Genesis 47:1 - Marahay na Bareta Biblia

¹ Kaya ipinag-iba ni Jose an lima sa saiyang mga tugang asin nagduman sinda sa hade. Nagsabi siya sa hade, “Nag-abot na hale sa Canaan an sakong ama asin an sakong mga tugang. Dara ninda an saindang mga hayop sagkod an gabos nindang pagsadiri. Idtoon sinda ngunyan sa rehiyon nin Goshen.”

Genesis 47:1 ပူးပေါင်းရင်းမြစ်များ

Genesis 45:10

Mag-erok ka sa rehiyon kan Goshen, harani sako, ika, an saimong kaakian saka mga makoapo, an saimong mga karnero, kanding asin baka, patin an gabos mong pagsadiri.

Genesis 45:16

Kan makaabot sa palasyo an bareta na nag-abot an mga tugang ni Jose, naogma an hade dangan an saiyang mga opisyal.

Genesis 46:28

Pinaenot ni Jacob si Juda tanganing sabihan si Jose na sabaton siya sa Goshen; dangan nakaabot sinda sa Goshen.

Genesis 46:31

Sinabihan ni Jose an saiyang mga tugang saka an iba pang pag-iriba, “Maduman ako sa hade tanganing sabihan siya na nag-abot na an sakong mga tugang asin an gabos na pamilya kan sakong ama na dating nag-erok sa Canaan.

Genesis 46:34

dai nanggad kamo malingaw na magsabi saiya na mga pastor kamo nin mga hayop sa bilog nindong pagkabuhay, siring kan trabaho kan saindong mga ginikanan. Huli kaini, tutugotan niya kamong mag-erok sa rehiyon nin Goshen.” Sinabi ini ni Jose huli ta dai nakikilabot an mga Egipcio sa mga pastor nin hayop.

Exodo 8:22

Alagad ililigtas ko an Goshen, na pinag-eerokan kan sakong banwaan, tanganing maaraman mo na Ako, an Kagurangnan, iyo an mapangyari sa dagang ini.

Exodo 9:26

An rehiyon nin Goshen, na pinag-eerokan kan mga Israelita, iyo sana an lugar na dai hinugpaan nin yelo.

Hebreyo 2:11

Huli ta siya an naglilinig sa mga tawo kan saindang kasalan saka an mga nalinigan na igwa nin sarong Ama. Kaya dai nasosopog si Jesus na apodon sindang tugang.