Genesis 42:38 - Marahay na Bareta Biblia

³⁸ Alagad nagsimbag si Jacob, “Dai nindo pwedeng ipag-iba an aki ko; huli ta gadan na an tugang niya asin siya na sana an natatada. Tibaad may mangyari saiya sa dalan. Gurang na ako asin an kamondoan na dadarahon nindo sako iyo an magadan sako.”

Genesis 42:38 ပူးပေါင်းရင်းမြစ်များ

Genesis 37:33

Namidbidan ini ni Jacob asin nagsabi, “Saiya an gubing na ini! Ginadan siya nin sarong maringis na hayop. Daing duwa-duwa na nagkaperedaso si Jose!”

Genesis 37:34

Dangan ginisi ni Jacob an saiyang gubing sa kamondoan asin nagsulot siya nin sako; haloy niyang pinagmondoan an kagadanan kan saiyang aki.

Genesis 37:35

Dinalaw si Jacob kan gabos niyang aking lalaki asin babae tanganing rangahon, alagad padagos siyang nagmondo. Olay niya, “Magagadan akong nagmomondo para sa sakong aki.” Siring kaiyan an pagmondo ni Jacob para ki Jose.

Genesis 42:13

Nagsimbag sinda, “Dose kaming magturugang; mga aki nin saro sanang ama sa daga nin Canaan. Gadan na an saro ming tugang, asin an samong ngohod idtoon ngunyan sa kaibahan kan samong ama.”

Genesis 42:37

Sinabihan ni Ruben an saiyang ama, “Kun dai ko ikabalik saimo si Benjamin, pwede mong gadanon an duwa kong aki. Ipaniwala mo siya sako asin ibabalik ko siya saimo.”

Genesis 42:4

alagad dai pinaiba ni Jacob si Benjamin na tugang ni Jose, huli ta natakot si Jacob na tibaad may maraot na mangyari saiya.

Genesis 43:13

Ipag-iba nindo si Benjamin na saindong tugang asin magpuli tolos kamo.

Genesis 44:20

dangan sinimbag mi ika nin, ‘Igwa pa kami nin ama na gurang na asin nin sarong tugang na namundag saiya kan siya gurang na. Gadan na an tugang kan ngohod mi, asin siya na sana an buhay sa mga aki kan saiyang ina; namomotan siya nin marahay kan saiyang ama.’

Genesis 44:22

Sinabi ming dai niya pwedeng bayaan an saiyang ama; kun gibohon niya iyan, magagadan an saiyang ama.

1 Mga Hade 2:6

Aram mo na kun ano an dapat gibohon; dai ka magtugot na magadan siya sa natural na paagi.

An Libro ni Job 41:32

An maagihan niya nagigin makinang na dalan, asin pinapangagi niyang maputing subo an dagat.

Salmo 71:18

Ngunyan na ako gurang saka ubanon na, O Dios, dai mo ako pagbayaan, sagkod na ikabalangibog ko an saimong kapangyarihan sa gabos na maabot na kapagarakian.

Salmo 90:10

Setentang taon an lawig kan samuyang buhay, o gayod otsenta kun kami makosog. Alagad mga taon na nagdadara nin kasakitan asin kamondoan; gabos minaagi sana, dangan napapara an samuyang buhay.

Parahulit 1:14

Nahiling ko na an gabos na ginibo sa kinaban na ini, asin sinasabihan ko kamo; an gabos mayo nin halaga; garo saro sana iyan na paglamag sa doros.

Parahulit 2:26

An tawo na nakakapawili sa Dios tinatawan niya nin kadonongan, pakasabot asin kaogmahan; alagad an parakasala tinatawan niya kan trabaho nin pagtipon asin pagtambak nin kayamanan, tangani sanang itao iyan sa mga nawiwilihan nin Dios. Ini mayo nin halaga, asin garo sanang paglamag sa doros.

Isaias 38:10

Naghona ako na sa kaodtohan nin buhay maduman na ako sa kinaban kan mga gadan, tanganing duman na mag-erok sagkod pa man.

Isaias 46:4

Ako an saindong Dios asin aatamanon ko kamo sagkod na kamo maggurang saka magputi an saindong buhok. Ako an naggibo saindo asin ako an maataman saindo; tatabangan ko kamo asin ililigtas ko kamo.