Genesis 47:30 - Marahay na Bareta Biblia

³⁰ Gusto kong iluwas mo ako sa Egipto asin ilubong sa lulubngan kan sakong mga magurang.” Nagsimbag si Jose, “Kukuyogon ko an sinabi mo.”

Genesis 47:30 ပူးပေါင်းရင်းမြစ်များ

Genesis 15:15

Alagad ika mabubuhay sa halawig na panahon, magagadan asin ilulubong na matoninong.

Genesis 23:17

Kaya nasadirihan ni Abraham an rogaring ni Efron duman sa Macpela, sa sirangan nin Mamre. Nabakal niya an daga kaiba an oma, an lungib asin an gabos na kahoy na nasa laog kan daga.

Genesis 23:19

Dangan ilinubong ni Abraham an saiyang agom na si Sara sa lungib nin Macpela harani sa Mamre, na inaapod man Hebron, sa daga nin Canaan.

Genesis 25:10

Iyo idto an oma na binakal ni Abraham sa mga Heteo; duman ilinubong si Abraham asin si Sara na saiyang agom.

Genesis 25:9

Ilinubong siya kan mga aki niyang si Isaac asin Ismael duman sa lungib nin Macpela, sa oma na nasa sirangan kan Mamre, na dating pagsadiri ni Efron, na aking lalaki ni Zohar na Heteo.

Genesis 35:29

asin nagadan sa pagkagurang; ilinubong siya kan mga aki niyang si Esau saka Jacob.

Genesis 50:25

Dangan pinasumpa ni Jose an mga kapagarakian ni Israel, “Magsumpa kamo sako na kun darahon na kamo nin Dios sa dagang panuga, na dadarahon nindo an sakong bangkay.”

2 Samuel 19:37

Dangan tugotan mo ako na makapuli sa sakong harong asin magadan harani sa lulubngan nin sakong mga magurang. Uya si Kimham, an aki kong lalaki, na maglilingkod saimo; siya an ipag-iba mo asin giboha saiya an pinaghohona mong marahay.”

2 Samuel 2:32

Dinara ni Joab asin kan saiyang mga tawohan an bangkay ni Asahel dangan ilinubong sa lulubngan kan saiyang ama duman sa Betlehem. Dangan bilog na banggi sindang naglakaw asin pagkaaga, nakaabot sinda sa Hebron.

1 Mga Hade 13:22

Embes kaiyan, nagbalik ka saka nagkakan asin nag-inom sa lugar na ipinangalad saimo. Huli kaini magagadan ka, asin an hawak mo dai ilulubong sa lulubngan kan saimong mga ginikanan.”

Nehemias 2:3

nagsimbag, “Mabuhay logod sagkod lamang an mahal na emperador! Tadaw ta dai ako magmondo mantang rumpag an syudad na pinaglubongan kan sakong mga ginikanan, asin nasulo an mga trangkahan kaiyan?”

Nehemias 2:5

dangan nagsabi ako sa emperador, “Kun pagmarahayon mo, asin kun nawilihan mo ako, tugotan mo akong magduman sa Juda, sa syudad na namumugtakan kan mga lulubngan kan sakong mga ginikanan, tanganing patindogon ko giraray an syudad.”

Deuteronomio 31:16

Dangan nagtaram an Kagurangnan ki Moises, “Madali ka nang magadan; pagkagadan mo, masamba an banwaan na ini sa mga dios-dios sa dagang lalaogon ninda. Tatalikodan ninda ako asin lalapason an tipan na ginibo ko sainda.