Genesis 48:7 - Marahay na Bareta Biblia

⁷ Ginigibo ko ini huli ki Rachel na saimong ina. Kan maghale ako sa Mesopotamia, nagadan si Rachel duman sa daga nin Canaan harani sa Efrat. Ipinagmondo ko nin marahay an saiyang kagadanan. Duman ko siya ilinubong sa tampi kan dalan pasiring sa Efrat.” (An lugar na ini midbid ngunyan sa ngaran na Betlehem.)

Genesis 48:7 ပူးပေါင်းရင်းမြစ်များ

Genesis 25:20

Kan kwarenta na an edad ni Isaac, inagom niya si Rebecca, na aking babae ni Betuel, na Arameong taga Mesopotamia, asin tugang na babae ni Laban.

Genesis 33:18

Sa saiyang pagpuli hale sa Mesopotamia, nakaabot si Jacob sa syudad nin Shekem, sa daga nin Canaan. Nagkampo siya sa sarong oma na harani sa syudad.

Genesis 35:20

Nagbugtak si Jacob nin sarong hariging giromdoman sa linubongan ki Rachel asin sagkod ngunyan idtoon pa iyan duman.

Genesis 35:9

Nagpahiling giraray an Dios ki Jacob kan magbalik ini hale sa Mesopotamia. Benendisyonan siya nin Dios

Genesis 48:6

Kun magkaaki ka pa, sinda bako nang sadiri ko, kaya an saindang mamanahon mapapasainda huli ki Efraim asin ki Manases.

Mikas 5:2

Nagsasabi an Kagurangnan, “Betlehem Efrata, ika an pinakasadit na banwa sa Juda, alagad hale sa saimo maluwas para sa sako an saro na iyo an magigin lider nin Israel, na an ginikanan masososog pa sa mga suanoy na panahon.”

Mateo 2:18

“Nadangog sa Rama an sarong tingog, pagtangis asin pag-agrangay na makosog. Pinagtangisan ni Rachel an mga aki niya; habong magparanga, huli ta gadan na sinda.”

1 Samuel 1:1

Igwa kaidto nin sarong lalaki na gikan sa tribu ni Efraim, na an ngaran Elkana, na nag-erok sa banwa nin Rama sa mabulod na daga nin Efraim. Si Elkana aking lalaki ni Jeroham na aking lalaki ni Elihu, na aking lalaki ni Tohu, na aking lalaki ni Suf, na sarong Efraimita.

1 Samuel 10:2

Paghale mo digdi ngunyan, masasabat mo an duwang lalaki sa may lulubngan ni Rachel sa Zelza sa daga ni Benjamin. Sasabihan ka ninda na nakua na an mga asno na saimong hinahanap; nahahadit an saimong ama bako nang para sainda kundi para saimo, asin padagos na naghahapot, ‘Ano an gigibohon ko manongod sa sakong aki?’

1 Samuel 16:4

Kinuyog ni Samuel an ipinagboot saiya nin Kagurangnan; nagduman siya sa Betlehem. Nagtatarakig na nagsabat saiya an kamagurangan kan syudad, asin nagharapot, “Nagdigdi ka daw sa katoninongan?”

1 Samuel 17:12

Si David iyo an aking lalaki ni Jesse na sarong Efratita na taga Betlehem sa Juda. Walo an aking lalaki ni Jesse, asin kan panahon nin paghade ni Saul, gurang na nin marahay si Jesse.