Genesis 43:8 - Marahay na Bareta Biblia

⁸ Nagsimbag si Juda sa saiyang ama, “Paibaha na sako an aki dangan maduman na kami tanganing mabuhay kita asin dai magadan sa gutom.

Genesis 43:8 ပူးပေါင်းရင်းမြစ်များ

Genesis 42:2

Nadangog kong igwa nin pagkakan sa Egipto; magduman kamo dangan magbakal nin pagkakan tanganing dai kita magkagaradan sa gutom.”

Genesis 42:38

Alagad nagsimbag si Jacob, “Dai nindo pwedeng ipag-iba an aki ko; huli ta gadan na an tugang niya asin siya na sana an natatada. Tibaad may mangyari saiya sa dalan. Gurang na ako asin an kamondoan na dadarahon nindo sako iyo an magadan sako.”

Genesis 44:20

dangan sinimbag mi ika nin, ‘Igwa pa kami nin ama na gurang na asin nin sarong tugang na namundag saiya kan siya gurang na. Gadan na an tugang kan ngohod mi, asin siya na sana an buhay sa mga aki kan saiyang ina; namomotan siya nin marahay kan saiyang ama.’

Genesis 44:26

Nagsimbag kami, ‘Dai kami malakaw; dai man sana kami makakaatubang sa lalaki kun dai mi kaiba an samong ngohod na tugang. Maduman kami kun kaiba mi an ngohod ming tugang.’

Genesis 45:19

Sabihi man sinda na magdara nin mga lunadan hale digdi sa Egipto para sa saindang mga agom saka saradit na mga aki, asin ipag-iba ninda digdi an saindong ama.

Genesis 50:21

Kaya dai kamo matakot, aatamanon ko kamo sagkod an saindong mga aki.” Siring an pagranga ni Jose sa saiyang mga tugang.

Genesis 50:8

Nag-iriba man saiya an saiyang pamilya, an saiyang mga tugang sagkod an iba pang myembro kan pamilya nin saiyang ama. An mga saradit na aki saka an mga hayop sana an nawalat sa rehiyon nin Goshen.

2 Mga Hade 7:13

Nagsabi an saro kan mga opisyal, “Nakatalaan nang magadan an mga tawo digdi sa syudad, arog kan mga nagadan na. Kaya magsugo kita nin nagkapirang lalaki kaiba an limang natatada pang mga kabayo tanganing maaraman ta kun ano an nangyari.”

2 Mga Hade 7:4

Mayo nin halaga kun maglaog kita sa syudad, huli ta magagadan man kita sa gutom duman; alagad kun magparaturukaw kita digdi, magagadan man giraray kita. Kaya magduman kita sa kampo kan mga taga Siria. An pinakamaraot na mangyayari sato iyo na pwedeng gadanon ninda kita, alagad tibaad iligtas ninda an satong buhay.”

Esdras 8:21

Duman sa tampi kan Salog nin Ahava ipinagboot ko an pag-ayuno asin an pagpakumbaba sa atubang nin samuyang Dios, tanganing hagadon saiya na pangenotan kami sa samong pagbaklay asin iligtas kami, an samong mga aki asin an gabos nyamong pagsadiri.

Salmo 118:17

Dai ako magagadan, ata ngani mabubuhay asin irurukyaw ko an gibo nin Kagurangnan.

Exodo 20:12

“Galangan nindo an saindong ama asin ina, tanganing mabuhay kamo nin halawig sa dagang itatao ko sa saindo.

Mga Bilang 14:31

Alagad an saindong mga aki na sinabi nindong magigin mga bihag, iyo an dadarahon ko sa daga na sinayumahan nindo, asin maerok sinda duman.

Deuteronomio 33:6

Nagsabi si Moises manongod ki Ruben: “Mabuhay logod si Ruben, dai magadan; dai mag-ina an saiyang mga tawohan.”