Genesis 6:6 - Marahay na Bareta Biblia

⁶ nagmondo siya saka nagbasol kun tadaw ta ginibo pa niya an mga tawo dangan ibinugtak sa daga.

Genesis 6:6 ပူးပေါင်းရင်းမြစ်များ

Genesis 6:7

Kaya nagtaram siya, “Paparaon ko ining mga tawo na sakong linalang asin an mga hayop patin an mga gamgam, huli ta nagbabasol ako kun tadaw ta ginibo ko pa sinda.”

2 Samuel 24:16

Kan an Jerusalem na an raraoton kan anghel nin Kagurangnan, nagliwat siya nin isip dapit sa pagpadusa sa mga tawo. Tinaraman niya an anghel na nanggagadan kan mga tawo, “Ontok! Tama na!” An anghel yaon duman sa may ginikan ni Arauna na Jebuseo.

1 Mga Cronica 21:15

Dangan nagsugo siya nin sarong anghel tanganing tunawon an Jerusalem; alagad nagbago siya nin isip asin nagsabi sa anghel, “Ontok! Tama na!” An anghel nin Kagurangnan nagtitindog sa may ginikan ni Arauna na Jebuseo.

Salmo 106:45

Huli sainda giniromdom niya an saiyang tipan; asin sa kadakulaan kan danay niyang pagkamoot, naglumoy an saiyang boot.

Salmo 110:4

An Kagurangnan nagsumpa asin dai niya ini babawion: “Ika padi sagkod pa man sosog sa orden ni Melkizedek.”

Salmo 119:158

Nababaldi ako kun nahihiling ko an mga mayong pagtubod, huli ta dai ninda inootob an saimong mga pagboot.

Salmo 78:40

Pirang beses sindang nagrebelde tumang saiya sa desyerto; pirang beses ninda siyang pinamondo!

Salmo 81:13

Kun magdangog kuta sako an sakong banwaan; kun magsunod kuta an Israel sa sakong mga dalan!

Salmo 95:10

Nabaldi ako sa henerasyon na idto sa laog nin kwarentang taon. Nagtaram ako, ‘Sinda sarong banwaan na nagkakasala sa puso, asin dai ninda sinusunod an sakong mga dalan.’

Exodo 32:14

Kaya dai idinagos nin Kagurangnan an saiyang kaisipan na pagtunaw sa saiyang banwaan.

Isaias 48:18

“Kun saimo sanang dinangog an sakong katogonan siring kutana sa sarong salog an saindong katoninongan, asin siring sa mga alon nin dagat an saindong katanosan!

Isaias 63:10

alagad nagrebelde sinda tumang saiya asin pinamondo ninda an saiyang espiritu. Kaya nagin kaiwal ninda an Kagurangnan asin linabanan niya sinda.

Jeremias 18:7

Kun nagtaram ako sa sarong panahon na sakong gagaboton, ibabagsak o raraoton an arin man na nasyon o kahadean,

Jeremias 26:19

Dai ginadan ni Hadeng Ezekias asin kan mga taga Juda si Mikas. Embes kaiyan, natakot sa Kagurangnan si Ezekias saka hiningowa niyang mawilihan siya nin Kagurangnan. Binago nin Kagurangnan an saiyang desisyon manongod sa kasakitan na sinabi niyang dadarahon niya sainda. Ngunyan, kita man sana an naghahagad nin kasakitan para sa satong mga sadiri.” (

Ezekiel 33:11

Sabihan mo sinda na mantang ako, an Kagurangnan Dios na buhay, dai ako naoogma kun nagagadan an sarong parakasala; kundi boot kong mag-ontok siya sa pagkakasala dangan mabuhay. Israel, ontoka an karatan na saimong ginigibo. Tadaw ta boot mong magadan?

Oseas 11:8

“Mapapabayaan taka daw, O Israel? Matitios ko daw na bayaan ka? Pwede daw na raoton taka siring kan ginibo ko sa Adma, o gibohon saimo an ginibo ko sa Zeboiim? Dai minatugot an sakong puso na gibohon ko iyan! Dakula nin marahay an sakong pagkamoot saimo.

Joel 2:13

Magbakle kamo nin tudok sa saindong puso, asin bakong huli sa paggisi kan saindong gubing.” Magbalik kamo sa Kagurangnan na saindong Dios. Mahuyo siya asin maheherakon; matinios siya saka nag-ootob kan saiyang mga panuga; danay siyang andam sa pagpatawad asin bakong sa pagpadusa.

Jonas 3:10

Nahiling nin Dios an ginibo ninda; kun paano sinda nagtalikod sa maraot nindang gawe. Kaya nagbago siya nin isip asin dai na niya sinda pinadusahan siring sa sinabi niyang gigibohon niya.

Malakias 3:6

“Ako an Kagurangnan, asin dai ako nagliliwat. Kaya kamo, an mga kapagarakian ni Jacob, dai pa napupuho.

Mga Bilang 23:19

An Dios bakong siring sa mga tawo na nagpuputik; Bako siyang tawo na nagbabago nin isip. An ano man na ipinanuga niya, ginigibo niya; Minataram siya, asin nangyayari iyan.

Roma 11:29

Dai binabawi nin Dios an saiyang mga balaog; dai niya binabago an saiyang pag-apod.

Efeso 4:30

Dai nindo pagpamondoon an Espiritu Santo nin Dios, an tanda nin Dios sa saindo para sa Aldaw nin pagtubos.

Deuteronomio 32:29

Kun sinda madonong, masasabotan ninda kun tano ta sinda nadaog.

Deuteronomio 32:36

Ililigtas nin Kagurangnan an saiyang banwaan, kun mahiling niyang mayo na sindang kapangyarihan. Maheherakan niya idtong mga naglilingkod saiya, kun mahiling niyang kadikit na sana sinda.

Deuteronomio 5:29

Padagos logod sindang matakot sako asin mag-otob kan sakuyang mga togon tanganing mapakarahay sinda asin an saindang kapagarakian sagkod pa man!

Hebreyo 3:10

Kaya naanggot ako nin marahay sa mga tawong idto. Nagsabi ako, ‘Danay na lagalag sinda sako; habo sindang magkuyog sa mga kabotan ko.’

Hebreyo 3:17

Kiisay naanggot an Dios sa laog nin kwarentang taon? Bakong sa mga tawong nagkasala, na nagkaturumbang gadan duman sa kalangtadan?

Santiago 1:17

An lambang balaog na marahay asin an lambang tunay na regalo gikan sa langit, hale sa Ama na Kaglalang kan gabos na liwanag sa langit. Sa saiya mayo nin pagliwat o anino nin pagbabago.

1 Samuel 15:11

“Nagbabasol ako ta ginibo kong hade si Saul; tinalikodan niya ako asin sinuhay an sakong mga pagboot.” Naanggot si Samuel; bilog na bangging nakimaherak siya sa Kagurangnan.

1 Samuel 15:29

Dai nagpuputik o nagbabago nin isip an mamurawayon na Dios nin Israel. Bako siya tawo—dai siya nagbabago nin isip.”

1 Samuel 15:35

Mantang nabubuhay si Samuel, dai na nanggad siya nakipaghilingan ki Saul, alagad nagmondo siya para ki Saul. Nagbasol an Kagurangnan kun tadaw ta ginibo niyang hade si Saul sa Israel.