Genesis 47:31 - Marahay na Bareta Biblia

³¹ Nagsabi si Jacob, “Magsumpa ka na kukuyogon mo ini.” Nagsumpa si Jose, dangan nagduko si Jacob sa may pamayohan kan saiyang higdaan.

Genesis 47:31 ပူးပေါင်းရင်းမြစ်များ

Genesis 21:23

Kaya ngunyan magsumpa ka sa atubang nin Dios na dai mo ako lolokohon, ni an sakong mga aki o an sakong mga kapagarakian. Nagin marahay ako saimo kaya mangako kang siring man an ibabalos mo sako asin sa dagang ini na saimong pinag-eerokan.”

Genesis 21:24

Nagsimbag si Abraham, “Minasumpa ako.”

Genesis 24:2

Sinabihan niya an pinakagurang niyang oripon na namamahala kan gabos niyang rogaring, “Ibugtak mo an saimong kamot sa pagultanan kan sakong mga hita asin magsumpa ka.

Genesis 24:26

Nagluhod an sorogoon dangan nagsamba sa Kagurangnan

Genesis 24:3

Isumpa mo sa ngaran nin Kagurangnan, an Dios kan langit asin daga, na an sakong aki dai mo ikukua nin agom na gikan sa Canaan na pinakikihimanwahan ko.

Genesis 31:53

Husgaran logod kita kan Dios ni Abraham, ni Nahor, asin nin saindang mga magurang.” Kaya nanumpa si Jacob sa ngaran kan Dios na sinamba ni Isaac na saiyang ama.

Genesis 47:29

Kan madali na siyang magadan, inapod niya an aki niyang si Jose asin sinabihan, “Ibugtak mo an saimong kamot sa pagultanan kan sakong mga hita asin magsumpa ka na dai mo ako ilulubong sa Egipto.

Genesis 50:25

Dangan pinasumpa ni Jose an mga kapagarakian ni Israel, “Magsumpa kamo sako na kun darahon na kamo nin Dios sa dagang panuga, na dadarahon nindo an sakong bangkay.”

Genesis 50:5

‘Kan magagadan na an sakong ama, pinasumpa niya ako na duman ko siya ilubong sa inandam niyang lulubngan sa Canaan. Kaya tugote akong ilubong an sakong ama, asin pakatapos, mabalik ako.’”

1 Mga Hade 1:47

Laen pa kaiyan, nagsarabat an mga opisyal tanganing itao an saindang paggalang sa satuyang mahal na hade na si David. Nagsabi sinda, ‘Gibohon logod kan saimong Dios na an ngaran ni Solomon magin mas bantog ki sa saimong ngaran asin magin mauswag ki sa saimo an saiyang paghahade.’ Dangan nagduko sa pagsamba si Hadeng David mantang nasa saiyang higdaan

Hebreyo 11:21

Huli sa pagtubod, benendisyonan ni Jacob, kan naghihingagdan na siya, an duwang aking lalaki ni Jose; naghungko siya sa saiyang sugkod saka nagsamba sa Dios.