Genesis 50:23 - Marahay na Bareta Biblia

²³ Nahiling pa niya an mga aki asin makoapo ni Efraim; siya man an nag-ako sa pamilya kan mga aki ni Makir na aki ni Manases.

Genesis 50:23 ပူးပေါင်းရင်းမြစ်များ

Genesis 30:3

Nagsabi si Rachel, “Uya an katabang kong si Bilha; dorogan mo siya tanganing magkaigwa siya nin aki para sako. Sa paagi niya, ako magigin sarong ina.”

Genesis 48:19

Alagad nagsayuma an saiyang ama, na nagsabing, “Aram ko, aki ko, aram ko. Magigin sarong dakulang banwaan man si Manases. Alagad orog na magigin dakula an ngohod niyang tugang, asin an saiyang mga kapagarakian magigin dakulang mga nasyon.”

Genesis 49:12

Mapupula an saiyang mga mata sa arak na ininom, Maputi an saiyang mga ngipon sa gatas na ininom.

Genesis 50:22

Nagpadagos sa pag-erok si Jose sa Egipto sa kaibahan kan pamilya nin saiyang ama; nabuhay siya sa laog nin syento dyes na taon.

1 Mga Cronica 7:14

An mga aking lalaki ni Manases sa kasaroan niyang Aramea iyo si Asriel asin si Makir. Si Makir iyo an ama ni Gilead.

An Libro ni Job 42:16

Pakatapos kaini, nabuhay pa si Job nin syento kwarentang taon. Nahiling niya an saiyang mga makoapo sagkod sa ikaapat na henerasyon,

Salmo 128:6

Mahiling mo logod an mga aki kan saimong kaakian! An katoninongan mapasa-Israel!

Mga Talinhaga 17:6

Ipinag-oorgulyo kan mga lolo an saindang mga makoapo, siring na ipinag-oorgulyo kan mga aking lalaki an saindang mga ama.

Mga Bilang 32:33

Kaya itinao ni Moises sa mga tribu ni Gad, ni Ruben, asin sa kabanga kan tribu ni Manases an gabos na teritoryo ni Sihon na hade kan mga Amoreo asin ni Og na hade nin Basan, kaiba an mga banwa asin mga baryo sa palibot kan mga iyan.

Mga Bilang 32:39

An daga nin Gilead sinakop kan kamaganakan ni Makir, na aking lalaki ni Manases; pinalayas ninda an mga Amoreo na yaon duman.

Josue 17:1

Sarong parte kan daga sa solnopan kan Jordan an itinao sa nagkapirang pamilya na gikan ki Manases, an matuang aki ni Jose. An Gilead asin an Basan sa sirangan kan Jordan itinao ki Makir na aking matua ni Manases asin ama ni Gilead, huli ta si Makir sarong lalaking paralaban.