Genesis 6:9 - Marahay na Bareta Biblia

^9-10 Iyo ini an istorya ni Noe. Nagkaigwa siya nin tolong aking lalaki: si Sem, si Ham asin si Jafet. Si Noe iyo sana an matanos na tawo kan panahon niya. Naglakaw siya sa kaibahan nin Dios;

Genesis 6:9 ပူးပေါင်းရင်းမြစ်များ

Genesis 10:1

Iyo ini an mga kapagarakian kan mga aking lalaki ni Noe na si Sem, Ham, asin Jafet. Sindang tolo nagkaigwa nin mga aking lalaki pakatapos kan baha.

Genesis 17:1

Kan nubenta y nuebe na an edad ni Abram, nagpahiling saiya an Kagurangnan asin nagtaram saiya, “Ako an Makakamhan na Dios; kuyogon mo ako asin danay mong gibohon an matanos.

Genesis 2:4

Siring kaini an pagkalalang kan kalangitan asin kan daga. Kan gibohon nin Kagurangnan Dios an kalangitan asin an daga,

Genesis 48:15

Dangan benendisyonan niya si Jose: “Bendisyonan logod an mga aking ini nin Dios na pinaglingkodan kan sakong mga magurang na si Abraham asin si Isaac! Bendisyonan logod an mga aking ini nin Dios na nangenot sako sagkod ngunyan!

Genesis 5:1

Iyo ini an mga kapagarakian ni Adan. (Kan lalangon nin Dios an katawohan, ginibo niya sindang arog sa saiya.

Genesis 5:22

Dangan nabuhay pa siya nin tres syentos na taon sa kaibahan nin Dios asin nagkaigwa pa nin ibang mga aki.

Genesis 5:24

Naglakaw si Enoc sa kaibahan nin Dios dangan nawara siya, huli ta kinua siya nin Dios.

Genesis 7:1

Tinaraman nin Kagurangnan si Noe, “Lumaog ka sa arka kaiba an bilog mong pamilya huli ta ika sana an nahiling kong naggigibo nin matanos sa henerasyon na ini.

2 Samuel 22:24

Ako nagin matanos sa saiyang atubang, asin linikayan ko an gabos na kasalan.

1 Mga Hade 3:6

Nagsimbag si Solomon, “Pinahilingan mo nin dakula asin danay na pagkamoot an sakong ama na si David na saimong sorogoon huli ta naglakaw siya na maimbod, matanos asin marahay sa atubangan mo. Ipinadagos mo an pagpahiling kan dakula asin danay na pagkamoot saiya kan tawan mo siya nin sarong aking lalaki tanganing magtukaw ngunyan sa saiyang trono.

2 Mga Cronica 15:17

Dai nahale ni Asa an gabos na paganong altar na pagsasambahan, alagad nagin maimbod siya sa Kagurangnan sa bilog niyang pagkabuhay.

2 Mga Cronica 25:2

Ginibo niya an matanos sa atubangan nin Kagurangnan, alagad bako iyan tudok sa puso niya.

An Libro ni Job 1:1

Igwa kaidto nin sarong lalaki na an ngaran Job, na nag-erok sa daga nin Uz. Matanos siyang tawo asin linikayan niya an paggibo nin maraot.

An Libro ni Job 1:8

Naghapot giraray an Kagurangnan, “Nanumpongan mo si Job na sakong sorogoon? Mayo nin makakaarog saiya sa kinaban sa kaimbodan asin sa katanosan. Nagsasamba siya sako asin naglilikay sa paggibo nin maraot.”

An Libro ni Job 12:4

Ako nagin ngingisihan ngunyan kan sakong mga katood; ako, na nag-apod sa Dios asin sinimbag niya, ako, na matanos saka mayong sala.

Salmo 37:37

Masdan mo an marahay na tawo, asin hilinga an matanos; an matoninong na tawo igwa nin kapagarakian.

Salmo 37:39

Hale sa Kagurangnan an kaligtasan nin mga matanos; siya an saindang pailihan sa panahon nin kasakitan.

Mga Talinhaga 4:18

Alagad an dalan kan matanos arog kan liwanag nin kaagahon, na minaorog mantang nag-iitaas an aldaw.

Parahulit 7:20

Sa kinaban, mayo nanggad nin sarong matanos na tawo na danay na naggigibo nin karahayan sa gabos na panahon asin dai nanggad nagkakasala.

Ezekiel 14:14

Maski pa nag-eerok duman idtong tolong lalaki na si Noe, Danel, asin Job, an ikakaligtas sana kan saindang katanosan iyo an sadiri nindang buhay.” An Kagurangnan Dios an nagtaram.

Ezekiel 14:20

maski pa nag-eerok duman si Noe, si Danel, saka si Job, mantang ako an Kagurangnan Dios na buhay, dai ninda pwedeng ikaligtas maski an saindang mga aki. An ikakaligtas sana kan saindang katanosan iyo an sadiri nindang buhay.”

Habakkuk 2:4

Iyo ini an mensahe: ‘An mga maraot dai mabubuhay, alagad an mga matanos mabubuhay huli ta maimbod sinda sa Dios.’”

Lukas 1:6

An mag-agom na ini parehong banal; nagkukuyog sinda kan gabos na katogonan asin pagboot nin Kagurangnan.

Lukas 2:25

Sa Jerusalem may sarong tawo kaidto na an ngaran Simeon. Siya matanos asin maimbod sa Dios; naghahalat siya kan kaligtasan nin Israel. Nasa saiya an Espiritu Santo,

Lukas 23:50

May sarong lalaki na an ngaran Jose, na taga Arimatea, sarong banwaan sa Judea. Marahay saka matanos siyang tawo na naghahalat kan pag-abot kan Kahadean nin Dios. Kaayon siya kan Konseho, alagad dai siya nag-oyon sa saindang mga plano asin mga gibo.

Mga Gibo 10:22

Nagsimbag sinda, “Sinugo kami ni Kapitan Cornelio. Matanos siyang tawo, may pagkatakot sa Dios, saka ginagalangan kan gabos na Judio. Sinabihan siya kan sarong anghel nin Dios na alokon ka sa harong niya, tanganing makadangog siya kan sasabihon mo.”

Roma 1:17

Huli ta ipinapahayag kan Marahay na Bareta kun paano pinangagin matanos nin Dios sa saiya an tawo: sa paagi nin pagtubod magpoon sa kapinonan sagkod sa kataposan. Siring sa nasusurat, “An tawong pinangagin matanos sa Dios sa paagi nin pagtubod, mabubuhay.”

Galacia 3:11

Kaya malinaw na mayong tawong nagigin matanos sa Dios huli sa Katogonan. Huli ta nasusurat, “An nagigin matanos sa Dios huli sa pagtubod, mabubuhay.”

Deuteronomio 18:13

Magmaimbod kamo sa Kagurangnan na saindong Dios.”

Hebreyo 11:7

Huli sa pagtubod, dinangog ni Noe an mga patanid nin Dios dapit sa mga bagay na mangyayari asin dai pa niya nahihiling. Kinuyog niya an Dios, saka naggibo siya nin arka na maligtas saiya asin kan bilog niyang pamilya. Huli kaini, hinatolan an kinaban asin nagin paramana siya kan katanosan na bunga kan pagtubod.

1 Pedro 2:5

Magdolok kamo bilang mga buhay na gapo tanganing magamit sa pagtugdok kan espiritwal na templo; maglilingkod kamo bilang mga banal na padi, na magdodolot nin mga atang na espiritwal, na ikakaogma nin Dios huli ki Jesu-Cristo.

2 Pedro 2:5

An kinaban kaidto dai man pinaligtas nin Dios, kundi pinalantopan niya nin baha an mga maraot na tawo. Si Noe sana na naghulit dapit sa katanosan an nakaligtas, kaiba an pito katawo.