Genesis 46:34 - Marahay na Bareta Biblia

³⁴ dai nanggad kamo malingaw na magsabi saiya na mga pastor kamo nin mga hayop sa bilog nindong pagkabuhay, siring kan trabaho kan saindong mga ginikanan. Huli kaini, tutugotan niya kamong mag-erok sa rehiyon nin Goshen.” Sinabi ini ni Jose huli ta dai nakikilabot an mga Egipcio sa mga pastor nin hayop.

Genesis 46:34 ပူးပေါင်းရင်းမြစ်များ

Genesis 13:7

Kaya nagkaigwa nin pag-iriwal an mga pastor ni Abram asin ni Lot. (Kaidto, an mga Cananeo asin Perezeo iyo an nag-eerok sa lugar na idto.)

Genesis 13:8

Dangan sinabihan ni Abram si Lot, “Magkadugo kitang duwa, kaya dai dapat na mag-iriwal an satong mga pastor.

Genesis 26:20

Alagad iniwal an mga pastor ni Isaac kan mga pastor sa Gerar na nagsasabi, “Samo an tubig na ini.” Kaya Esek an inginaran ni Isaac sa bubon, huli ta iniwal siya ninda.

Genesis 30:35

Alagad kan aldaw na iyan, hinale ni Laban an gabos na lalaki asin babaeng kanding na may patak-patak asin may raya-raya; hinale man niya an mga itom na karnero asin ipinaataman an mga ini sa mga aki niya.

Genesis 34:5

Naaraman ni Jacob na linupigan ni Shekem an aki niyang si Dina alagad huli ta nagpapastor pa kan mga hayop sa kaomahan an mga aki niyang lalaki, dai siya naggibo nin ano man sagkod na dai pa sinda nagpuli.

Genesis 37:12

Sarong aldaw, nagpaduman sa Shekem an mga tugang ni Jose tanganing pasabsabon an mga hayop kan saindang ama.

Genesis 37:2

Iyo ini an istorya kan pamilya ni Jacob. Si Jose, sa edad na dyes y syeteng taon, iyo an nagpapastor kan mga hayop sa kaibahan kan saiyang mga tugang na mga aki ni Bilha asin ni Zilpa—mga kasaroan kan saiyang ama na si Jacob. Isinumbong ni Jose sa saiyang ama an mga maraot na ginigibo kan saiyang mga tugang.

Genesis 43:32

Pinuwestohan si Jose sa sarong lamesa asin an mga tugang niya sa saro pang lamesa. An mga Egipcio na nagkakakan duman suhay man na pinuwestohan huli ta dai ninda maaako na makahampang sa pagkakan an mga Hebreyo.

Genesis 45:10

Mag-erok ka sa rehiyon kan Goshen, harani sako, ika, an saimong kaakian saka mga makoapo, an saimong mga karnero, kanding asin baka, patin an gabos mong pagsadiri.

Genesis 45:18

Ipakua mo sainda an saindong ama asin an saindang mga pamilya dangan magbalik digdi. Itatao ko sainda an pinakamarahay na daga sa Egipto, na matao sainda nin labi pa kan saindang pangangaipo.

Genesis 46:32

Sasabihan ko siya na mga pastor kamo asin mga paraataman nin mga hayop; na dinara nindo an saindong mga hayop sagkod an gabos nindong mga pagsadiri.

Genesis 47:11

Dangan pinaerok ni Jose sa Egipto an saiyang ama saka an saiyang mga tugang; tinawan niya sinda kan pinakamarahay na daga na harani sa syudad nin Rameses, siring sa ipinagboot kan hade.

Genesis 47:3

Naghapot an hade sainda, “Ano an saindong mga trabaho?” Nagsimbag sinda, “Mga pastor kami siring kan samong mga ginikanan.

Genesis 47:4

Nagdigdi kami tanganing makihimanwa sa dagang ini, huli ta makuri an gutom sa Canaan asin mayo nin masasabsab duman an samong mga hayop. Nakikimaherak kami na tugotan mong mag-erok kami sa rehiyon nin Goshen.”

Genesis 47:6

yaon an bilog na daga kan Egipto na pagpipilian mo. Duman mo sinda paerokon sa rehiyon nin Goshen, an pinakamarahay na parte kan daga. Kun igwa sa saindang marahay na magpastor, gibohon mo siyang parapamahala kan sakong mga hayop.”

Exodo 8:22

Alagad ililigtas ko an Goshen, na pinag-eerokan kan sakong banwaan, tanganing maaraman mo na Ako, an Kagurangnan, iyo an mapangyari sa dagang ini.

Exodo 8:26

“Bakong tama na gibohon mi iyan,” an simbag ni Moises, “huli ta maaanggot an mga Egipcio sa gigibohon ming pagdolot nin mga hayop sa Kagurangnan na samong Dios. Kun digdi kami magdolot asin mahiling kami kan mga Egipcio, dai daw ninda kami gapoon?