Genesis 45:6 - Marahay na Bareta Biblia

⁶ Ikaduwang taon pa sana ini kan grabeng gutom sa daga; limang taon pa nin pagtios an maabot na mayo nin pag-aarado o pag-aani.

Genesis 45:6 ပူးပေါင်းရင်းမြစ်များ

Genesis 37:2

Iyo ini an istorya kan pamilya ni Jacob. Si Jose, sa edad na dyes y syeteng taon, iyo an nagpapastor kan mga hayop sa kaibahan kan saiyang mga tugang na mga aki ni Bilha asin ni Zilpa—mga kasaroan kan saiyang ama na si Jacob. Isinumbong ni Jose sa saiyang ama an mga maraot na ginigibo kan saiyang mga tugang.

Genesis 41:35

Pagbotan mo sinda na tiponon an gabos na pagkakan sa laog kan mga maabot na taon nin abunda asin tawan mo sinda nin kapangyarihan sa pagtipon saka sa pagbantay kan pagkakan sa mga syudad.

Genesis 41:53

Natapos an pitong taon nin abunda sa daga nin Egipto,

Genesis 41:54

asin siring sa sinabi ni Jose, nagpoon an pitong taon nin gutom. Igwa nin gutom sa ibang lugar, alagad igwang pagkakan sa bilog na Egipto.

Genesis 41:56

Kan lakop na an grabeng gutom sa bilog na daga, binukasan ni Jose an gabos na sarayan nin pagkakan dangan pinabakalan niya nin mais an mga Egipcio.

Genesis 47:18

Kan sunod na taon, nagduman ki Jose an mga tawo asin nagsabi, “Dai mi tatagoon saimo, kagurangnan, an katotoohan na mayo na kaming mga kwarta asin napasaimo na an samong mga hayop. Mayo na nin natatada sa samo na pwede ming itao saimo kundi an samong mga hawak asin an samong mga daga.

Genesis 47:23

Sinabihan ni Jose an mga tawo, “Ngunyan na aldaw, binakal ko na kamo asin an saindong mga daga para sa hade. Uya an banhi; itanom nindo.

Exodo 34:21

“Magtrabaho kamo sa laog nin anom na aldaw, alagad magpahingalo kamo sa ikapitong aldaw; magpahingalo kamo maski sa panahon nin pag-arado o nin pag-ani.

Isaias 30:24

An mga baka saka mga asno na saindong ipinag-aarado kan saindong mga oma, magkakakan kan pinakamarahay na kakanon.

Deuteronomio 21:4

Dadarahon ninda an baka sa sarong lugar na dai pa inarado o tinanoman, harani sa sarong burabod na dai naghuhubas an tubig, asin duman ninda babarion an liog kan hayop.

1 Samuel 8:12

An iba sainda gigibohon niyang mga opisyal nin sangribo katawo, saka an iba mga opisyal nin singkwenta katawo. An iba gigibohon niyang mga paraarado saka paraani; an iba magigin paragibo nin mga armas sa gera, asin mga kagamitan para sa saiyang mga karwahe.