Genesis 45:10 - Marahay na Bareta Biblia

¹⁰ Mag-erok ka sa rehiyon kan Goshen, harani sako, ika, an saimong kaakian saka mga makoapo, an saimong mga karnero, kanding asin baka, patin an gabos mong pagsadiri.

Genesis 45:10 ပူးပေါင်းရင်းမြစ်များ

Genesis 46:34

dai nanggad kamo malingaw na magsabi saiya na mga pastor kamo nin mga hayop sa bilog nindong pagkabuhay, siring kan trabaho kan saindong mga ginikanan. Huli kaini, tutugotan niya kamong mag-erok sa rehiyon nin Goshen.” Sinabi ini ni Jose huli ta dai nakikilabot an mga Egipcio sa mga pastor nin hayop.

Genesis 47:1

Kaya ipinag-iba ni Jose an lima sa saiyang mga tugang asin nagduman sinda sa hade. Nagsabi siya sa hade, “Nag-abot na hale sa Canaan an sakong ama asin an sakong mga tugang. Dara ninda an saindang mga hayop sagkod an gabos nindang pagsadiri. Idtoon sinda ngunyan sa rehiyon nin Goshen.”

Genesis 47:12

Tinawan man ni Jose nin pagkakan an saiyang ama, an saiyang mga tugang saka an iba pang myembro kan pamilya kan saiyang ama sagkod an pinakaaki sainda.

Genesis 47:4

Nagdigdi kami tanganing makihimanwa sa dagang ini, huli ta makuri an gutom sa Canaan asin mayo nin masasabsab duman an samong mga hayop. Nakikimaherak kami na tugotan mong mag-erok kami sa rehiyon nin Goshen.”

Genesis 47:6

yaon an bilog na daga kan Egipto na pagpipilian mo. Duman mo sinda paerokon sa rehiyon nin Goshen, an pinakamarahay na parte kan daga. Kun igwa sa saindang marahay na magpastor, gibohon mo siyang parapamahala kan sakong mga hayop.”

Esther 10:3

Si Mardokeo, an Judio, iyo an nagin ikaduwa ni Hadeng Jerjes. Inomaw siya asin ginalangan kan kapwa niya mga Judio. Naglingkod siya para sa karahayan kan saiyang banwaan asin para sa katiwasayan kan gabos nindang kapagarakian.

Exodo 8:22

Alagad ililigtas ko an Goshen, na pinag-eerokan kan sakong banwaan, tanganing maaraman mo na Ako, an Kagurangnan, iyo an mapangyari sa dagang ini.

Exodo 9:26

An rehiyon nin Goshen, na pinag-eerokan kan mga Israelita, iyo sana an lugar na dai hinugpaan nin yelo.

Juan 17:24

“Ama, mawot ko na sinda man na itinao mo sako makaiba ko kun saen ako, nganing mahiling ninda an kamurawayan na itinao mo sako; huli ta namotan mo ako bago lalangon an kinaban.

Mga Gibo 7:14

Pinatogonan ni Jose an ama niyang si Jacob na darahon sa Egipto an bilog na pamilya ninda, na setenta y singko katawo gabos.