Genesis 49:9 - Marahay na Bareta Biblia

⁹ Si Juda arog sa sarong leon, Ginagadan niya an saiyang biktima dangan minapuli sa saiyang lungib, Minaunat kan saiyang lawas asin minahigda. Mayong nangangahas na magpukaw saiya.

Genesis 49:9 ပူးပေါင်းရင်းမြစ်များ

1 Mga Hade 10:20

Sa anom na tangga igwa nin nakatindog na doseng pormang leon, sarong pormang leon sa lambang poro kan tangga. Mayo pa nin tronong ginibo na arog kaini sa arin man na kahadean.

2 Mga Cronica 9:18

An trono igwa nin anom na tangga saka sarong bulawan na tungtongan na kasugpon kan trono. Igwa nin mag-ibong na pasunadan nin braso an trono, asin may nakatindog na pigura nin leon sa kataed kan lambang pasunadan.

Ezekiel 19:5

Haloy na naghalat an inang leon sagkod na mawaraan siya nin paglaom. Dangan pinadakula niya an saro pa niyang ogbon, asin nagdakula ining sarong maringis na leon.

Oseas 5:14

Arog sa leon, sasalakayon ko an mga taga Israel asin mga taga Juda. Ako mismo an maronot sainda dangan babayaan ko sinda. Kun darahon ko na sinda sa harayo, mayo nin siisay man na maligtas sainda.

Oseas 5:4

An karatan na ginibo kan mga tawo iyo an nakakaolang sainda sa pagbalik ninda sa Dios. Huli ta an epiritu nin pakikipagdorogan yaon sa sainda asin dai ninda midbid an Kagurangnan.

Mikas 5:8

An mga matada sa tahaw nin mga nasyon makakaagid sa sarong leon na naghahanap nin pagkakan sa sarong kadlagan o pasabsaban; maduman siya sa tahaw kan mga karnero dangan masalakay. Rinoronot niya an saiyang madakop asin mayo nin paglaom na ikaligtas an saiyang biktima.

Mga Bilang 23:24

Siring sa makosog na leon an nasyon nin Israel; Dai nag-oontok sagkod na makakan an biktima, Asin mainom an dugo kan saiyang ginadan.

Mga Bilang 24:9

An nasyon nin Israel arog sa makosog na leon; Mayo nin mangangahas na magpukaw kun natotorog siya. Bebendisyonan an magbebendisyon saimo, Asin mamaldisyonon an magmamaldisyon saimo.”

1 Corinto 15:24

Dangan maabot an kataposan; dadaogon ni Cristo an gabos na kagsakop, an gabos na awtoridad asin kapangyarihan na nasa kalangitan, saka itatao niya sa Dios na Ama an paghahade.

Deuteronomio 33:20

Nagsabi si Moises manongod ki Gad: “Pag-omawon an Dios na nagpadakula kan daga ni Gad. Naghahalat si Gad siring sa sarong leon, tanganing takyag o payo saiyang ronoton.

Kapahayagan 5:5

Dangan saro kan mga kamagurangan an nagsabi sako, “Dai ka maghibi. Hilinga, nanggana an Leon kan tribu nin Juda, an Gamot ni David, kaya siya an makakatangkas kan pitong selyo asin makakabukas kan libro.”