Genesis 41:42 - Marahay na Bareta Biblia

⁴² Dangan hinugkot kan hade sa saiyang muro an singsing na may selyo asin isiningsing ki Jose. Sinulotan niya ini nin gubing na pinong lino saka binugtakan nin kulintas na bulawan.

Genesis 41:42 ပူးပေါင်းရင်းမြစ်များ

Genesis 38:18

“Ano an itatao ko saimo bilang sangra?” an hapot ni Juda. Nagsimbag siya, “An saimong singsing na pangmarka kaiba an gakod asin an dara mong sugkod.” Itinao ini gabos ni Juda ki Tamar. Nagdorog sindang duwa, asin nagbados si Tamar.

Genesis 41:43

Tinawan man si Jose kan hade kan ikaduwa niyang karwahe tanganing lunadan niya kaiba an mga bantay na maeenot sa saiya asin magkukurahaw, “Luhod kamo!” Sa siring na paagi nagin gobernador si Jose kan bilog na Egipto.

Esther 10:3

Si Mardokeo, an Judio, iyo an nagin ikaduwa ni Hadeng Jerjes. Inomaw siya asin ginalangan kan kapwa niya mga Judio. Naglingkod siya para sa karahayan kan saiyang banwaan asin para sa katiwasayan kan gabos nindang kapagarakian.

Esther 3:10

Hinale kan hade sa saiyang muro an singsing na panselyo asin itinao sa kaiwal kan mga Judio, ki Haman na aking lalaki ni Hammedata, na sarong Agageo.

Esther 3:12

Kaya kan ikatreseng aldaw kan enot na bulan, ipinaapod an mga sekretaryo kan hade. Isinurat kan mga ini an gabos na pagboot ni Haman para sa mga pamayo saka mga gobernador kan mga probinsya asin para sa mga opisyal sosog sa paagi nin pagsurat kan lambang probinsya asin sosog sa lengwahe kan lambang tawo. Ginibo an surat sa ngaran ni Hadeng Jerjes asin sinelyohan kan singsing niya.

Esther 8:10

Isinurat ini sa ngaran kan hade saka sinelyohan kan saiyang singsing. An mga surat dinara kan mga sugo, na nakalunad sa maririkas na kabayong hale sa kwadra kan hade.

Esther 8:15

Nagluwas sa palasyo si Mardokeo na nakasulot nin gubing na panghade, na kolor asul saka puti; igwa siya nin dakulang bulawan na korona sa payo asin alikboy na pinong lino na kolor purpura. Dangan nadangog an kurahaw nin kaogmahan sa syudad nin Susa.

Esther 8:2

Hinale kan hade sa saiyang muro an singsing na igwa kan saiyang selyo (na binawi niya ki Haman) asin itinao idto ki Mardokeo. Ibinugtak ni Esther si Mardokeo na parapamahala kan pagsadiri ni Haman.

Esther 8:8

Alagad an sarong pagboot na pinaluwas sa ngaran kan hade asin sinelyohan kan singsing kan hade dai na pwedeng bawion. Alagad pwede kamong magsurat sa mga Judio kan boot nindong mangyari. Isurat nindo iyan sa ngaran ko asin selyohan nindo kan sakong singsing.”

Salmo 73:6

Kaya kapaabaw-abawan an saindang kulintas, asin dahas an saindang gubing.

Mga Talinhaga 1:9

huli ta iyan nakakaagid sa sarong magayon na korona sa saimong payo asin kulintas sa saimong liog.

Mga Talinhaga 31:22

Naggigibo siya nin mga kubrekama asin nagsusulot siya nin gubing na pinong purpurang lana.

Mga Talinhaga 31:24

Naggigibo siya nin mga gubing saka mga habay, dangan ipinapabakal iyan sa mga negosyante.

Awit nin mga Awit 1:10

Magayon an saimong buhok sa ibabaw kan saimong pisngi, asin minalaylay sa saimong liog arog sa mga samno.

Awit nin mga Awit 4:9

An saimong mga mata saka an sulot mong kulintas, iyo an nakabihag kan sakong puso, sakong namomotan asin agom.

Isaias 3:23

an mga turban asin an mga belo.

Jeremias 52:33

Tinugotan si Jehoiakin na maggubing kan bakong sa bilanggo saka magkakan sa lamesa kan hade mantang siya nabubuhay.

Ezekiel 27:7

An mga layag mo gibo sa mga binurdahan na pinong lino na hale sa Egipto, na madaling mamidbid maski sa harayo. An mga panlipod sa mga bintana mo mga telang kolor asul saka purpura, na hale sa isla nin Chipre.

Daniel 5:16

Alagad nadangog kong nakakatao ka nin mga paliwanag asin nakakapahayag nin mga misteryo. Kun mabasa mo ining nasusurat dangan masabi mo sako an kahulogan kaiyan, gugubingan ka nin purpura, magsusulot nin bulawan na kulintas, asin magigin ikatolo ka sa kapangyarihan sa kahadean.”

Daniel 5:29

Dangan pinagbotan ni Belsazzar, an saiyang mga sorogoon na gubingan si Daniel nin purpura, asin sulotan nin bulawan na kulintas. Pakatapos, ginibo niya ining ikatolo sa kapangyarihan sa kahadean.

Daniel 5:7

Nagkurahaw an hade na darahon duman an mga salamangkero, mga madonong saka mga astrologo. Paglaog kan mga ini, sinabihan sinda kan hade, “An siisay man na makabasa kaining nakasurat asin makasabi sako kan kahulogan kaiyan, gugubingan nin purpura, magsusulot nin kulintas na bulawan, asin magigin ikatolo sa kapangyarihan sa kahadean.”

Lukas 15:22

Alagad inapod kan ama an saiyang mga sorogoon, ‘Dali kamo; daraha nindo digdi an pinakamarahay na gubing asin sulotan nindo saiya; singsingan nindo siya saka sapatosan.

1 Samuel 18:4

Hinuba niya an sulot niyang alikboy asin itinao ki David; itinao man niya an saiyang gubing na panggera, pantahob sa daghan, espada, pana asin paha.