Genesis 42:13 - Marahay na Bareta Biblia

¹³ Nagsimbag sinda, “Dose kaming magturugang; mga aki nin saro sanang ama sa daga nin Canaan. Gadan na an saro ming tugang, asin an samong ngohod idtoon ngunyan sa kaibahan kan samong ama.”

Genesis 42:13 ပူးပေါင်းရင်းမြစ်များ

Genesis 37:30

Nagbalik siya sa saiyang mga tugang dangan nagsabi, “Mayo si Jose sa bubon! Ano na an gigibohon ko?”

Genesis 42:11

Magturugang kami. Bako kaming mga espiya kundi mga onesto kaming tawo.”

Genesis 42:12

Nagsabi si Jose sainda, “Dai ako naniniwala! Nagdigdi kamo tanganing aramon an kaluyahan kan dagang ini.”

Genesis 42:14

Nagsimbag si Jose, “Siring sa nasabi ko na, mga espiya kamo.

Genesis 42:32

Dose kaming magturugang sa ama; an saro ming tugang gadan na asin an ngohod idtoon duman sa Canaan kaiba kan samong ama.’

Genesis 42:36

Sinabihan sinda ni Jacob, “Gusto nindong mawara an gabos kong aki. Mayo na si Jose; mayo na man si Simeon; asin ngunyan gusto nindong ipag-iba si Benjamin. Ako an nakukulogan!”

Genesis 42:38

Alagad nagsimbag si Jacob, “Dai nindo pwedeng ipag-iba an aki ko; huli ta gadan na an tugang niya asin siya na sana an natatada. Tibaad may mangyari saiya sa dalan. Gurang na ako asin an kamondoan na dadarahon nindo sako iyo an magadan sako.”

Genesis 43:29

Kan mahiling ni Jose an saiyang tugang na si Benjamin, nagsabi siya, “Iyo ini an ngohod nindong tugang na sinabi nindo sako? Mapasaimo an bendisyon nin Dios, aki ko.”

Genesis 43:7

Nagsimbag sinda, “Pinagparahapot kami kan lalaki manongod samo asin sa samong pamilya, ‘Buhay pa an saindong ama? Igwa pa kamong tugang?’ Kaipuhan simbagon mi an saiyang mga hapot. Paano mi maaaraman na ipapaiba niya samo an samong tugang?”

Genesis 44:20

dangan sinimbag mi ika nin, ‘Igwa pa kami nin ama na gurang na asin nin sarong tugang na namundag saiya kan siya gurang na. Gadan na an tugang kan ngohod mi, asin siya na sana an buhay sa mga aki kan saiyang ina; namomotan siya nin marahay kan saiyang ama.’

Genesis 44:28

Gadan na an saro sainda; ginadan siya kan mga lalaw na hayop asin dai ko na siya nahiling poon na maghale siya.

Genesis 45:26

“Buhay pa si Jose!” an sabi ninda sa saindang ama. “Siya an nagpapalakaw kan bilog na Egipto!” Nabigla si Jacob asin dai siya nagtubod sainda.

Jeremias 31:15

Nagsasabi an Kagurangnan, “Nadangog sa Rama an sarong tingog— an pagtangis asin pag-agrangay na makosog. Tinatangisan ni Rachel an mga aki niya; habo siyang magparanga, huli ta gadan na sinda.

Mga Panambitan 5:7

Nagkasala an samong mga ginikanan, asin mayo na sinda ngunyan, alagad kami an nagtitios para sa saindang mga kasalan.

Mateo 2:16

Naanggot na gayo si Herodes kan maaraman niya na nadaya siya kan mga mago na taga sirangan. Kaya ipinagadan niya an gabos na lalaki sa Betlehem sagkod sa mga kataed na lugar, mga lalaki na an edad duwang taon paibaba, sosog sa naaraman niya sa mga mago manongod kan oras nin pagtunga kan bitoon.

Mateo 2:18

“Nadangog sa Rama an sarong tingog, pagtangis asin pag-agrangay na makosog. Pinagtangisan ni Rachel an mga aki niya; habong magparanga, huli ta gadan na sinda.”