Genesis 43:11 - Marahay na Bareta Biblia

¹¹ Nagsabi si Jacob sainda, “Kun siring an dapat na mangyari, giboha nindo ini: magdara kamo kan pinakamarahay na mga bunga kan daga bilang regalo sa gobernador: dikit na balsamo, dikit na dugos, mga pahamot asin mira, rekado saka almendras.

Genesis 43:11 ပူးပေါင်းရင်းမြစ်များ

Genesis 33:10

Nagsimbag si Jacob, “Bakong siring kaiyan; kun talagang marahay na an boot mo sako, akoon mo an sakong regalo. Huli ta, kan mahiling ko an lalawogon mo, garo man sanang nahiling ko an lalawogon nin Dios, orog na ngunyan na inako mo ako sa marahay na boot.

Genesis 37:25

Mantang nagkakakan sinda, nahiling ninda an grupo nin Ismaelita na hale sa Gilead asin mapaduman sa Egipto. An saindang mga kamelyo kargado nin mga pahamot, balsamo, saka mira.

Genesis 43:10

Duwang balik na kuta an naginibo mi kun dai kita nagparaatraso.”

Genesis 43:14

Gibohon logod kan Makakamhan na Dios na maherak saindo an lalaki tanganing ibalik niya saindo si Benjamin asin an saro pa nindong tugang. Kun mawawara an sakong mga aki, dai akong magiginibo.”

Genesis 43:15

Kaya dinara kan magturugang an mga regalo asin an dobleng kantidad nin kwarta; nagduman sinda sa Egipto kaiba si Benjamin. Duman nag-atubang sinda ki Jose.

Genesis 43:25

Inandam kan magturugang an mga regalo na itatao ninda ki Jose pag-abot niya sa odto, huli ta nasabihan sindang kaiba niya sinda sa pagkakan.

Genesis 43:26

Pag-abot ni Jose sa harong, itinao ninda saiya an mga regalo asin nagdarapa sinda sa atubang niya sa paggalang.

1 Mga Hade 10:15

laen pa kan mga buhis na ibinayad kan mga negosyante, kan ganansya sa negosyo, asin kan buhis na ibinayad kan mga hade sa Arabia patin kan mga gobernador sa mga distrito nin Israel.

1 Mga Hade 10:25

An lambang saro sainda nagdara kan saiyang regalo, mga kagamitan na bulawan saka plata, mga gubing, mga armas, mga pahamot, mga kabayo, sagkod mga mula; danay ining nangyayari taon-taon.

1 Mga Hade 15:19

“Magin magkaalyansa kita, siring na magkaalyansa an satong mga ama. An plata saka bulawan na ini sarong regalo para saimo. Putola ngunyan an saimong pakipag-alyansa ki Hadeng Baasa nin Israel tanganing haleon niya an saiyang hukbo sa sakong teritoryo.”

1 Mga Hade 4:21

Pinamayohan ni Solomon an gabos na kahadean magpoon sa Salog nin Eufrates sakod sa daga kan mga Filisteo asin sa pagdolonan kan Egipto. Nagbuhis sinda asin naglingkod ki Solomon mantang nabubuhay pa siya.

2 Mga Hade 16:8

Kinua ni Ahaz an plata saka bulawan sa Templo asin sa kaban nin yaman sa palasyo dangan irinegalo sa emperador nin Asiria.

2 Mga Hade 20:12

Kan panahon na iyan, nabaretaan ni Merodak-baladan, na hade nin Babilonia asin aking lalaki ni Baladan, na naghelang si Ezekias, kaya pinadarahan niya ini nin surat saka regalo.

2 Mga Hade 8:8

sinabihan niya si Hazael, an saro kan saiyang mga opisyal, “Darahan mo nin regalo an propeta asin pakiolayan mo siya na hapoton an Kagurangnan tanganing maaraman ko kun mararahay pa ako o dai na.”

Esther 4:16

“Lakaw asin tipona an gabos na Judio sa Susa. Mag-ayuno kamo asin mamibi para sako. Dai kamo magkakan o mag-inom nin anoman sa laog nin tolong aldaw saka banggi. Mag-aayuno man ako kaiba an sakong mga sorogoon na babae. Pakatapos, maduman ako sa hade maski tumang ini sa katogonan. Kun kaipuhan magadan ako sa paggibo kaini, mapagadan ako.”

Salmo 68:29

Huli kan saimong Templo sa Jerusalem, an mga hade nagdadara saimo nin mga regalo.

Salmo 72:10

Mga hade nin Espanya asin nin mga isla, magbayad logod nin mga buhis saiya. Mga hade nin Sheba asin nin Etiopia magdara logod nin mga dolot saiya.

Salmo 76:11

Otobon nindo sa Kagurangnan na saindong Dios, an saindong panuga saiya. Gabos na nasyon sa palibot magdara nin mga dolot sa saiya na maninigong katakotan,

Exodo 3:8

kaya naghilig ako tanganing iligtas sinda sa mga Egipcio asin darahon sa dagang matubang, mahiwas asin mayaman sa gabos na bagay. Dadarahon ko sinda sa dagang pinag-eerokan ngunyan kan mga Cananeo, Heteo, Amoreo, Perezeo, Heveo asin Jebuseo.

Mga Talinhaga 17:18

Lolong sana an minagarantiya sa pagkakautang nin iba.

Mga Talinhaga 18:16

Boot mong magdolok sa sarong halangkaw na tawo? Magdara ka nin regalo asin magigin pasil an pagdolok saiya.

Mga Talinhaga 19:6

Kadakul an naghihingowa na makadolok sa haralangkaw na tawo; an lambang saro nagsasabing katood sinda kan mga tawong nagtatao nin karahayan.

Mga Talinhaga 21:14

Hilom na regalohan mo an anggot saimo asin mahahale an saiyang kaanggotan.

Awit nin mga Awit 4:10

Mahamis nin marahay an saimong pagkamoot, sakong namomotan asin sakong agom. Orog karahay an saimong pagkamoot ki sa arak; asin an parong kan saimong pahamot ki sa arin man na pahamot.

Awit nin mga Awit 4:14

an sapran, kalamo, asin an kanela, o an gabos na klase nin insenso. An mira asin an aloe nagtatalubo duman kaiba kan gabos na pinakamarahay na pahamot.

Awit nin mga Awit 8:14

Madya, sakong namomotan, maghidali ka siring sa usa, siring sa ogbon na usa sa kabukidan, saen nagtatalubo an mga pahamot.

Jeremias 8:22

Mayo na daw nin mga bolong sa Gilead? Mayo na daw nin mga parabolong duman? Tadaw ta dai naoomayan an sakong banwaan?

Ezekiel 27:15

Nakipagnegosyo saimo an mga taga Rodes; an mga tawong nag-eerok sa tampi kan dagat nagtao saimo nin mga marpil saka mga itom na kahoy bilang karibay kan saimong mga produkto.

Ezekiel 27:17

Nakipagnegosyo saimo an Juda saka an Israel. An mga produkto mo rinibayan ninda nin trigo, dugos, lana nin oliba, saka mga pahamot.

Ezekiel 27:22

Nakipagnegosyo saimo an mga negosyante nin Sheba saka Raama. An mga kagamitan mo rinibayan ninda nin mga alahas, bulawan, saka mga pinakamarahay na mga pahamot.

Levitico 20:24

Ipinangako ko saindo an mayaman saka matubang na dagang ini na magin sadiri nindo, asin itatao ko iyan saindo. Ako an Kagurangnan na saindong Dios, asin linaen ko kamo sa ibang mga nasyon.

Mga Gibo 21:14

Kan dai mi siya napugolan, dai na kami nagpirit. “Mangyari logod an kabotan nin Kagurangnan,” an sabi mi.

Deuteronomio 33:14

Magtao logod an saiyang daga nin mga bungang hinog sa saldang; magyaman sa mga bunga na ginuno sa tamang panahon.

1 Samuel 25:27

Ngunyan, akoa ining regalo na dinara ko saimo; tawan ini sa saimong mga tawohan.

1 Samuel 9:7

Naghapot si Saul, “Kun magduman kita, ano an ikakatao ta saiya? Mayo nang natada sa satong balon na pagkakan; mayo kita maski anong bagay na pwedeng ikatao saiya.”