Genesis 44:1 - Marahay na Bareta Biblia

¹ Pinagbotan ni Jose an sorogoon na pinaniwalaan niya kan saiyang harong, “Panoa nin pagkakan an mga sako kan mga lalaking ini, sagkod na kaya pa nindang darahon asin ilaog mo sa mga sako, sa ibabaw kan mais, an kwartang ibinayad kan lambang saro.

Genesis 44:1 ပူးပေါင်းရင်းမြစ်များ

Genesis 24:2

Sinabihan niya an pinakagurang niyang oripon na namamahala kan gabos niyang rogaring, “Ibugtak mo an saimong kamot sa pagultanan kan sakong mga hita asin magsumpa ka.

Genesis 42:25

Nagboot si Jose na panoon nin mais an mga sako kan saiyang mga tugang, asin ibugtak giraray sa sako an kwarta nin lambang saro, patin tawan sinda nin makakakan sa dalan. Sinunod ini gabos.

Genesis 42:35

Kan iula ninda an laog kan saindang sako, nakua ninda an sadiri nindang kwarta; kaya nagkatarakot sinda asin si Jacob na saindang ama.

Genesis 43:16

Kan mahiling ni Jose si Benjamin na kaibahan ninda, sinabihan niya an oripon na namamahala kan saiyang harong, “Ipag-iba mo an mga lalaking ini sa sakong harong. Kaiba ko sindang makakan ngunyan na odto, kaya magbuno ka nin hayop asin andamon mo.”

Genesis 43:19

Kaya pag-abot ninda sa may pintoan kan harong, sinabihan ninda an sorogoon na namamahala.

Genesis 43:2

asin kan naubos na kan pamilya ni Jacob an mais na binakal ninda sa Egipto, nagsabi siya sa mga aki niya, “Magduman giraray kamo asin magbakal nin dikit na pagkakan para sato.”

Genesis 44:2

An sakuyang kalis ipaibabaw mo sa mais, sa laog kan sako kan ngohod nindang tugang, kaiba kan saiyang kwarta.” Sinunod kan sorogoon an sinabi saiya.

Isaias 3:1

Huli ta uya, an Kagurangnan, an Kagurangnan nin mga hukbo, hahaleon niya sa Jerusalem saka sa Juda an gabos na sinasarigan kan katawohan. Hahaleon niya an sinasarigan nindang pagkakan asin tubig.