Genesis 5:24 - Marahay na Bareta Biblia

²⁴ Naglakaw si Enoc sa kaibahan nin Dios dangan nawara siya, huli ta kinua siya nin Dios.

Genesis 5:24 ပူးပေါင်းရင်းမြစ်များ

Genesis 24:40

Nagsimbag siya, ‘An Kagurangnan na danay kong sinusunod mapadara nin anghel na maiba saimo, asin matao saimo nin marahay na palad. An sakong aki ikukua mo nin agom hale sa pamilya nin sakong ama.

Genesis 37:30

Nagbalik siya sa saiyang mga tugang dangan nagsabi, “Mayo si Jose sa bubon! Ano na an gigibohon ko?”

Genesis 42:36

Sinabihan sinda ni Jacob, “Gusto nindong mawara an gabos kong aki. Mayo na si Jose; mayo na man si Simeon; asin ngunyan gusto nindong ipag-iba si Benjamin. Ako an nakukulogan!”

Genesis 5:22

Dangan nabuhay pa siya nin tres syentos na taon sa kaibahan nin Dios asin nagkaigwa pa nin ibang mga aki.

Genesis 5:23

Nabuhay siya sagkod sa edad na tres syentos sesenta y singkong taon.

Genesis 5:25

Kan syento otsenta y syeteng taon na an edad ni Metusela, nagkaigwa siya nin aking lalaki na iyo si Lamec.

Genesis 6:9

Iyo ini an istorya ni Noe. Nagkaigwa siya nin tolong aking lalaki: si Sem, si Ham asin si Jafet. Si Noe iyo sana an matanos na tawo kan panahon niya. Naglakaw siya sa kaibahan nin Dios;

2 Mga Hade 2:1

Nag-abot an panahon tanganing kuahon nin Kagurangnan si Elias sa paagi nin aripuros. Naghale sa Gilgal si Elias saka si Eliseo,

2 Mga Hade 2:10

Nagsimbag si Elias, “Magabat an hinagad mo, alagad kun mahiling mo ako mantang kinukua ako saimo, makakamtan mo iyan; ta kun dai, dai mo makakamtan an hinahagad mo.”

2 Mga Hade 2:11

Padagos sindang nag-oolay mantang naglalakaw. Dangan biglang nagpatahaw sainda an sarong karwahe na kalayo na guyod nin mga kabayong kalayo, asin isinakat si Elias sa langit sa paagi nin aripuros.

2 Mga Hade 2:12

Nahiling ini ni Eliseo asin nagkurahaw siya ki Elias, “Ama ko, ama ko! Makosog na parasurog nin Israel! Mayo ka na!” Asin dai na niya nahiling si Elias. Sa kamondoan, ginisi ni Eliseo an saiyang gubing sa duwang kabtang.

Salmo 49:15

Alagad ililigtas nin Dios an sakong kalag; ililigtas niya sa kapangyarihan nin kagadanan.

Salmo 73:24

Pinapangenotan mo ako huli kan saimong mga hatol, asin ngapit aakoon mo ako sa kamurawayan.

Jeremias 31:15

Nagsasabi an Kagurangnan, “Nadangog sa Rama an sarong tingog— an pagtangis asin pag-agrangay na makosog. Tinatangisan ni Rachel an mga aki niya; habo siyang magparanga, huli ta gadan na sinda.

Mateo 2:18

“Nadangog sa Rama an sarong tingog, pagtangis asin pag-agrangay na makosog. Pinagtangisan ni Rachel an mga aki niya; habong magparanga, huli ta gadan na sinda.”

Lukas 23:43

Sinabihan siya ni Jesus, “Sa katotoohan sinasabihan taka, ngunyan mismo makakaiba taka sa Paraiso.”

1 Juan 1:7

Alagad kun nabubuhay kita sa liwanag—siring na an Dios nasa liwanag—may pagkasararo kita, asin an dugo ni Jesus na saiyang Aki an minalinig sato sa gabos na kasalan.

Judas 1:14

Si Enoc na ikapitong henerasyon hale ki Adan, iyo an nagpropesiya dapit sainda kaidto. Nagsabi siya, “Uya, madatong an Kagurangnan kaiba an saiyang rinibong banal,