Genesis 47:29 - Marahay na Bareta Biblia

²⁹ Kan madali na siyang magadan, inapod niya an aki niyang si Jose asin sinabihan, “Ibugtak mo an saimong kamot sa pagultanan kan sakong mga hita asin magsumpa ka na dai mo ako ilulubong sa Egipto.

Genesis 47:29 ပူးပေါင်းရင်းမြစ်များ

Genesis 24:2

Sinabihan niya an pinakagurang niyang oripon na namamahala kan gabos niyang rogaring, “Ibugtak mo an saimong kamot sa pagultanan kan sakong mga hita asin magsumpa ka.

Genesis 24:49

Kaya sabihi ako ngunyan kun ano an nasa boot nindo tanganing makadesidir ako kun ano an dapat kong gibohon.”

Genesis 27:2

Nagsabi si Isaac, “Gurang na ako asin madali nang magadan.

Genesis 3:19

Magpapatagdo ka nin ganot tanganing mapabunga nin anoman an daga, sagkod na ika magadan. Ginibo ka sa kabokabo nin daga kaya sa kabokabo ka mabalik.”

Genesis 47:9

Nagsimbag si Jacob, “An mga taon nin sakong pakikihimanwa uminabot na sa syento treynta. Kadikit asin masakit an mga taon na iyan, bakong arog kan halawig na panahon nin pakikihimanwa kan sakong mga ginikanan.”

Genesis 48:21

Dangan nagsabi si Jacob, “Jose, madali na akong magadan, alagad iibahan ka nin Dios asin ibabalik ka niya sa daga kan saimong mga ginikanan.

Genesis 50:12

Ginibo kan mga aki ni Jacob an ipinagboot niya sainda;

Genesis 50:5

‘Kan magagadan na an sakong ama, pinasumpa niya ako na duman ko siya ilubong sa inandam niyang lulubngan sa Canaan. Kaya tugote akong ilubong an sakong ama, asin pakatapos, mabalik ako.’”

2 Samuel 14:14

Gabos kita magagadan; arog kita sa tubig na naula sa daga, na dai na pwedeng tiponon giraray. Maski an Dios dai na minabuhay kan nagadan, alagad pwedeng maghanap an hade nin paagi tanganing ikabalik an sarong mayo sa saiyang kaibahan.

2 Samuel 2:32

Dinara ni Joab asin kan saiyang mga tawohan an bangkay ni Asahel dangan ilinubong sa lulubngan kan saiyang ama duman sa Betlehem. Dangan bilog na banggi sindang naglakaw asin pagkaaga, nakaabot sinda sa Hebron.

2 Samuel 7:12

Kun ika magadan dangan ilubong sa kaibahan kan saimong mga ginikanan, gigibohon kong hade an saro kan saimong mga aking lalaki asin papakosogon ko an saiyang kahadean.

1 Mga Hade 2:1

Kan madali nang magadan si David, inapod niya an aki niyang si Solomon asin itinao niya saiya an huring mga togon:

An Libro ni Job 14:14

Kun magadan an sarong tawo, mabubuhay pa daw siya giraray? Alagad hahalaton ko an mas marahay na mga aldaw; hahalaton kong matapos ining panahon nin kasakitan.

An Libro ni Job 30:23

Aram kong dadarahon mo ako sa sakong kagadanan, an huring padudumanan kan gabos na nabubuhay.

An Libro ni Job 7:1

“An buhay nin tawo nakakaarog sa pirit na paglingkod sa hukbo, arog sa buhay nin sarong parapatandan,

Salmo 49:7

Sa katotoohan mayong makakabalukat kan saiyang sadiri; dai niya mababayadan an Dios kan halaga kan saiyang buhay,

Salmo 49:9

tanganing padagos siyang mabuhay sagkod lamang, asin makaligtas sa lulubngan.

Salmo 6:5

Sa lugar nin mga gadan dai ka nagigiromdoman; sa Sheol siisay an matao saimo nin kaomawan?

Salmo 89:48

Siisay an tawong pwedeng mabuhay asin dai nanggad magadan? Siisay an makakaligtas kan saiyang kalag sa kapangyarihan nin lulubngan?

Deuteronomio 31:14

Dangan tinaraman nin Kagurangnan si Moises, “Madali ka nang magadan. Apodon mo si Josue asin darahon mo siya sa Tabernakulo tanganing sakuyang sugoon.” Naglaog sa Tabernakulo si Moises saka si Josue,

Deuteronomio 31:16

Dangan nagtaram an Kagurangnan ki Moises, “Madali ka nang magadan; pagkagadan mo, masamba an banwaan na ini sa mga dios-dios sa dagang lalaogon ninda. Tatalikodan ninda ako asin lalapason an tipan na ginibo ko sainda.

Hebreyo 11:22

Huli sa pagtubod, nagtaram si Jose, kan madali na siyang magadan, na mahale sa Egipto an mga Israelita. Nagtogon siya kun ano an dapat gibohon sa saiyang mga tolang.

Hebreyo 9:27

Itinalaan na sarong beses sana magadan an lambang tawo, dangan an paghukom.

Josue 2:14

Nagsabi saiya an mga lalaki, “Gadanon logod kami nin Dios kun dai mi gibohon an samong sinasabi. Kun dai ka mag-osip sa kiisay man kan samong ginigibo, nanunuga kami, na magigin marahay an pagtratar mi saimo kun itao na samo nin Kagurangnan an dagang ini.”

Josue 23:14

“Madali na akong magadan. Nakakaaram sa saiyang puso asin kalag an lambang saro sa saindo, na itinao saindo nin Kagurangnan an gabos na marahay na bagay na saiyang ipinanuga. Inotob niya an lambang panuga; mayong nasudya minsan saro.

1 Samuel 26:10

Siring na buhay an Kagurangnan,” an padagos ni David, “aram kong an Kagurangnan mismo an magadan ki Saul, magin iyan sa natural na paagi o sa gera.