Genesis 43:14 - Marahay na Bareta Biblia

¹⁴ Gibohon logod kan Makakamhan na Dios na maherak saindo an lalaki tanganing ibalik niya saindo si Benjamin asin an saro pa nindong tugang. Kun mawawara an sakong mga aki, dai akong magiginibo.”

Genesis 43:14 ပူးပေါင်းရင်းမြစ်များ

Genesis 17:1

Kan nubenta y nuebe na an edad ni Abram, nagpahiling saiya an Kagurangnan asin nagtaram saiya, “Ako an Makakamhan na Dios; kuyogon mo ako asin danay mong gibohon an matanos.

Genesis 22:14

Kaya an lugar na idto nginaranan ni Abraham “An Kagurangnan Nagtatao.” Sagkod ngunyan an mga tawo nagsasabi, “Sa bulod nin Kagurangnan, siya nagtatao.”

Genesis 28:3

Bendisyonan logod kan Makakamhan na Dios an saimong pag-agom; tawan ka niya logod nin dakul na aki, tanganing magin ama ka nin dakul na nasyon!

Genesis 35:11

Nagtaram saiya an Dios, “Ako an Makakamhan na Dios. Magkaigwa ka nin dakul na aki. Gigikanan ka nin dakul na nasyon asin sa saimo magikan an mga hade.

Genesis 39:21

Alagad inibahan si Jose nin Kagurangnan na nagpahiling saiya nin danay na pagkamoot, kaya naoyonan siya kan bantay kan bilanggoan.

Genesis 42:24

Binayaan ngona sinda ni Jose asin naghibi. Dangan nagbalik siya sainda saka pinili si Simeon na saiyang ipinagapos sa atubang ninda.

Genesis 42:36

Sinabihan sinda ni Jacob, “Gusto nindong mawara an gabos kong aki. Mayo na si Jose; mayo na man si Simeon; asin ngunyan gusto nindong ipag-iba si Benjamin. Ako an nakukulogan!”

Genesis 43:13

Ipag-iba nindo si Benjamin na saindong tugang asin magpuli tolos kamo.

Genesis 44:12

Saro-sarong siniyasat kan oripon ni Jose an mga sako magpoon sa sako kan matua sagkod sa sako kan ngohod, asin nakua niya an kalis sa sako ni Benjamin.

Esdras 7:27

Nagsabi si Esdras, “Pagomawon an Kagurangnan, an Dios nin samuyang mga ginikanan, na naghiro kan puso kan emperador tanganing pagayonon an Templo nin Kagurangnan sa Jerusalem,

Nehemias 1:11

Dangoga an sakong pamibi asin an pamibi kan saimong mga sorogoon na boot mag-omaw saimo. Tawe nin marahay na resulta an lakaw ko ngunyan asin giboha na maherak sako an emperador.” Kan mga aldaw na idto ako an namamahala kan arak kan Hade.

Esther 4:16

“Lakaw asin tipona an gabos na Judio sa Susa. Mag-ayuno kamo asin mamibi para sako. Dai kamo magkakan o mag-inom nin anoman sa laog nin tolong aldaw saka banggi. Mag-aayuno man ako kaiba an sakong mga sorogoon na babae. Pakatapos, maduman ako sa hade maski tumang ini sa katogonan. Kun kaipuhan magadan ako sa paggibo kaini, mapagadan ako.”

Salmo 100:5

Marahayon an Kagurangnan; an saiyang pagkamoot daing kasagkoran, an saiyang pagkamaimbod magdadanay sagkod pa man.

Salmo 106:46

Pinangagin niyang maherakan sinda kan mga nagsakop sa sainda.

Salmo 119:41

Pahilingan sako an danay mong pagkamoot, Kagurangnan, asin ligtasan ako sosog sa saimong panuga.

Salmo 85:7

Ipahiling mo an danay mong pagkamoot, Kagurangnan, asin itao mo samuya an saimong kaligtasan.

Mga Talinhaga 1:1

An mga talinhaga ni Solomon, na aking lalaki ni David asin hade nin Israel.

Mga Talinhaga 16:7

Kun an pamumuhay nin sarong tawo nawiwilihan nin Kagurangnan, pinapangyari niya na magin mga katood kan tawong iyan maski an saiyang mga kaiwal.

Mga Talinhaga 21:1

An isip kan hade sarong sapa nin tubig sa kamot nin Kagurangnan; siya an nagboboot kan direksyon kaiyan.

Isaias 49:13

Pag-awit, kalangitan! Pagkurahaw sa kaogmahan, kinaban! Mag-arawit logod an kabukidan! Huli ta rarangahon nin Kagurangnan an saiyang banwaan; maheherakan niya an nagtitios niyang banwaan.

Lukas 1:50

An saiyang pagkaherak yaon sa may pagkatakot saiya, sa gabos na henerasyon.

Juan 19:22

Alagad nagsimbag si Pilato, “An sinurat ko, sinurat ko na.”

Mga Gibo 21:14

Kan dai mi siya napugolan, dai na kami nagpirit. “Mangyari logod an kabotan nin Kagurangnan,” an sabi mi.

Mga Gibo 7:10

tinabangan siya sa gabos niyang kasakitan. Tinawan siya nin Dios nin kadonongan kan mag-atubang siya sa Faraon, an hade nin Egipto. Kaya ginibo siya kaini na gobernador sa Egipto asin sa gabos niyang pagsadiri.

1 Timoteo 1:16

alagad naherak sako an Dios, tanganing sa sako, na pinakamaraot sa mga parakasala, ikapahiling ni Cristo Jesus an gabos niyang pakatios, bilang arogan kan gabos na matubod saiya saka maako nin buhay na daing kataposan.

1 Timoteo 1:2

Para ki Timoteo na tunay kong aki sa pagtubod: Mapasaimo logod an biyaya, pagkaherak asin katoninongan kan Dios Ama saka ni Cristo Jesus na satong Kagurangnan.

Tito 1:4

Para ki Tito, ika na tunay kong aki sa pagtubod na inako tang duwa. Mapasaimo logod an biyaya asin an katoninongan nin Dios Ama saka ni Jesu-Cristo na satong Paraligtas.

2 Juan 1:3

Mapasato logod an biyaya, pagkaherak saka katoninongan na gikan sa Dios Ama saka ki Jesu-Cristo na Aki kan Ama huli sa katotoohan asin pagkamoot.