Genesis 42:28 - Marahay na Bareta Biblia

²⁸ “Inuli an kwarta ko; uya sa ibabaw kan mais!” an sabi niya sa saiyang mga tugang. Tinakigan sinda asin tarakot na nag-orolay, “Ano ining ginibo nin Dios sa sato?”

Genesis 42:28 ပူးပေါင်းရင်းမြစ်များ

Genesis 27:33

Huli kaini nagtakig an bilog na hawak ni Isaac asin naghapot, “Siisay palan idtong nagbuno nin hayop asin nagdara kan linuto sako? Nakakakan pa sana ako bago ka mag-abot. Itinao ko na saiya an bendisyon asin mapapasaiya na idto sagkod pa man.”

Genesis 42:29

Pag-abot ninda sa ama nindang si Jacob sa daga nin Canaan, inosip ninda an gabos na nangyari sa sainda. Olay ninda,

Genesis 42:36

Sinabihan sinda ni Jacob, “Gusto nindong mawara an gabos kong aki. Mayo na si Jose; mayo na man si Simeon; asin ngunyan gusto nindong ipag-iba si Benjamin. Ako an nakukulogan!”

Genesis 43:23

Nagsimbag an sorogoon, “Dai kamo mahandal; dai kamo matakot. An saindong Dios, an Dios kan saindong ama, iyo an nagbugtak kan kwarta sa saindong mga sako para saindo. Naresibi ko an saindong kabayadan.” Dangan pinaluwas kan sorogoon si Simeon asin dinara sa sainda.

1 Mga Hade 10:5

Nahiling niya an pagkakan sa saiyang lamesa, an mga erokan kan saiyang mga opisyal, an marahay na paglingkod kan saiyang mga sorogoon saka an mga gubing na sulot ninda, an mga naglilingkod sa saiyang lamesa, asin an saiyang mga tinutong na atang na idinodolot niya sa Templo. Nagngalas siya nin marahay sa mga nahiling niya.

Salmo 61:2

Ako minaapod saimo hale sa poro kan daga, kan an sakong puso pinanluluya. Sa sarong ligtas na lugar daraha ako,

Awit nin mga Awit 5:6

Binukasan ko an pintoan para sa sakong namomotan, alagad mayo na siya duman. Mawot ko nanggad na madangog an saiyang tingog! Hinanap ko siya, alagad dai ko nanumpongan; inapod ko siya, alagad mayo akong nadangog na simbag.

Isaias 45:7

Linalalang ko an liwanag saka an kadikloman; nagpapadara ako nin bendisyon saka kapahamakan. Ako, an Kagurangnan, an naggigibo kan gabos na iyan.

Mga Panambitan 2:17

Ginibo mananggad nin Kagurangnan an saiyang itinaram na gigibohon; mayo nin pagkaherak na rinaot niya kita, siring kan ipinatakot niya kaidto. Pinapanggana niya an satong mga kaiwal, pinaogma sa satong pagbagsak.

Mga Panambitan 3:37

Mayo nin siisay man na nakapagboot asin nakagibo nin anoman kun bakong huli sa kabotan nin Kagurangnan.

Levitico 26:36

“Gigibohon kong magkaigwa nin dakulang takot an mga nagkabirihag saindo kaya maski an hinghing kan sarong dahon na hinahayop nin doros makakapadulag na saindo. Madulag kamo na garo linalamag sa gera, asin matutumba kamo maski mayo man nin kaiwal sa harani nindo.

Amos 3:6

Dai daw natatakot an mga tawo kun pinapatanog an panggerang trompeta sa laog nin syudad? Minaabot daw an kapahamakan sa sarong syudad kun dai iyan ipinadara nin Kagurangnan?

Lukas 21:26

Madidismayo an mga tawo sa takot sa paghorop-horop kun ano an maabot sa bilog na kinaban, huli ta an mga kapangyarihan sa kalangitan matatanyog.

Deuteronomio 28:65

Mayo kamong makukuang katoninongan sa mga nasyon na iyan; mayo nin lugar na pwede nindong apodon na sadiri nindo. Papadarahan niya kamo nin kahandalan, kapurisawan asin kawaran nin paglaom.