Genesis 41:43 - Marahay na Bareta Biblia

⁴³ Tinawan man si Jose kan hade kan ikaduwa niyang karwahe tanganing lunadan niya kaiba an mga bantay na maeenot sa saiya asin magkukurahaw, “Luhod kamo!” Sa siring na paagi nagin gobernador si Jose kan bilog na Egipto.

Genesis 41:43 ပူးပေါင်းရင်းမြစ်များ

Genesis 41:42

Dangan hinugkot kan hade sa saiyang muro an singsing na may selyo asin isiningsing ki Jose. Sinulotan niya ini nin gubing na pinong lino saka binugtakan nin kulintas na bulawan.

Genesis 41:44

Sinabihan siya kan hade, “Ako an hade nin Egipto, asin sinasabihan taka na mayo nin siisay man sa daga nin Egipto na makakaitaas kan saiyang kamot o bitis sagkod na dai mo itinutugot.”

Genesis 42:30

“Tinuyaw kami kan gobernador kan Egipto asin pinagdudahan kaming mga espiya sa saiyang daga.

Genesis 42:33

Nagsimbag samo an gobernador, ‘Sa paaging ini maaaraman ko kun mga onesto kamo: mawawalat an saro saindo sa kaibahan ko; an iba magpuli na asin darahon an pagkakan sa gutom nindong pamilya.

Genesis 42:6

Bilang gobernador, nagpabakal si Jose nin pagkakan sa mga tawong hale sa manlaen-laen na lugar kan kinaban. Pag-abot sa Egipto kan mga tugang ni Jose, nagdapa sinda sa atubang niya.

Genesis 45:26

“Buhay pa si Jose!” an sabi ninda sa saindang ama. “Siya an nagpapalakaw kan bilog na Egipto!” Nabigla si Jacob asin dai siya nagtubod sainda.

Genesis 45:8

Kaya bakong kamo an nagpadara sako digdi, kundi an Dios. Ginibo niya akong ikaduwa sa kapangyarihan sa hade asin parapamahala kan bilog na daga niya; ako an nagpapalakaw kan Egipto.

Genesis 50:18

Nagduman man ki Jose an saiyang mga tugang asin nagduko sa saiyang atubang. Nagsabi sinda, “Uya kami sa atubang mo bilang mga oripon.”

Genesis 50:9

Nag-iriba man ki Jose an mga nakakarwahe asin nakakabayo; sarong dakulang grupo an nagpaduman sa Canaan.

Esther 10:3

Si Mardokeo, an Judio, iyo an nagin ikaduwa ni Hadeng Jerjes. Inomaw siya asin ginalangan kan kapwa niya mga Judio. Naglingkod siya para sa karahayan kan saiyang banwaan asin para sa katiwasayan kan gabos nindang kapagarakian.

Esther 3:2

An gabos na opisyal na naglilingkod sa hade nagluluhod saka nagtataong galang ki Haman, huli ta ini an pagboot kan hade. Alagad si Mardokeo dai nagluluhod o nagtataong galang ki Haman.

Parahulit 4:14

maski ngani hale siya sa kadukhaan dangan nagin hade nin saiyang banwaan, o gikan sa bilanggoan dangan nakamtan an trono.

Daniel 2:48

Dangan tinawan niya si Daniel nin halangkaw na katongdan saka kadakul na regalo, asin ibinugtak niya ining pamayo kan bilog na probinsya nin Babilon saka pamayo kan gabos na parahatol kan hade.

Mga Gibo 7:10

tinabangan siya sa gabos niyang kasakitan. Tinawan siya nin Dios nin kadonongan kan mag-atubang siya sa Faraon, an hade nin Egipto. Kaya ginibo siya kaini na gobernador sa Egipto asin sa gabos niyang pagsadiri.

Filipos 2:10

Kaya sa ngaran ni Jesus, maluhod an gabos sa langit, sa daga saka sa irarom kan daga,