Genesis 48:9 - Marahay na Bareta Biblia

⁹ Nagsimbag si Jose, “Sinda an sakong mga aki na itinao nin Dios sako digdi sa Egipto.” Nagsabi si Jacob, “Irani mo sinda sako tanganing mabendisyonan ko.”

Genesis 48:9 ပူးပေါင်းရင်းမြစ်များ

Genesis 27:4

Iluto mo ako kan paborito kong putahe asin darahon mo sako tanganing magkakan ko; dangan bebendisyonan taka bago ako magadan.”

Genesis 30:2

Naanggot si Jacob saiya asin nagsabi, “Ano ako, Dios? Siya an habo na magkaigwa ka nin mga aki.”

Genesis 33:5

Kan mahiling ni Esau an kababaehan asin kaakian naghapot siya, “Siisay an mga kairiba mong ini?” Nagsimbag si Jacob, “Sinda an mga aking pinagmarahay nin Dios na itao sako.”

Genesis 49:28

Iyo ini an doseng tribu nin Israel, asin iyo ini an sinabi kan saindang ama kan bendisyonan niya sinda; benendisyonan ni Israel an lambang saro sainda kan maninigong bendisyon.

1 Mga Cronica 25:5

Si Heman, na propeta kan hade, tinawan nin Dios nin katorseng aking lalaki saka tolong aking babae, siring kan saiyang ipinanuga, tanganing magin bantog si Heman.

Salmo 127:3

An mga aki pamanang gikan sa Kagurangnan; sinda tunay na mga biyaya.

Isaias 8:18

Uya ako sa kaibahan kan mga aki na itinao sako nin Kagurangnan. An Kagurangnan nin mga hukbo, na an trono nasa Bukid nin Sion, iyo an nagsugo sato bilang mga buhay na mensahe sa banwaan nin Israel.

Deuteronomio 33:1

Iyo ini an mga bendisyon na ipinahayag ni Moises, an sorogoon nin Dios, sa banwaan nin Israel bago siya nagadan.

Hebreyo 11:21

Huli sa pagtubod, benendisyonan ni Jacob, kan naghihingagdan na siya, an duwang aking lalaki ni Jose; naghungko siya sa saiyang sugkod saka nagsamba sa Dios.

1 Samuel 1:20

Nagbados si Hanna asin nangaki nin lalaki. Nginaranan niya ining Samuel, huli ta olay niya, “Hinagad ko siya sa Kagurangnan.”

1 Samuel 1:27

Namibi ako na tawan ako nin aki asin itinao niya an sakong hinagad.