Genesis 49:8 - Marahay na Bareta Biblia

⁸ “Juda, oomawon ka kan saimong mga tugang. Kakapotan mo sa liog an saimong mga kaiwal. Maduko kan saindang payo an saimong mga tugang.

Genesis 49:8 ပူးပေါင်းရင်းမြစ်များ

Genesis 27:29

Maglingkod logod saimo an mga banwaan asin magduko saimo an mga nasyon. Magin kagurangnan ka logod kan saimong mga tugang, saka magduko logod saimo an mga kapagarakian nin saimong ina. Sumpaon logod an magsumpa saimo, asin bendisyonan logod an magbendisyon saimo.”

Genesis 29:35

Nagbados naman siya asin nag-aki nin lalaki. Olay niya, “Ngunyan, oomawon ko an Kagurangnan;” kaya an aki nginaranan niyang Juda; dangan dai na siya nag-aki.

Genesis 42:6

Bilang gobernador, nagpabakal si Jose nin pagkakan sa mga tawong hale sa manlaen-laen na lugar kan kinaban. Pag-abot sa Egipto kan mga tugang ni Jose, nagdapa sinda sa atubang niya.

Genesis 46:12

Si Juda sagkod an mga aki kaining lalaki na si Shela, Perez, asin Zera. (Si Er saka si Onan nagkagaradan sa Canaan.) An mga aki ni Perez na si Hezron asin si Hamul.

2 Samuel 22:41

Pinadulag mo an sakuyang mga kalaban; an mga naoongis sako, sakuyang ginadan.

2 Samuel 24:9

Itinao ni Joab sa hade an kabilogan na bilang kan mga lalaking maninigong maglingkod sa hukbo: otso syentos mil sa Israel asin kinyentos mil sa Juda.

2 Samuel 5:3

Kaya nagduman ki Hadeng David sa Hebron an gabos na kamagurangan nin Israel. Nakipagtipan siya sainda sa atubangan nin Kagurangnan, asin linahidan ninda si David bilang hade nin Israel.

1 Mga Cronica 28:4

Alagad pinili ako nin Kagurangnan na Dios nin Israel na maghade sagkod pa man sa Israel. Pinili niya an tribu ni Juda bilang pamayo; asin gikan sa tribu ni Juda pinili niya an pamilya nin sakong ama. Sa mga aking lalaki nin sakong ama, naogma siyang pilion ako na magin hade kan bilog na Israel.

1 Mga Cronica 5:2

Alagad an tribu ni Juda iyo an nagin pinakamakosog, asin saiya naggikan an pamayo kan gabos na tribu, maski ngani an deretso kan matua yaon ki Jose.)

2 Mga Cronica 14:8

Si Hadeng Asa igwa nin hukbo, na an tres syentos mil gikan sa Juda, na gabos armado nin kalasag saka garod, asin an dos syentos otsenta mil gikan sa Benjamin, na gabos armado nin kalasag saka mga pana. Mga maiisog saka may kakayahan sinda gabos.

2 Mga Cronica 15:9

Dakul na taga Efraim, Manases saka Simeon an nag-apil ki Asa dangan nag-erok sa saiyang kahadean, huli ta nahiling ninda na kaiba niya an Kagurangnan. Tinipon sinda ni Asa, kaiba an mga taga Juda saka Benjamin.

2 Mga Cronica 17:2

Nagbugtak siya nin mga soldados sa pinapusog na mga syudad nin Juda. Nagtugdok siya nin mga bantayan sa bilog na daga nin Juda asin sa mga syudad nin Efraim na nasakop kan saiyang ama.

2 Mga Cronica 30:11

Kadikit sana sa mga tribu ni Asher, ni Manases saka ni Zabulon an nagpakumbaba dangan nagduman sa Jerusalem.

Salmo 76:1

An Dios midbid sa Juda; bantog sa Israel an saiyang ngaran.

Isaias 9:7

Padagos na mag-uuswag an saiyang paghahade asin danay na may katoninongan an saiyang kahadean. Maghahade siya bilang kasalihid ni Hadeng David. Ipapatugmad niya an saiyang kapangyarihan sa hustisya saka sa katanosan, magpoon ngunyan asin sagkod pa man. An Kagurangnan nin mga hukbo iyo an maigot na magibo kan gabos na ini.

Ezekiel 21:29

Bakong totoo an mga bisyon na nahihiling nindo, asin kaputikan an mga ipinapahayag nindo. Tampalasan saka maraot kamo; nagdadangadang na an saindong aldaw, an aldaw kan huring pagpadusa saindo. Mahugpa sa saindong mga liog an espada.

Mga Bilang 10:14

asin sa lambang pagbaklay ninda, an nangengenot iyo an nasa irarom kan bandera kan dibisyon na pinapamayohan kan tribu ni Juda na an lider iyo si Nason na aki ni Amminadab.

Mga Bilang 26:22

An bilang kan mga kamaganakan na ini uminabot sa setenta y seis mil, kinyentos.

Deuteronomio 33:7

Nagsabi si Moises manongod ki Juda: “Dangoga, an tingog ni Juda, O Kagurangnan, asin isaro mo siya sa saiyang banwaan. Lumaban ka para saiya, O Kagurangnan, asin tabangan mo siya laban sa saiyang mga kaiwal.”

Hebreyo 10:13

Duman naghahalat siya sagkod na an saiyang mga kaiwal gibohon nin Dios na tungtongan kan saiyang mga bitis.

Hebreyo 7:14

Aram nang gayo na gikan siya sa tribu ni Juda; dai lamang nasambit ni Moises an tribung ini kan magtaram siya dapit sa mga padi.

Josue 10:24

dangan dinara ninda ki Josue. Inapod ni Josue an saiyang mga soldados asin sinugo an mga opisyal na nag-iba saiya na tungtongan an liog kan mga hade. Nagsunod an mga opisyal.

Josue 15:20

Ini an kahirasan na daga kan mga pamilya kan tribu ni Juda.

Kapahayagan 11:15

Dangan pinatanog kan ikapitong anghel an saiyang trompeta, asin may mga makosog na tingog sa langit na nagsabi, “An kahadean kan kinaban nagin kahadean kan satong Kagurangnan asin kan saiyang Cristo; maghahade siya sagkod pa man!”

Kapahayagan 5:5

Dangan saro kan mga kamagurangan an nagsabi sako, “Dai ka maghibi. Hilinga, nanggana an Leon kan tribu nin Juda, an Gamot ni David, kaya siya an makakatangkas kan pitong selyo asin makakabukas kan libro.”

Hukom 20:18

Nagduman an mga Israelita sa lugar na pinagsasambahan sa Betel asin naghapot sinda sa Dios, “Arin sa mga tribu an enot na masalakay sa mga Benjaminita?” Nagsimbag an Kagurangnan, “An tribu ni Juda.”