Genesis 42:24 - Marahay na Bareta Biblia

²⁴ Binayaan ngona sinda ni Jose asin naghibi. Dangan nagbalik siya sainda saka pinili si Simeon na saiyang ipinagapos sa atubang ninda.

Genesis 42:24 ပူးပေါင်းရင်းမြစ်များ

Genesis 34:25

Pakalihis nin tolong aldaw, kan grabe an kulog na namamatean kan kalalakihan huli sa pagserkomsisyon sainda, an duwang aking lalaki ni Jacob na si Simeon saka si Levi, na mga tugang ni Dina, hilom na naglaog sa syudad dara an saindang espada, asin ginadan an gabos na lalaki duman.

Genesis 42:23

Nasabotan ni Jose an gabos nindang sinabi alagad, dai ninda ini aram huli ta nakiolay sinda saiya sa paagi nin interprete.

Genesis 43:14

Gibohon logod kan Makakamhan na Dios na maherak saindo an lalaki tanganing ibalik niya saindo si Benjamin asin an saro pa nindong tugang. Kun mawawara an sakong mga aki, dai akong magiginibo.”

Genesis 43:23

Nagsimbag an sorogoon, “Dai kamo mahandal; dai kamo matakot. An saindong Dios, an Dios kan saindong ama, iyo an nagbugtak kan kwarta sa saindong mga sako para saindo. Naresibi ko an saindong kabayadan.” Dangan pinaluwas kan sorogoon si Simeon asin dinara sa sainda.

Genesis 43:30

Dangan binayaan ni Jose an mga tugang niya, huli ta dai niya mapugolan an luha niya kan mahiling niya si Benjamin. Kaya naglaog siya sa saiyang kwarto asin duman naghibi.

Genesis 45:1

Dai na napugolan ni Jose an saiyang sadiri sa atubang kan saiyang mga oripon, kaya pinaluwas niya an mga ini sa kwarto. Mayong nawalat duman kan magpamidbid siya sa saiyang mga tugang.

Genesis 45:2

Nagtangis siya nin makosog, kaya nadangog ini kan mga Egipcio saka ibinareta sa hade.

Isaias 63:9

sa saindang kasakitan. Bakong sarong anghel, kundi an Kagurangnan mismo an nagligtas sainda. Sa saiyang pagkamoot saka pagkaherak, tinubos niya sinda. Inataman na niya sinda kaidto pang panahon,

Lukas 19:41

Kan harani na si Jesus sa syudad, asin natatanaw na niya ini, tinangisan niya an syudad.

Roma 12:15

Mag-ogma kamo kaiba kan mga nag-oogma; maghibi kamo kaiba kan mga naghihibi.

1 Corinto 12:26

Kun nakukulogan an sarong kabtang, an gabos man nakukulogan. Kun inoomaw an sarong kabtang, an gabos nakikihiras sa kaogmahan.

Hebreyo 4:15

An satong Halangkaw na Padi bako idtong dai nakakamate kan satong mga kaluyahan, huli ta siya mismo nagtios kan gabos na klase nin sogot arog sato, alagad dai siya nagkasala.