Genesis 49:27 - Marahay na Bareta Biblia

²⁷ “Arog sa sarong gutom na lobo si Benjamin, Na aldaw-banggi daing ontok sa paggadan asin sa pagkakan.”

Genesis 49:27 ပူးပေါင်းရင်းမြစ်များ

Genesis 35:18

Alagad naghihingagdan na si Rachel asin bago siya nautsan, nginaranan niyang Benoni an saiyang aki, alagad inapod ining Benjamin kan saiyang ama.

Genesis 46:21

An mga aki ni Benjamin na si Bela, Beker, Asbel, Gera, Naaman, Ehi, Ros, Muppim, Huppim, asin Ard.

Genesis 49:26

An mga bendisyon kan saimong ama orog pa ki sa bendisyon Na inako kan saiyang mga magurang, Orog pa ki sa mga biyaya kan daing tapos na kabubuldan. Ining mga bendisyon mamugtak logod sa payo ni Jose, Sa angog kan pinalaen sa saiyang mga tugang.

Genesis 49:28

Iyo ini an doseng tribu nin Israel, asin iyo ini an sinabi kan saindang ama kan bendisyonan niya sinda; benendisyonan ni Israel an lambang saro sainda kan maninigong bendisyon.

Jeremias 5:6

Kaya gagadanon sinda kan mga leon na hale sa kadlagan; roronoton sinda kan mga lobo na hale sa desyerto, saka maglilibot sa mga banwa ninda an mga leopardo. Kun magluwas an mga tawong idto, roronoton sinda, huli ta kadakul na kan saindang kasalan asin kadakul nang beses na tinalikodan ninda an Dios.

Ezekiel 22:25

An mga lider nakakabaing sa mga leon na nag-uungal sa ibabaw kan mga hayop na ginadan ninda. Ginagadan ninda an mga tawo, sinasamsam an gabos na kwarta saka mga pagsadiri na pwede nindang makua. Huli kan panggagadan ninda, dakul an nagigin balo.

Ezekiel 22:27

An mga opisyal kan gobyerno garo mga lobo na nagroronot kan mga hayop na saindang ginadan. Minagadan sinda tangani sanang yumaman.

Sofonias 3:3

An mga opisyal niya arog sa nag-uungal na mga leon; an saiyang mga hukom arog sa paslong mga lobo, na minaubos sagkod kan tolang bago mag-abot an aga.

Mga Bilang 23:24

Siring sa makosog na leon an nasyon nin Israel; Dai nag-oontok sagkod na makakan an biktima, Asin mainom an dugo kan saiyang ginadan.

Mateo 10:16

“Magdangog kamo! Sinusugo ko kamo na garo mga karnero sa tahaw nin mga lobo. Magpakamaingat kamo arog kan mga halas asin magpakamahoyo arog kan mga salampati.

Mateo 7:15

“Mag-ingat kamo sa mga bakong tunay na propeta; garo sinda mga karnero kun minadolok saindo, alagad sa katunayan mga mabangis na lobo sinda.

Mga Gibo 20:29

Aram ko na pakahale ko, lalaogon kamo nin mababangis na lobo asin dai ninda paliligtason an mga karnero ko.

Mga Gibo 8:3

Alagad hiningowa ni Saulo na rumpagon an simbahan; nangharong-harong siya asin ginuyod niya an mga paratubod, lalaki man o babae, dangan ipinabilanggo.

Mga Gibo 9:1

Kan panahon na iyan, padagos an paghoma ni Saulo na gadanon an mga disipulo kan Kagurangnan. Nagduman siya sa Halangkaw na Padi,

Deuteronomio 33:12

Nagsabi siya manongod ki Benjamin: “Siya an padangat nin Kagurangnan; inaataman saka binabantayan siya nin Kagurangnan sa bilog na aldaw, patin nag-eerok sa saiyang kaibahan.”

Filipos 3:5

Sinerkomsisyon ako kan an edad ko saro pa sanang semana. Namundag akong Israelita, gikan sa tribu ni Benjamin, sarong tunay na Hebreyo. Kun dapit sa pag-otob kan Katogonan kan mga Judio, saro akong Fariseo.

Hukom 20:21

Dangan nagluwas sa syudad an hukbo ni Benjamin, asin bago natapos an aldaw, beynte y dos mil na Israelita an saindang nagadan.

Hukom 20:25

Dangan nagluwas hale sa Gibea an mga Benjaminita asin nakilaban sainda sa ikaduwang beses; nakagadan sinda nin dyes y otso mil na Israelitang mga tood sa pakilaban.