Genesis 43:29 - Marahay na Bareta Biblia

²⁹ Kan mahiling ni Jose an saiyang tugang na si Benjamin, nagsabi siya, “Iyo ini an ngohod nindong tugang na sinabi nindo sako? Mapasaimo an bendisyon nin Dios, aki ko.”

Genesis 43:29 ပူးပေါင်းရင်းမြစ်များ

Genesis 35:24

An mga aki ni Rachel iyo si Jose asin si Benjamin.

Genesis 42:11

Magturugang kami. Bako kaming mga espiya kundi mga onesto kaming tawo.”

Genesis 42:13

Nagsimbag sinda, “Dose kaming magturugang; mga aki nin saro sanang ama sa daga nin Canaan. Gadan na an saro ming tugang, asin an samong ngohod idtoon ngunyan sa kaibahan kan samong ama.”

Genesis 44:21

Sinabihan mo kaming ipag-iba mi siya digdi tanganing mahiling mo.

Genesis 45:8

Kaya bakong kamo an nagpadara sako digdi, kundi an Dios. Ginibo niya akong ikaduwa sa kapangyarihan sa hade asin parapamahala kan bilog na daga niya; ako an nagpapalakaw kan Egipto.

2 Mga Cronica 29:11

Mga aki ko, dai kamo magpabaya, huli ta kamo an pinili nin Kagurangnan na magtindog sa atubang niya, maglingkod saiya dangan magtutong nin insenso para saiya.”

Salmo 111:4

Ipinapagiromdom niya an makangangalas niyang mga gibo; maugayon an Kagurangnan asin maheherakon.

Salmo 112:4

An ilaw minaliwanag sa kadikloman para sa mga marahay na tawo, para sa mga maheherakon, maboot asin matanos.

Salmo 67:1

O Dios, kaheraki asin bendisyoni kami; paliwanaga sa samo an saimong lalawogon,

Isaias 30:19

Kamo na mga nag-eerok sa Jerusalem dai na magtatangis. Maheherakon an Kagurangnan, asin kun mag-agrangay kamo saiya nganing tabangan, sisimbagon niya kamo.

Isaias 33:2

Kagurangnan, kaheraki kami. Sa saimo mi ibinugtak an samong paglaom.

Malakias 1:9

Ngunyan, kamong mga padi, makimaherak kamo sa Dios tanganing magin marahay siya sato. Dai niya sisimbagon an saindong pamibi, asin kamo an may sala.

Mga Bilang 6:25

Paliwanagon logod nin Kagurangnan an saiyang lalawogon sa saindo asin maugayan kamo;

Mateo 9:2

Dinara saiya kan nagkapirang tawo an sarong lalaking paralitiko na nakahigda. Kan mahiling ni Jesus an saindang makosog na pagtubod, sinabihan niya an paralitiko, “Aki ko, pakosoga an boot mo! Pinapatawad na an mga kasalan mo.”

Mateo 9:22

Nagbirik si Jesus, nahiling an babae saka nagsabi, “Pakosoga an boot mo, aki ko! An saimong pagtubod iyo an nagpaomay saimo.” Kan oras man sanang idto narahay an babae.

Markos 10:24

Nagngaralas an mga disipulo sa tataramon niyang ini, alagad nagpadagos si Jesus sa pagtaram, “Mga aki ko, talagang masakit an paglaog sa Kahadean nin Dios!

1 Timoteo 1:2

Para ki Timoteo na tunay kong aki sa pagtubod: Mapasaimo logod an biyaya, pagkaherak asin katoninongan kan Dios Ama saka ni Cristo Jesus na satong Kagurangnan.

Hebreyo 13:1

Magdanay kamo sa pagkaminorootan siring sa magturugang.

Josue 7:19

Sinabihan ni Josue si Acan, “Aki ko, isabi mo an totoo digdi sa atubangan nin Kagurangnan, an Dios nin Israel. Ituga mo sako kun ano an ginibo mo. Dai ka magputik sako.”