Genesis 48:14 - Marahay na Bareta Biblia

¹⁴ Alagad pinagkrus ni Jacob an saiyang mga kamot, asin ibinabaw an too niyang kamot sa payo ni Efraim, an mas aki sa duwa, asin an wala niyang kamot sa ibabaw kan payo ni Manases, an matua.

Genesis 48:14 ပူးပေါင်းရင်းမြစ်များ

Genesis 41:51

Olay ni Jose, “Pinalingawan sako nin Dios an gabos kong pagtios asin an pamilya nin sakong ama”; kaya nginaranan niyang Manases an matua niyang aki.

Genesis 41:52

Nagsabi pa siya, “Tinawan ako nin Dios nin mga aki sa daga nin sakong kasakitan”; kaya nginaranan niyang Efraim an ikaduwa niyang aki.

Genesis 46:20

An mga aki ni Jose sa Egipto: si Manases asin si Efraim. An mga ini iyo an mga aki ni Jose ki Asenat, an aking babae ni Potifera na sarong padi sa On.

Genesis 48:13

Ibinugtak ni Jose si Efraim sa wala ni Jacob asin si Manases sa too.

Genesis 48:17

Nagraot an boot ni Jose kan mahiling niyang ibinabaw ni Jacob an toong kamot sa payo ni Efraim; kaya kinua niya an kamot kan saiyang ama tanganing ibabaw sa payo ni Manases.

Genesis 48:18

Nagsabi si Jose sa saiyang ama, “Bakong arog kaiyan, ama ko. Iyo ini an matua; sa saiyang payo mo ibugtak an too mong kamot.”

Salmo 110:1

An Kagurangnan nagtaram sa sakong kagurangnan, “Tumukaw ka sa too ko, sagkod na an mga kaiwal mo gibohon kong tungtongan kan mga bitis mo.”

Salmo 118:16

An kapangyarihan nin Kagurangnan an nagdara sato nin kapangganahan— an saiyang kapangyarihan sa gera!”

Exodo 15:6

“An too mong kamot, O Kagurangnan, makangingirhat sa kosog; an mga kaiwal rinoronot kan too mong kamot.

Mga Bilang 2:18

An mga grupo na nasa irarom kan bandera kan dibisyon ni Efraim makampo sa parteng solnopan, sa irarom kan saindang mga lider, siring sa minasunod: Tribu Lider Bilang Efraim si Elisama na aking lalaki ni Ammihud kwarenta mil kinyentos Manases si Gamaliel na aking lalaki ni Pedazur treynta y dos mil dos syentos Benjamin si Abidan na aking lalaki ni Gideoni treynta y singko mil kwatro syentos An kabilogan na bilang kan dibisyon ni Efraim minaabot sa syento otso mil syen, asin sinda an ikatolong malakaw.

Mga Bilang 8:10

Ibubugtak kan mga Israelita an saindang mga kamot sa payo kan mga Levita,

Mga Bilang 8:18

Kinukua ko ngunyan an mga Levita embes kan gabos na matua nin Israel,

Mateo 16:18

“Kaya sinasabihan taka: Ika si Pedro, saro kang gapo asin sa ibabaw kan gapong ini papatindogon ko an sakong simbahan; dawa an kapangyarihan nin kagadanan dai nanggad makakadaog kaiyan.

Mateo 19:13

May nagkapirang nagdara nin mga aki ki Jesus tanganing bendisyonan niya asin ipamibi. Sinaway kan mga disipulo an nagdarara.

Mateo 19:15

Benendisyonan niya an mga aki dangan huminale siya.

Mateo 6:5

“Kun namimibi kamo, dai nindo pag-arogon an mga parasagin-sagin! Boot nindang mamibi na nakatindog sa mga sinagoga asin sa mga kanto kan mga tinampo tanganing mahiling kan mga tawo. Sa katotoohan sinasabihan ko kamo, inako na ninda an balos.

Lukas 13:13

Dinutaan siya ni Jesus asin nahale tolos an saiyang pagkabuktot; kaya inomaw niya an Dios.

Lukas 4:40

Pagsolnop kan aldaw, dinara ki Jesus kan mga katood ninda an gabos na may namamatean na helang. Dinutaan ni Jesus an lambang saro sainda dangan pinaomayan.

Mga Gibo 13:3

Pakaayuno saka pakapamibi, idinuta ninda an saindang mga kamot ki Bernabe asin ki Saulo dangan dinespedir ninda an mga ini.

Mga Gibo 6:6

Dinara sinda sa atubangan kan mga apostol; ipinamibi sinda kan mga apostol saka dinutaan kan saindang mga kamot.

Deuteronomio 34:9

Napano nin kadonongan si Josue na aki ni Nun, huli ta siya an pinili ni Moises na magsalihid saiya. Nagkuyog ki Josue an banwaan nin Israel, asin nagsunod kan mga pagboot nin Kagurangnan na itinao sainda huli ki Moises.

1 Timoteo 4:14

Dai mo pagpabayaan an balaog na yaon saimo, na itinao saimo kan magtaram an mga propeta asin kan idoon saimo kan mga kamagurangan an saindang mga kamot.

1 Timoteo 5:22

Dai ka magmadali sa pagdoon nin kamot sa pagkonsagra sa kiisay man sa trabaho nin Kagurangnan. Dai ka magpadamay sa kasalan kan iba, kundi magdanay kang malinig.