Genesis 45:21 - Marahay na Bareta Biblia

²¹ Sinunod kan mga aki ni Jacob an sinabi sainda. Tinawan sinda ni Jose nin mga lunadan sagkod pagkakan para sa saindang paglakaw, siring sa ipinagboot kan hade.

Genesis 45:21 ပူးပေါင်းရင်းမြစ်များ

Genesis 45:19

Sabihi man sinda na magdara nin mga lunadan hale digdi sa Egipto para sa saindang mga agom saka saradit na mga aki, asin ipag-iba ninda digdi an saindong ama.

Genesis 45:20

Dai sinda dapat mahadit na bayaan duman an saindang mga pagsadiri huli ta mapapasainda an pinakamarahay na daga sa bilog na Egipto.”

Genesis 45:27

Alagad kan osipan ninda siya kan sinabi ni Jose, asin kan mahiling an mga lunadan na madara saiya sa Egipto, nagtubod siya.

Genesis 46:5

Dangan naghale si Jacob sa Beer-sheba. Siya, an saiyang mga makoapo saka an mga agom kan mga aki niya pinalunad kan saiyang mga aki sa mga lunadan na padara kan hade.

2 Mga Cronica 35:16

Kaya siring sa pagboot ni Hadeng Josias, an gabos inandam kan aldaw na idto para sa pagsamba sa Kagurangnan, sa pagselebrar kan Paskwa asin sa pagdolot kan mga tinutong na atang sa ibabaw kan altar.

2 Mga Cronica 8:13

Nagdolot siya siring kan hinahagad kan mga Togon ni Moises manongod sa mga atang kun mga banal na aldaw arog kan Sabbath, Bagong Bulan asin an tolong taon-taon na mga Pyesta—an Pyesta kan Tinapay na Mayo nin Lebadura, an Pyesta nin Pag-ani saka an Pyesta nin mga Harong-harong.

Exodo 17:1

Naghale sa kalangtadan nin Sin an bilog na komunidad nin Israel sa paoroontok na paglakaw siring sa pagboot nin Kagurangnan. Nagkampo sinda sa Refidim, alagad mayo duman nin tubig na maiinom,

Parahulit 8:2

Kuyogon mo an pagboot kan hade asin dai ka maghidali sa paggibo nin panuga sa Dios.

Mga Panambitan 1:18

“Alagad tama an Kagurangnan, huli ta dai ko siya kinuyog. Dangoga nindo ako, kamo gabos na banwaan, asin hilinga an sakong kasakitan; an gabos kong mga hoben na lalaki asin babae napaduman sa pagkabihag.

Ezekiel 23:24

Sasalakayon ka ninda hale sa amihan, kaiba an dakulang hukbo saka mga karwahe asin mga lunadan nin armas. Papalibotan ka kan hukbong ini na armado nin kalasag saka helmet, dangan huhukoman ka ninda sosog sa saindang mga pagsusundon.

Mga Bilang 3:16

Kaya binilang ni Moises an mga Levita sosog sa ipinagboot saiya nin Kagurangnan.