Genesis 44:2 - Marahay na Bareta Biblia

² An sakuyang kalis ipaibabaw mo sa mais, sa laog kan sako kan ngohod nindang tugang, kaiba kan saiyang kwarta.” Sinunod kan sorogoon an sinabi saiya.

Genesis 44:2 ပူးပေါင်းရင်းမြစ်များ

Genesis 42:20

Dangan darahon nindo digdi sako an ngohod nindong tugang. Ini an magpapatunay na totoo an sinabi nindo asin dai ko kamo gagadanon.” Nag-oyon sinda,

Genesis 42:25

Nagboot si Jose na panoon nin mais an mga sako kan saiyang mga tugang, asin ibugtak giraray sa sako an kwarta nin lambang saro, patin tawan sinda nin makakakan sa dalan. Sinunod ini gabos.

Genesis 43:32

Pinuwestohan si Jose sa sarong lamesa asin an mga tugang niya sa saro pang lamesa. An mga Egipcio na nagkakakan duman suhay man na pinuwestohan huli ta dai ninda maaako na makahampang sa pagkakan an mga Hebreyo.

Genesis 44:1

Pinagbotan ni Jose an sorogoon na pinaniwalaan niya kan saiyang harong, “Panoa nin pagkakan an mga sako kan mga lalaking ini, sagkod na kaya pa nindang darahon asin ilaog mo sa mga sako, sa ibabaw kan mais, an kwartang ibinayad kan lambang saro.

Genesis 44:12

Saro-sarong siniyasat kan oripon ni Jose an mga sako magpoon sa sako kan matua sagkod sa sako kan ngohod, asin nakua niya an kalis sa sako ni Benjamin.

Genesis 44:3

Pagkaagang amay, pinahale na an magturugang kaiba an saindang mga asno.

Mateo 10:16

“Magdangog kamo! Sinusugo ko kamo na garo mga karnero sa tahaw nin mga lobo. Magpakamaingat kamo arog kan mga halas asin magpakamahoyo arog kan mga salampati.

2 Corinto 8:8

Dai ko ini ipinagboboot saindo, kundi boot kong maaraman nindo kun gurano kamaigot an ibang mga tawo sa pagtabang, tanganing maaraman ko man kun talagang tunay an pagkamoot nindo.

Deuteronomio 13:3

dai kamo magtubod saiya. Ginagamit siya nin Kagurangnan na saindong Dios sa pagbalo saindo tanganing mahiling niya kun talagang namomotan nindo siya sa bilog nindong puso.

Deuteronomio 8:16

Sa kalangtadan, pinakakan niya kamo nin manna, pagkakan na dai pa nanamitan kan saindong mga ginikanan. Pinasakitan niya kamo sa pagbalo saindo, tanganing sa kataposan, tawan niya kamo nin mga marahay na bagay.

Deuteronomio 8:2

Giromdoma nindo kun paano kamo pinangenotan nin Kagurangnan, na saindong Dios, sa pagbaklay nindo sa desyerto sa laog nin kwarentang taon. Pinasakitan niya kamo sa pagbalo saindo, tanganing aramon an nasa puso nindo, kun makuyog kamo kan saiyang mga togon o dai.