Genesis 47:23 - Marahay na Bareta Biblia

²³ Sinabihan ni Jose an mga tawo, “Ngunyan na aldaw, binakal ko na kamo asin an saindong mga daga para sa hade. Uya an banhi; itanom nindo.

Genesis 47:23 ပူးပေါင်းရင်းမြစ်များ

Genesis 41:27

An nagsunod na pitong maniniwang na baka asin an pitong tagiltilon na puso nin mais huli sa init kan doros na hale sa desyerto, pitong taon nin gutom.

Genesis 45:6

Ikaduwang taon pa sana ini kan grabeng gutom sa daga; limang taon pa nin pagtios an maabot na mayo nin pag-aarado o pag-aani.

Genesis 47:22

An daga sana kan mga padi an dai binakal ni Jose. Dai kaipuhan na ipabakal kan mga padi an saindang daga huli ta igwa sinda nin permanenteng kahirasan nin pagkakan hale sa hade.

Genesis 47:24

Sa tig-anihan, itatao nindo an ikalimang parte kan ani sa hade. An natadang apat na parte, gibohon nindong banhi para sa saindong oma asin pagkakan nindo sagkod kan saindong pamilya.”

Salmo 112:5

Paladan an tawo na matinao asin mapinasubli, na dai nagdadaya sa saiyang negosyo.

Salmo 41:1

Paladan an tawong may pagmakulog sa mga dukha; tinatabangan siya nin Kagurangnan sa aldaw nin kasakitan.

Mga Talinhaga 11:26

Minamaldisyon kan banwaan an nagtatago kan trigo, alagad inoomaw ninda an nagpapabakal kaiyan.

Mga Talinhaga 12:11

An mahigos na paraoma igwa nin dakul na kakanon, alagad kalolongan an magsayang nin panahon sa mayo nin halagang mga proyekto.

Mga Talinhaga 13:23

An dagang dai naooma pwedeng magtao nin dakul na kakanon sa dukha, alagad an mga maraot dai minatugot na tanoman iyan.

Parahulit 11:6

Magtanom ka sa aldaw asin man sa banggi, huli ta dai mo nanggad maaaraman kun an gabos na itinanom mo matalubo nin marahay o kun an saro mamumunga nin dakul ki sa saro.

Isaias 55:10

“An sakong tataramon siring sa nyebe saka sa uran, na naghuhugpa hale sa langit, nganing biribihon an daga. Pinapatalubo ninda an mga tinanom, na minatao nin banhi na isasabwag asin minatao nin pagkakan.

Mateo 24:45

“Kaya siisay an maimbod asin madonong na sorogoon? Siya idtong ibinugtak nin saiyang kagurangnan na mamahala kan ibang sorogoon asin magrasyon sainda nin kakanon sa oras nin pagkakan.

2 Corinto 9:10

An Dios, na nagtatao nin banhi sa paratanom saka nin tinapay bilang kakanon, iyo man an matao saindo kan gabos na banhi na kaipuhan nindo. Papataluboon niya iyan, tanganing dakul an magin bunga kan saindong pagkamatinao.