Genesis 47:24 - Marahay na Bareta Biblia

²⁴ Sa tig-anihan, itatao nindo an ikalimang parte kan ani sa hade. An natadang apat na parte, gibohon nindong banhi para sa saindong oma asin pagkakan nindo sagkod kan saindong pamilya.”

Genesis 47:24 ပူးပေါင်းရင်းမြစ်များ

Genesis 14:20

Pag-omawon logod an Kahorohalangkaweng Dios na nagtao saimo nin kapangganahan laban sa saimong mga kaiwal!” Dangan tinawan ni Abram si Melkizedek kan ikasampolong parte kan gabos na sinamsam.

Genesis 14:21

Nagsabi ki Abram an hade kan Sodoma, “Saimo na an sinamsaman, alagad balikan sako an mga tawohan ko.”

Genesis 28:22

An gapong ini na sakong pinatindog bilang hariging giromdom iyo an magigin lugar na pagsasambahan saimo; itatao ko saimo an ikasampolong kabtang kan gabos na itatao mo sako.”

Genesis 41:34

Magbugtak ka man nin mga enkargado kan daga, asin kuahon mo an ikalimang parte kan gabos na produkto kan daga sa laog kan pitong taon nin abunda.

Genesis 47:23

Sinabihan ni Jose an mga tawo, “Ngunyan na aldaw, binakal ko na kamo asin an saindong mga daga para sa hade. Uya an banhi; itanom nindo.

Genesis 47:25

Nagsimbag sinda, “Ilinigtas mo an samong buhay; nagin marahayon ka samo, kagurangnan, kaya magigin oripon kami kan hade.”

Salmo 112:5

Paladan an tawo na matinao asin mapinasubli, na dai nagdadaya sa saiyang negosyo.

Salmo 41:1

Paladan an tawong may pagmakulog sa mga dukha; tinatabangan siya nin Kagurangnan sa aldaw nin kasakitan.

Levitico 27:30

An ikasampolong parte kan gabos na bunga kan daga, trigo man o bunga nin kahoy, pagsadiri nin Kagurangnan.

Levitico 27:32

Kun bilangon na an mga hayop, pagsadiri nin Kagurangnan an lambang ikasampolo.

Mga Bilang 18:21

Nagtaram an Kagurangnan, “Itinatao ko sa mga Levita an lambang himoloan na idinodolot sako kan banwaan nin Israel. Iyan an bayad sa pag-ataman ninda kan Tabernakulo.

Deuteronomio 14:22

“Laenon nindo an himoloan—an ikasampolong kabtang kan gabos na bunga kan saindong kaomahan sa taon-taon.

Deuteronomio 26:12

“Sa lambang ikatolong taon, itao nindo an himoloan—an ikasampolong parte kan saindong inani—sa mga Levita, mga dayuhan, mga ilo asin mga babaeng balo, tanganing sa lambang komunidad magkaigwa sinda kan pagkakan na saindang kaipuhan.