Genesis 47:17 - Marahay na Bareta Biblia

¹⁷ Kaya dinara kan mga tawo ki Jose an saindang mga hayop asin tinawan niya sinda kan karibay na pagkakan. Kan taon na iyan, an mga tawo tinawan ni Jose nin pagkakan karibay kan saindang mga hayop.

Genesis 47:17 ပူးပေါင်းရင်းမြစ်များ

Genesis 47:16

Nagsimbag si Jose, “Daraha nindo sako an saindong mga hayop asin riribayan ko iyan nin pagkakan kun ubos na an saindong kwarta.”

Genesis 47:18

Kan sunod na taon, nagduman ki Jose an mga tawo asin nagsabi, “Dai mi tatagoon saimo, kagurangnan, an katotoohan na mayo na kaming mga kwarta asin napasaimo na an samong mga hayop. Mayo na nin natatada sa samo na pwede ming itao saimo kundi an samong mga hawak asin an samong mga daga.

1 Mga Hade 10:28

An mga kabayo ni Solomon hale pa sa Egipto saka sa Kue, asin an saiyang mga negosyante an minabakal kaiyan sa Kue sa talaan na presyo.

An Libro ni Job 2:4

Nagsimbag si Satanas, “Itatao nin tawo an gabos tanganing mabuhay sana.

Exodo 9:3

papadusahan taka. Papadarahan ko nin makangirhat na helang an gabos mong hayop—an saimong mga kabayo, mga asno, mga kamelyo, mga baka, mga karnero, saka mga kanding.

Isaias 31:1

Herak man sa mga nagduduman sa Egipto nganing magpatabang! Nagsasarig sinda sa kosog kan hukbo nin Egipto—mga kabayo, mga karwahe, saka mga soldados. Alagad dai sinda nagsasarig sa Kagurangnan, an banal na Dios nin Israel, ni naghahagad saiya nin tabang.

Mateo 6:24

“Mayong makakapaglingkod sa duwang kagurangnan, huli ta ikakaongis niya an saro asin mamomotan an saro; magigin maimbod siya sa saro asin pag-oolog-ologon an saro. Dai kamo makakapaglingkod sa Dios asin sa kayamanan.