Genesis 50:24 - Marahay na Bareta Biblia

²⁴ Sinabihan ni Jose an saiyang mga tugang, “Madali na akong magadan, alagad aatamanon kamo nin Dios asin papangenotan niya kamo paluwas sa dagang ini pasiring sa dagang ipinanuga niya ki Abraham, ki Isaac asin ki Jacob.”

Genesis 50:24 ပူးပေါင်းရင်းမြစ်များ

Genesis 12:7

Nagpahiling an Kagurangnan ki Abram asin nagtaram saiya, “Iyo ini an daga na itatao ko sa saimong mga kapagarakian.” Kaya naggibo siya duman nin altar para sa Kagurangnan na nagpahiling saiya.

Genesis 13:15

huli ta an gabos na daga na nahihiling mo itatao ko sa saimo asin sa mga kapagarakian mo sagkod lamang.

Genesis 13:17

Lakaw asin hilinga an bilog na daga ta itatao ko gabos iyan saimo.”

Genesis 15:18

Sa oras na idto nakipagtipan an Kagurangnan ki Abram asin nagtaram, “Nanunuga ako na itatao ko sa saimong mga kapagarakian an bilog na dagang ini, magpoon sa Egipto sagkod sa Salog nin Eufrates,

Genesis 15:7

Dangan tinaraman nin Kagurangnan si Abram, “Ako an Kagurangnan na nagkua saimo sa Ur kan Babilonia tanganing itao saimo ining daga bilang sadiri.”

Genesis 15:8

Alagad naghapot si Abram, “O Kagurangnan Dios, paano ko maaaraman na mapapasako ini?”

Genesis 17:8

Itatao ko saimo asin sa saimong mga kapagarakian an dagang ini, saen saro kang dayuhan ngunyan. An bilog na Canaan masasadirihan kan saimong mga kapagarakian sagkod pa man, asin ako an magigin Dios ninda.”

Genesis 21:1

Benendisyonan nin Kagurangnan si Sara siring sa pangako niya,

Genesis 26:3

Mag-erok ka sa dagang ini; iibahan asin bebendisyonan taka. Itatao ko saimo asin sa mga kapagarakian mo an bilog na dagang ini, asin ootobon ko an sakong panuga sa saimong ama na si Abraham.

Genesis 28:13

Nahiling man niyang nagtitindog an Kagurangnan sa kataed niya asin nagtaram, “Ako an Kagurangnan, an Dios ni Abraham asin ni Isaac. Itatao ko saimo asin sa mga kapagarakian mo ining daga na nahihigdaan mo.

Genesis 3:19

Magpapatagdo ka nin ganot tanganing mapabunga nin anoman an daga, sagkod na ika magadan. Ginibo ka sa kabokabo nin daga kaya sa kabokabo ka mabalik.”

Genesis 35:12

Itatao ko saimo an daga na itinao ko ki Abraham saka ki Isaac, asin itatao ko man iyan sa saimong mga kapagarakian.”

Genesis 46:4

Iibahan taka pasiring sa Egipto, asin ibabalik ko sa dagang ini an saimong kapagarakian. Masasakaibahan mo si Jose sa oras kan saimong pagkagadan.”

Genesis 47:29

Kan madali na siyang magadan, inapod niya an aki niyang si Jose asin sinabihan, “Ibugtak mo an saimong kamot sa pagultanan kan sakong mga hita asin magsumpa ka na dai mo ako ilulubong sa Egipto.

Genesis 48:21

Dangan nagsabi si Jacob, “Jose, madali na akong magadan, alagad iibahan ka nin Dios asin ibabalik ka niya sa daga kan saimong mga ginikanan.

Genesis 50:5

‘Kan magagadan na an sakong ama, pinasumpa niya ako na duman ko siya ilubong sa inandam niyang lulubngan sa Canaan. Kaya tugote akong ilubong an sakong ama, asin pakatapos, mabalik ako.’”

An Libro ni Job 30:23

Aram kong dadarahon mo ako sa sakong kagadanan, an huring padudumanan kan gabos na nabubuhay.

Exodo 12:41

Naghale sinda sa Egipto sa huring aldaw kan ikakwatro syentos treyntang taon.

Exodo 12:51

Kan aldaw na idto, ilinuwas nin Kagurangnan sa Egipto an mga tribu nin Israel.

Exodo 13:19

Dinara ni Moises an mga tolang ni Jose, sa pag-otob sa kahagadan kaini, kan magsabi si Jose, “Kun iligtas na kamo nin Dios, kaipuhan darahon nindo an sakong tolang paghale nindo sa lugar na ini.”

Exodo 3:8

kaya naghilig ako tanganing iligtas sinda sa mga Egipcio asin darahon sa dagang matubang, mahiwas asin mayaman sa gabos na bagay. Dadarahon ko sinda sa dagang pinag-eerokan ngunyan kan mga Cananeo, Heteo, Amoreo, Perezeo, Heveo asin Jebuseo.

Exodo 33:1

Tinaraman nin Kagurangnan si Moises, “Maghale na kamo sa lugar na ini, ika asin an mga tawong ilinuwas mo sa Egipto; magduman kamo sa dagang ipinanuga ko ki Abraham, ki Isaac, ki Jacob sagkod sa saindang mga kapagarakian.

Exodo 4:31

Nagtubod sinda, asin kan madangog ninda na dinalaw nin Kagurangnan an banwaan nin Israel saka nahiling an saindang kasakitan sa Egipto, nagduko sinda asin nagsamba.

Parahulit 12:5

Matatakot kamo sa halangkaw na mga lugar, asin magigin makatatakot saindo an paglakaw. Magigin puti an saindong buhok asin magigin dipisil saindo maski an paghiro-hiro; dangan mawawara an gabos nindong pagmawot. Kita gabos maduman sa huring lugar na pahingaloan, dangan malibot sa mga tinampo an mga paramondo.

Parahulit 12:7

An satong hawak mabalik sa alpog kan daga, asin an hinangos nin buhay mabalik sa Dios, na iyo an nagtao kaiyan sato.

Mga Bilang 32:11

‘Huli ta dai sinda nagin maimbod sako, mayo nin siisay man sa mga lalaking naghale sa Egipto na an edad beynte paitaas an makakalaog sa dagang ipinanuga ko ki Abraham, ki Isaac, asin ki Jacob.’

Roma 5:12

An kasalan nakalaog sa kinaban sa paagi nin sarong tawo; asin an kagadanan, huli kan kasalan niya. Kaya nakalakop an kagadanan sa gabos na tawo, huli ta nagkasala an gabos.

Deuteronomio 1:8

Ini gabos inandam ko para saindo; dumanon nindo asin sakopon an daga na ipinanuga ko na itatao sa saindong mga ginikanan, ki Abraham, ki Isaac, asin ki Jacob sagkod sa saindang kapagarakian.’”

Deuteronomio 6:10

“Siring sa ipinanuga nin Kagurangnan na saindong Dios sa saindong mga ginikanan, ki Abraham, ki Isaac sagkod ki Jacob, tatawan niya kamo nin daga na igwa nin mga darakula asin magagayon na mga syudad na bakong kamo an nagtugdok,

Hebreyo 11:22

Huli sa pagtubod, nagtaram si Jose, kan madali na siyang magadan, na mahale sa Egipto an mga Israelita. Nagtogon siya kun ano an dapat gibohon sa saiyang mga tolang.

Hebreyo 9:27

Itinalaan na sarong beses sana magadan an lambang tawo, dangan an paghukom.

Josue 24:32

An mga tolang ni Jose, na dinara kan mga Israelita paghale ninda sa Egipto, ilinubong ninda sa Shekem, sa dagang binakal ni Jacob sa mga aki ni Hamor, an ama ni Shekem, sa kantidad na sanggatos na pedasong plata. An dagang ini minana kan kapagarakian ni Jose.