Genesis 42:15 - Marahay na Bareta Biblia

¹⁵ Mababalo kamo sa paaging ini: minasumpa ako sa ngaran kan hade na dai kamo makakahale digdi sagkod na dai magdigdi an ngohod nindong tugang.

Genesis 42:15 ပူးပေါင်းရင်းမြစ်များ

Genesis 42:12

Nagsabi si Jose sainda, “Dai ako naniniwala! Nagdigdi kamo tanganing aramon an kaluyahan kan dagang ini.”

Genesis 42:14

Nagsimbag si Jose, “Siring sa nasabi ko na, mga espiya kamo.

Genesis 42:16

Magpuli an saro saindo asin kuahon siya; an iba saindo ibibilanggo sagkod na mapatunayan na totoo an saindong sinabi. Alagad kun bako, minasumpa ako sa ngaran kan hade, na mga espiya kamo.”

Genesis 42:20

Dangan darahon nindo digdi sako an ngohod nindong tugang. Ini an magpapatunay na totoo an sinabi nindo asin dai ko kamo gagadanon.” Nag-oyon sinda,

Genesis 42:30

“Tinuyaw kami kan gobernador kan Egipto asin pinagdudahan kaming mga espiya sa saiyang daga.

Genesis 42:34

Ipag-iba nindo digdi sako an saindong ngohod na tugang. Saka ko maaaraman na bako kamong mga espiya kundi onestong mga tawo; dangan ibabalik ko saindo an saindong tugang asin pwede na kamong mag-erok asin magnegosyo digdi.’”

Genesis 42:7

Kan mahiling sinda ni Jose, namidbid niya sinda, alagad dai siya nagpamalisya. Hinapot niya sinda sa maisog na tingog, “Mga taga saen kamo?” “Mga taga Canaan kami asin napadigdi tanganing magbakal nin makakakan,” an simbag ninda.

Genesis 43:3

Nagsimbag si Juda, “Pinatanidan nanggad kami kan lalaki na dai niya kami aatubangon sagkod na dai mi kaiba an samong tugang.

Genesis 43:5

alagad kun dai mo siya paibahon samo, dai kami maduman, huli ta sinabihan kami kan lalaki na dai niya kami aatubangon sagkod na dai mi kaiba an samong tugang!”

Jeremias 5:2

Maski nagsasabi kamo na sinasamba nindo an Kagurangnan, iyan bakong tudok sa saindong puso.

Jeremias 5:7

Naghapot an Kagurangnan, “Tadaw ta papatawadon ko an kasalan kan sakong banwaan? Binayaan ninda ako asin nagsamba sinda sa mga dios na bako man totoong dios. Pinakakan ko an sakong banwaan sagkod na sinda nabasog, alagad nakidorog sinda sa bako nindang agom saka sinayang ninda an saindang panahon sa mga babaeng maraot.

Deuteronomio 6:13

Matakot kamo sa Kagurangnan na saindong Dios; maglingkod kamo saiya asin magsumpa kamo sa saiya sanang ngaran.

Santiago 5:12

Orog sa gabos, mga tugang, dai kamo magsumpa kun nanunuga kamo; dai kamo magsumpa sa ngaran kan langit, o kan daga, o kan ano pa man na bagay. Kundi magsabi sana kamo nin “Iyo” kun iyo; asin “Dai” kun dai, tanganing dai kamo hukoman nin Dios.

1 Samuel 1:26

Sinabihan ni Hanna si Eli, “Kun saimong nagigiromdoman, ako idtong babae na nahiling mong nagtitindog digdi na namimibi sa Kagurangnan.

1 Samuel 17:55

Kan mahiling ni Saul si David na nagluwas tanganing labanan si Goliat, naghapot siya ki Abner, an pamayo kan saiyang hukbo, “Abner, kiisay siyang aki?” Nagsimbag si Abner, “Dai ko aram, Mahal na Hade.”

1 Samuel 20:3

Alagad nagsimbag si David, “Aram kan saimong ama na nawiwilihan mo ako nin marahay, kaya naisip niyang dai ipaaram saimo an saiyang kaisipan tanganing dai ka mamondo. Alagad minasumpa ako saimo, sa ngaran kan buhay na Kagurangnan, na saro na sanang lakad an nasa pagultanan ko asin an kagadanan!”