Genesis 49:33 - Marahay na Bareta Biblia

³³ Pakasabi ni Jacob kaini gabos, naghigda siya giraray asin nagadan.

Genesis 49:33 ပူးပေါင်းရင်းမြစ်များ

Genesis 15:5

Dangan dinara nin Kagurangnan si Abram sa luwas asin tinaraman, “Hilinga an kalangitan asin bilanga an mga bitoon kun kaya mo; siring kaiyan kadakul an magigin mga kapagarakian mo.”

Genesis 25:17

Nagadan si Ismael sa edad na syento treynta y syeteng taon.

Genesis 35:29

asin nagadan sa pagkagurang; ilinubong siya kan mga aki niyang si Esau saka Jacob.

Genesis 49:1

Inapod ni Jacob an saiyang mga aki dangan sinabihan, “Madya kamo sa palibot ko, asin sasabihon ko an mangyayari sa saindo sa maabot na aldaw:

Genesis 49:29

Dangan pinagbotan ni Jacob an saiyang mga aki, “Magagadan na ako; ilubong nindo ako sa kaibahan nin sakong mga ginikanan, duman sa lungib na nasa oma ni Efron na Heteo,

Genesis 49:32

An oma saka an lungib na yaon duman binakal sa mga Heteo. Duman nindo ako ilubong.”

Genesis 50:1

Dangan kinugos ni Jose an bangkay kan saiyang ama asin pinaghahadokan an lalawogon mantang naghihibi.

2 Mga Hade 13:14

Si Eliseo nagkaigwa nin grabeng helang, asin kan siya naghihingagdan na, dinalaw siya ni Hadeng Jehoas nin Israel. Nagsabi si Jehoas mantang naghihibi, “Ama ko, ama ko! Ika an nagin makosog na parasurog nin Israel!”

2 Mga Hade 13:20

Nagadan si Eliseo saka ilinubong. Igwa kaidto nin mga grupo nin Moabita na taon-taon minasalakay sa daga nin Israel.

An Libro ni Job 14:10

Alagad nagagadan an tawo, asin iyan na an saiyang kataposan; nagagadan siya, dangan haen na siya?

An Libro ni Job 30:23

Aram kong dadarahon mo ako sa sakong kagadanan, an huring padudumanan kan gabos na nabubuhay.

An Libro ni Job 5:26

Magkakaigwa ka nin halawig na buhay, siring sa trigong naghihinog sagkod sa panahon nin tig-anihan.

Parahulit 12:7

An satong hawak mabalik sa alpog kan daga, asin an hinangos nin buhay mabalik sa Dios, na iyo an nagtao kaiyan sato.

Lukas 2:29

“Kagurangnan, tugote nang magadan sa katoninongan an saimong sorogoon sosog sa saimong panuga,

Mga Gibo 7:15

Kaya nagduman si Jacob sa Egipto; duman siya nagadan saka an satong mga ginikanan.

Hebreyo 11:22

Huli sa pagtubod, nagtaram si Jose, kan madali na siyang magadan, na mahale sa Egipto an mga Israelita. Nagtogon siya kun ano an dapat gibohon sa saiyang mga tolang.

Hebreyo 12:23

Nagdolok kamo sa katiriponan kan mga panganay nin Dios na an mga ngaran nasusurat sa langit. Nagdolok kamo sa Dios, na iyo an hukom kan gabos na tawo; nagdolok man kamo sa mga espiritu kan mga matanos na tawong nagin banal.