Genesis 47:12 - Marahay na Bareta Biblia

¹² Tinawan man ni Jose nin pagkakan an saiyang ama, an saiyang mga tugang saka an iba pang myembro kan pamilya kan saiyang ama sagkod an pinakaaki sainda.

Genesis 47:12 ပူးပေါင်းရင်းမြစ်များ

Genesis 45:10

Mag-erok ka sa rehiyon kan Goshen, harani sako, ika, an saimong kaakian saka mga makoapo, an saimong mga karnero, kanding asin baka, patin an gabos mong pagsadiri.

Genesis 45:11

Kun nasa Goshen ka na, maaataman taka. Lima pang taon an grabeng gutom; habo kong magutom kamo—ika, an saimong pamilya saka an saimong mga hayop.’”

Genesis 45:7

Enot akong ipinadara nin Dios ki sa saindo tanganing iligtas kamo sa makangalas na paaging ini, asin buhayon kamo sagkod an saindong kapagarakian.

Genesis 47:1

Kaya ipinag-iba ni Jose an lima sa saiyang mga tugang asin nagduman sinda sa hade. Nagsabi siya sa hade, “Nag-abot na hale sa Canaan an sakong ama asin an sakong mga tugang. Dara ninda an saindang mga hayop sagkod an gabos nindang pagsadiri. Idtoon sinda ngunyan sa rehiyon nin Goshen.”

Genesis 47:21

Ginibong oripon ni Jose an gabos na tawo sa Egipto magpoon sa sarong poro kaini sagkod sa ibong na poro.

Genesis 47:24

Sa tig-anihan, itatao nindo an ikalimang parte kan ani sa hade. An natadang apat na parte, gibohon nindong banhi para sa saindong oma asin pagkakan nindo sagkod kan saindong pamilya.”

Genesis 50:21

Kaya dai kamo matakot, aatamanon ko kamo sagkod an saindong mga aki.” Siring an pagranga ni Jose sa saiyang mga tugang.

Exodo 20:12

“Galangan nindo an saindong ama asin ina, tanganing mabuhay kamo nin halawig sa dagang itatao ko sa saindo.

Isaias 22:24

“Alagad magigin sarong pagabat saiya an gabos niyang kadugo. Makabit sinda saiya arog sa mga koron saka mga mangko na nabibitay sa sarong pako!

1 Tesalonica 2:7

maski pwede kutanang hagadon mi iyan saindo bilang mga apostol ni Cristo. Maboboot kami kan yaon saindo, siring sa sarong ina na nag-aataman kan saiyang mga aki.

1 Timoteo 4:8

Huli ta kun igwa nin halaga an pagpakosog sa hawak, may halaga an pagpakosog sa kabanalan, huli ta ini may panuga para sa buhay ngunyan asin para sa buhay na madatong.

1 Timoteo 5:4

Kun an babaeng balo igwa nin mga aki o mga makoapo, sinda ngona an dapat mag-otob kan saindang katongdan sa sadiri nindang pamilya. Sa siring na paagi makakabalos sinda sa saindang mga magurang asin mga apo, huli ta ini an nakakapaogma sa Dios.

1 Timoteo 5:8

An siisay man na dai nag-aataman sa saiyang mga kadugo, orog na sa sadiri niyang pamilya, nagtalikod na sa pagtubod asin mas maraot pa siya ki kan bakong paratubod.

Ruth 4:15

Namomotan ka kan saimong manugang asin orog pa siya ki sa pitong aking lalaki; tinawan ka niya nin sarong makoapo. Ini an magtatao saimo nin bagong kosog asin mag-aataman saimo sa saimong paggurang.”