Genesis 49:6 - Marahay na Bareta Biblia

⁶ Dai ako masabay sa saindang mga sekretong orolay, Dai man ako maiba sa saindang pagtiripon, Huli ta sa kaanggotan, nanggadan sinda nin tawo Asin sa kakalwagan, pinilayan ninda an mga toro.

Genesis 49:6 ပူးပေါင်းရင်းမြစ်များ

Genesis 34:30

Nagsabi si Jacob ki Simeon asin ki Levi, “Dinarahan nindo ako nin problema; maaanggot sako an mga Cananeo, mga Perezeo saka an gabos na nag-eerok digdi sa daga. Dikit an tawohan ko; kun magkaboronyog sinda laban sako asin salakayon ako, magagadan an bilog tang pamilya.”

2 Samuel 8:4

Binihag ni David an mil syete syentos sa mga nakakabayong soldados ni Hadadezer asin beynte mil kan saiyang mga soldados. Pinirilayan niya an mga kabayo, alagad nagtada siya para sa sanggatos na karwahe.

1 Mga Cronica 18:4

Binihag ni David an sangribong karwahe ni Hadadezer, syete mil na mga nakakabayong soldados asin beynte mil kan saiyang mga soldados. Pinirilayan niya an mga kabayo, alagad nagtada siya para sa sanggatos na karwahe.

Salmo 1:1

Paladan an tawo na dai nagsusunod sa hatol nin mga maraot, na dai nagsusunod sa paarog nin mga parakasala o dai nakikisumaro sa mga dai nagpapahalaga sa Dios.

Salmo 103:1

Kalag ko, mag-omaw ka sa Kagurangnan! Bilog kong pagkatawo, omawon an saiyang banal na ngaran!

Salmo 139:19

O Dios, gadanon mo logod an mga maraot; rumayo logod sako an mga napapaha sa dugo.

Salmo 16:9

Kaya nag-oogma an sakong puso asin kalag; nasa katiwasayan man an sakong hawak,

Salmo 26:9

Dai ako paghalea kaiba kan mga parakasala, kaiba kan mga tawo na sa dugo napapaha;

Salmo 28:3

Dai mo ako pagpadusahan kaiba kan tampalasan, kaiba kan mga paragibo nin karatan, na katoninongan sa kapwa an nasa ngoso, alagad karatan an yaon sa saindang puso.

Salmo 30:12

Kaya dai ako maontok; mag-aawit ako nin pag-omaw saimo. Kagurangnan kong Dios, magpapasalamat ako saimo sagkod pa man.

Salmo 42:11

Tadaw ta mamondo ka, O kalag ko? Tadaw ta napupurisaw ka? Maglaom ka sa Dios; huli ta oomawon ko siya giraray, sakuyang tabang asin sakuyang Dios.

Salmo 42:5

Tadaw ta mamondo ka, O kalag ko? Tadaw ta napupurisaw ka? Maglaom ka sa Dios; huli ta oomawon ko siya giraray, sakuyang tabang asin sakuyang Dios.

Salmo 43:5

Tadaw ta mamondo ka, O kalag ko? Tadaw ta napupurisaw ka? Maglaom ka sa Dios; huli ta oomawon ko siya giraray, sakuyang tabang asin sakuyang Dios.

Salmo 5:10

Padusahan mo sinda, O Dios, huli kan saindang kasalan. Huli kan saindang mga plano, logod sinda mapukan. Pahalea sinda sa saimong atubang, huli ta sinda nagkasala saka nagtumang saimo.

Salmo 57:8

Pagmata, O kalag ko! Pagmata, sakong arpa asin lira! Pupukawon ko an kaagahon.

Salmo 64:2

Ingati ako sa mga hilom na kaisipan kan mga tampalasan, sa mga kamawotan kan paragibo nin karatan.

Mga Talinhaga 1:11

Kun magsabi sinda, “Madya, maghipa kita nin tawong magagadan! Maski mayo nin dahelan, salakayon ta an tawong mayo nin kasalan.

Mga Talinhaga 12:5

Marahay an mga kaisipan kan matanos; an mga plano kan maraot pano nin pandadaya.

Jeremias 15:17

Dai ko sinayang an sakong panahon sa kaibahan kan mga tawo tanganing mag-ogma saka magpasiram-siram. Nagsolo-solo ako huli ta igwa ka nin ipinagboot sako, asin huli ta pinano mo ako nin kaanggotan.

Jeremias 4:19

Makulog! Dai ko matatagalan an kulog! Makosog na nagkukutab-kutab an sakong puso! Dai ako pwedeng mag-alo; nadadangog ko an mga trompeta asin an mga kurahaw nin gera.

Lukas 12:19

Dangan masabi ako, Paladan ako! Igwa na ako kan gabos kong kaipuhan para sa halawig na panahon. Magpapahayahay na sana ako, magkakakan, mag-iinom saka mag-oogma!’

2 Corinto 6:14

Dai kamo makiiba sa mga bakong paratubod. Paanong magigin magkabagay an tama saka an sala? Paanong magkasaro an liwanag saka an diklom?

Deuteronomio 27:24

“‘Maldisyonon an siisay man na hilom na gumadan sa saiyang kapwa.’ “Dangan an bilog na banwaan masimbag, ‘Amen!’

Josue 11:9

Ginibo sainda ni Josue an ipinagboot nin Kagurangnan: pinilayan niya an saindang mga kabayo asin sinulo an saindang mga karwahe.

Hukom 5:21

Inanod sinda kan baha sa Kison— an nag-aanggot na katubigan nin Kison. Magmamartsa akong padagos, sa bilog kong kosog!