Genesis 43:27 - Marahay na Bareta Biblia

²⁷ Kinomusta ni Jose an magturugang dangan hinapot, “Sinabi nindong gurang na an saindong ama, komusta siya? Buhay pa siya?”

Genesis 43:27 ပူးပေါင်းရင်းမြစ်များ

Genesis 37:14

Sinabihan siya ni Jacob, “Lakaw na, asin hilinga kun marahay an kamugtakan kan saimong mga tugang saka kan mga hayop; dangan magbalik ka asin osipan mo ako.” Kaya pinalakaw ni Jacob si Jose hale sa Kapantayan nin Hebron. Nakaabot si Jose sa Shekem

Genesis 41:16

Nagsimbag si Jose, “Mahal na hade, bakong ako, kundi an Dios an mapaliwanag saimo.”

Genesis 42:11

Magturugang kami. Bako kaming mga espiya kundi mga onesto kaming tawo.”

Genesis 42:13

Nagsimbag sinda, “Dose kaming magturugang; mga aki nin saro sanang ama sa daga nin Canaan. Gadan na an saro ming tugang, asin an samong ngohod idtoon ngunyan sa kaibahan kan samong ama.”

Genesis 43:7

Nagsimbag sinda, “Pinagparahapot kami kan lalaki manongod samo asin sa samong pamilya, ‘Buhay pa an saindong ama? Igwa pa kamong tugang?’ Kaipuhan simbagon mi an saiyang mga hapot. Paano mi maaaraman na ipapaiba niya samo an samong tugang?”

Genesis 45:3

Sinabihan ni Jose an saiyang mga tugang, “Ako si Jose. Buhay pa an sakong ama?” Alagad kan madangog ini kan saiyang mga tugang, nagkatarakot sinda kaya dai nakasimbag.

2 Mga Hade 4:26

Maghidali ka pasiring saiya, asin aramon mo kun marahay an kamugtakan niya, asin an kamugtakan kan saiyang agom saka aki.” Nagsabi an Sunamita ki Gehazi na marahay an kamugtakan ninda,

1 Mga Cronica 18:10

sinugo niya si Joram na saiyang aking lalaki, sa pagtaong galang asin sa pag-omaw ki David, huli ta dinaog kaini si Hadadezer, na dakul na beses nang nakalaban ni Toi. Pinadarahan niya si David nin dakul na regalo na gibo sa bulawan, plata, saka bronse.

Exodo 18:7

kaya sinabat siya kaini. Nagduko si Moises kan saiyang payo sa pagtaong galang sa saiyang panugangan dangan hinadokan niya ini. Nagkomustahan sinda dangan naglaog sa tolda ni Moises.

Hukom 18:15

Kaya nagduman sinda sa harong ni Micas saen nag-eerok an hoben na Levita asin kinomusta ninda siya.

1 Samuel 17:22

Iwinalat ni David an pagkakan sa namamahala kan mga kagamitan, dangan nagdalagan pasiring sa lugar na paglalabanan. Nagdolok siya sa saiyang tugang asin hinapot sinda kan saindang kamugtakan.

1 Samuel 25:5

Kaya pinagbotan niya an sampolong hoben na lalaki na magduman sa Carmelo, hanapon si Nabal, asin komustahon para saiya.