Genesis 43:23 - Marahay na Bareta Biblia

²³ Nagsimbag an sorogoon, “Dai kamo mahandal; dai kamo matakot. An saindong Dios, an Dios kan saindong ama, iyo an nagbugtak kan kwarta sa saindong mga sako para saindo. Naresibi ko an saindong kabayadan.” Dangan pinaluwas kan sorogoon si Simeon asin dinara sa sainda.

Genesis 43:23 ပူးပေါင်းရင်းမြစ်များ

Genesis 42:24

Binayaan ngona sinda ni Jose asin naghibi. Dangan nagbalik siya sainda saka pinili si Simeon na saiyang ipinagapos sa atubang ninda.

Genesis 42:28

“Inuli an kwarta ko; uya sa ibabaw kan mais!” an sabi niya sa saiyang mga tugang. Tinakigan sinda asin tarakot na nag-orolay, “Ano ining ginibo nin Dios sa sato?”

Genesis 42:36

Sinabihan sinda ni Jacob, “Gusto nindong mawara an gabos kong aki. Mayo na si Jose; mayo na man si Simeon; asin ngunyan gusto nindong ipag-iba si Benjamin. Ako an nakukulogan!”

Genesis 43:14

Gibohon logod kan Makakamhan na Dios na maherak saindo an lalaki tanganing ibalik niya saindo si Benjamin asin an saro pa nindong tugang. Kun mawawara an sakong mga aki, dai akong magiginibo.”

Genesis 43:22

saka nagdara pa kami nin ibang kwarta tanganing ibakal nin pagkakan. Dai mi aram kun siisay an nagbugtak kan kwarta sa samong sako.”

1 Mga Cronica 12:18

Dangan an Espiritu nin Dios uminabot ki Amasai, na nagin pamayo kan “An Treynta,” asin nagsabi ini, “Saimo kami, O David; asin kaiba mo kami, O aki ni Jesse! an Katoninongan mapasaimo, asin sa mga nagtatabang saimo! Huli ta tinabangan ka kan saimong Dios.” Inako sinda ni David asin ginibong mga opisyal kan saiyang hukbo.

1 Mga Cronica 12:19

Nagkapirang mga lalaki na gikan sa tribu ni Manases an nag-apil ki David kan maglakaw siya kaiba an mga Filisteo tanganing labanan si Hadeng Saul. An katotoohan, dai man tinabangan ni David an mga Filisteo huli ta nagkatarakot an mga hade kaini ta tibaad ipasaluib sinda ni David sa saiyang dating kagurangnan na si Saul; kaya pinabalik ninda sa Ziklag si David.

Esdras 4:17

Ipinadara kan emperador an simbag na ini: “Para ki Rehum na gobernador, ki Simsai na sekretaryo kan probinsya, asin sa saindang mga kairiba na nag-eerok sa Samaria asin sa gabos na nasa Solnopan kan Salog nin Eufrates, an sakong pangongomusta.

Lukas 10:5

Paglaog nindo sa arin man na harong, magsabi ngona kamo, ‘An Katoninongan mapasa harong na ini.’

Lukas 24:36

Nag-oosipon pa sinda kan mga bagay na ini, kan biglang nagtunga sa tahaw ninda si Jesus. Asin sinabihan sinda, “Mapasaindo an katoninongan.”

Juan 14:27

“Katoninongan iwinawalat ko saindo; an sakong katoninongan itinatao ko saindo. Bako iyan arog kan pagtao kan kinaban. Dai kamo mahadit ni matakot.

Juan 20:19

Pagkabanggi kan Domingo man sanang idto, nagtiripon an mga disipulo. Binaratan an mga pintoan kan harong na pinagtitiriponan ninda huli sa takot ninda sa mga Judio. Dangan naglaog si Jesus, puminatahaw sainda saka nagsabi, “Mapasaindo an katoninongan.”

Juan 20:21

Nagsabi giraray sainda si Jesus, “Mapasaindo an katoninongan. Siring na ako sinugo kan Ama, sinusugo ko man kamo.”

Juan 20:26

Pakalihis nin sarong semana, nagtiripon giraray an mga disipulo duman sa laog kan harong; kaiba na ninda si Tomas. An mga pintoan binaratan, alagad naglaog si Jesus, puminatahaw sainda saka nagsabi, “Mapasaindo an katoninongan.”

Hukom 19:20

Nagsimbag an gurang na lalaki, “Duman na kamo magpaaga sa sakong harong. Aatamanon ko kamo; dai sana kamo magpaaga digdi sa plasa.”

Hukom 6:23

Alagad nagtaram saiya an Kagurangnan, “An katoninongan mapasaimo. Dai ka matakot. Dai ka magagadan.”

1 Samuel 25:6

Ini an ipinasabi sainda ni David; “An katoninongan mapasaimo, sa saimong pamilya asin sa saimong pagsadiri.