Genesis 46:20 - Marahay na Bareta Biblia

²⁰ An mga aki ni Jose sa Egipto: si Manases asin si Efraim. An mga ini iyo an mga aki ni Jose ki Asenat, an aking babae ni Potifera na sarong padi sa On.

Genesis 46:20 ပူးပေါင်းရင်းမြစ်များ

Genesis 41:45

Dangan si Jose nginaranan Zafenat Panea kan hade, asin tinawan siya kaini nin agom, si Asenat, an aki ni Potifera na sarong padi sa On. Treynta na an edad ni Jose kan magpoon siyang maglingkod sa hade nin Egipto. Pakahale niya sa atubang kan hade, naglibot siya sa bilog na daga.

Genesis 46:19

An mga aki ni Rachel na agom ni Jacob: si Jose asin si Benjamin.

Genesis 48:1

Dai nahaloy, naosipan si Jose na naghehelang an saiyang ama. Kaya ipinag-iba niya an duwa niyang aki na si Manases saka si Efraim, asin dinalaw ninda si Jacob.

Genesis 48:20

Kaya kan aldaw na idto, benendisyonan niya sinda na nagsabi, “Gagamiton kan mga Israelita an saindong mga ngaran kun sinda mabendisyon. Masabi sinda, ‘Gibohon ka logod nin Dios siring ki Efraim saka ki Manases.’” Sa paaging ini pinaenot ni Jacob si Efraim ki Manases.

Ezekiel 30:17

An mga hoben na lalaki sa mga syudad nin Heliopolis saka Bubastis magagadan sa paagi nin espada, asin mabibihag an mga babae.

Josue 17:1

Sarong parte kan daga sa solnopan kan Jordan an itinao sa nagkapirang pamilya na gikan ki Manases, an matuang aki ni Jose. An Gilead asin an Basan sa sirangan kan Jordan itinao ki Makir na aking matua ni Manases asin ama ni Gilead, huli ta si Makir sarong lalaking paralaban.