Genesis 44:18 - Marahay na Bareta Biblia

¹⁸ Nagdolok si Juda ki Jose asin nagsabi, “Kagurangnan, tugote akong magpaliwanag; dai ka maanggot sako huli ta garong ika man sana an hade.

Genesis 44:18 ပူးပေါင်းရင်းမြစ်များ

Genesis 18:30

“Dai ka man logod maanggot sako, Kagurangnan, huli ta mahapot pa ako. Halimbawa treynta sana an idtoon?” an hapot ni Abraham. “Dai ko tutunawon iyan kun makakua ako nin treynta,” an simbag nin Kagurangnan.

Genesis 18:32

Giraray nagpadagos si Abraham, “Dai ka logod maanggot sako, Kagurangnan, huli ta ini na sana an sasabihon ko. Halimbawa sampolo sana nanggad an makua?” Nagsimbag an Kagurangnan, “Dai ko raraoton an syudad kun may makua akong sampolo.”

Genesis 37:6

Nagsabi siya sainda, “Dangoga nindo an pangatorogan ko:

Genesis 37:7

gabos daa kita nagbuburugkos kan mga inasyab na trigo sa oma, kan magbuhat asin magtindog nin tanos an sakong binugkos. Pinalibotan kan saindong binugkos an sakong binugkos asin dinukoan ninda ini sa paggalang.”

Genesis 37:8

Nagsabi sinda saiya, “Sa paghona mo, ika an magigin hade asin kagsakop nyamo?” Kaya orog na naongis sa saiya an saiyang mga tugang huli kan saiyang mga pangatorogan asin mga pinagsasabi.

Genesis 41:40

Ika an sakong ibubugtak na parapamahala kan bilog na daga. An saimong pagboot ootobon kan gabos kong nasasakopan. Magigin ikaduwa ka sako sa kapangyarihan.

Genesis 41:44

Sinabihan siya kan hade, “Ako an hade nin Egipto, asin sinasabihan taka na mayo nin siisay man sa daga nin Egipto na makakaitaas kan saiyang kamot o bitis sagkod na dai mo itinutugot.”

Genesis 44:17

Nagsabi si Jose, “Dai ko magigibo iyan! Idto sanang nakuahan kan sakuyang kalis an sakong magigin oripon asin an iba saindo makakapuli na sa saindong ama.”

2 Samuel 14:12

“Mahal na hade, tugote akong magpahayag nin saro pang bagay,” an sabi kan babae. “Magpahayag ka,” an simbag kan hade.

Esther 1:12

Alagad kan isabi kan mga sorogoon ki Reyna Vasti an pagboot kan hade, nagsayumang magduman an reyna. Huli kaini naanggot nin makuri an hade.

An Libro ni Job 33:31

“Paghinanyog, Job, dangoga ako; pag-alo, asin mataram ako.

Salmo 79:5

Sagkod nuarin, Kagurangnan? Maaanggot ka daw sagkod lamang? Padagos daw na maglalaad siring sa kalayo an saimong kaanggotan?

Exodo 32:22

Nagsimbag si Aaron, “Dai ka maanggot sako; aram mong desidido an mga tawong ini sa paggibo nin maraot.

Mga Talinhaga 19:12

An kaanggotan kan hade garo ungal kan leon, alagad an saiyang karahayan garo ambon sa ibabaw kan doot.

Daniel 3:15

Ngunyan pagkadangog nindo kan tanog kan trompeta, plawta, lira, gimbal, arpa, asin kan gabos na instrumento, magduko kamo asin magsamba sa estatwa. Kun dai kamo magsamba, itatapok kamo tolos sa nagkakalayong horno. Sa paghona nindo igwa nin dios na maligtas saindo?”

Daniel 5:19

Huli kan kadakulaan na itinao nin Dios saiya, an gabos na banwaan, nasyon, rasa saka lengwahe natatakot saiya asin tinatakigan. Kun boot niyang gadanon an siisay man, ginagadan niya; kun boot niyang buhayon an siisay man, binubuhay niya. Ilinalangkaw niya o ibinababa an siisay man na booton niya.

Juan 5:22

Dai naghuhukom an Ama sa kiisay man. Itinao niya sa Aki an bilog na kapangyarihan sa paghukom,

Mga Gibo 2:29

“Mga tugang, dai manenegaran na an satong ginikanan na si David nagadan dangan ilinubong; an saiyang linubngan uya digdi sato sagkod ngunyan.