Genesis 6:7 - Marahay na Bareta Biblia

⁷ Kaya nagtaram siya, “Paparaon ko ining mga tawo na sakong linalang asin an mga hayop patin an mga gamgam, huli ta nagbabasol ako kun tadaw ta ginibo ko pa sinda.”

Genesis 6:7 ပူးပေါင်းရင်းမြစ်များ

Genesis 6:6

nagmondo siya saka nagbasol kun tadaw ta ginibo pa niya an mga tawo dangan ibinugtak sa daga.

Genesis 7:21

Daing natadang may buhay sa kinaban—nagkagaradan an lambang gamgam, hayop asin tawo.

Genesis 7:4

Huli ta pitong aldaw poon ngunyan, papauranon ko sa laog nin kwarentang aldaw asin banggi tanganing mawara an gabos na nabubuhay na ginibo ko.”

Genesis 8:21

Nawilihan nin Kagurangnan an parong kan dolot asin nagsaboot siya, “Dai ko na nanggad susumpaon an kinaban huli sa gibo nin tawo; aram kong maraot an kaisipan kan tawo poon pagkaniaki niya. Dai ko na nanggad paparaon an gabos na nabubuhay arog kan ginibo ko.

Salmo 37:20

Alagad an mga maraot magagadan; mapapara arog sa mga burak sa kaawagan an mga kaiwal nin Kagurangnan; siring sa aso, mawawara sinda.

Mga Talinhaga 10:27

An pagkatakot sa Kagurangnan nagpapahalawig nin buhay, alagad halipot an mga taon kan maraot na tawo.

Mga Talinhaga 16:4

An gabos na ginibo nin Kagurangnan igwa nin katuyohan; asin an kataposan kan maraot iyo an kapahamakan.

Isaias 27:11

Aralang asin barari na an mga sanga kan mga kahoy; pinoporot sinda kan mga babae tanganing igatong. Huli ta mayo nin pakasabot an mga tawong ini, dai sinda maheherakan kan Dios na naglalang sainda; dai sinda pahihilingan nin pagkaherak.

Oseas 4:3

Kaya maaalang an daga, asin magagadan an gabos na nabubuhay diyan. Magagadan man an gabos na hayop, gamgam saka sira.”

Amos 7:3

Nagbago nin isip an Kagurangnan asin nagsabi, “Dai mangyayari an saimong nahiling.”

Amos 7:6

Nagbago nin isip an Kagurangnan asin nagsabi, “Dai man iyan mangyayari.”

Sofonias 1:18

Sa aldaw na ipahiling nin Kagurangnan an labi-labi niyang kaanggotan, dai sinda ikakaligtas maski kan gabos nindang plata o bulawan. An bilog na daga raraoton kan kalayo nin saiyang kaanggotan. Tataposon niya an gabos na nag-eerok sa daga—sarong bigla na kataposan.

Sofonias 1:2

Nagtaram an Kagurangnan, “Raraoton ko an gabos sa daga,

Sofonias 1:3

an mga tawo saka mga hayop, an mga gamgam asin mga sira. Ibabagsak ko an gabos na tampalasan. Pupuhoon ko an katawohan digdi sa daga. Ako, an Kagurangnan, an nagtaram.

Deuteronomio 28:63

Kun gurano nagin maogma an Kagurangnan sa pagpauswag asin pagpadakul saindo, siring man an saiyang magigin kaogmahan sa pagraot saka pagtunaw saindo; gagaboton niya kamo duman sa daga na saindong lalaogon dangan sasadirihon.

Deuteronomio 29:20

An siring na tawo dai nanggad papatawadon nin Kagurangnan; maglalaad laban sa saiya an bilog na kaanggotan saka pagkamaimon nin Kagurangnan, asin mapapasaiya an gabos na maldisyon na nasusurat sa librong ini, sagkod na mapara an saiyang ngaran sa ibabaw nin daga.

1 Samuel 15:11

“Nagbabasol ako ta ginibo kong hade si Saul; tinalikodan niya ako asin sinuhay an sakong mga pagboot.” Naanggot si Samuel; bilog na bangging nakimaherak siya sa Kagurangnan.