mga pading naglilingkod sa lugar na pagsasambahan mayo nin deretso na magkakan kan atang sa satong altar.

1 Pedro 2:5

Magdolok kamo bilang mga buhay na gapo tanganing magamit sa pagtugdok kan espiritwal na templo; maglilingkod kamo bilang mga banal na padi, na magdodolot nin mga atang na espiritwal, na ikakaogma nin Dios huli ki Jesu-Cristo.

1 Pedro 2:9

Alagad kamo an piniling rasa, mga padi kan Hade, sarong nasyon na banal, saka mga tawong sadiri nin Dios. Pinili kamo tanganing magbareta kan mga makangangalas na gibo nin Dios na iyo an nag-apod saindo hale sa kadikloman pasiring sa saiyang makangangalas na liwanag.