Genesis 41:30 - Marahay na Bareta Biblia

³⁰ alagad pakatapos kaini maabot an pitong taon nin gutom, asin an mga abundang taon malilingawan huli ta an bilog na daga papasakitan kan gutom.

Genesis 41:30 ပူးပေါင်းရင်းမြစ်များ

Genesis 41:21

alagad pakatapos nindang kakanon an mga idto, mayo nin siisay man na makasabing kinakan ninda an mga matatabang baka huli ta maniwang man giraray sinda siring kan dati. Dangan nagimata ako.

Genesis 41:27

An nagsunod na pitong maniniwang na baka asin an pitong tagiltilon na puso nin mais huli sa init kan doros na hale sa desyerto, pitong taon nin gutom.

Genesis 41:31

An panahon nin abunda malilingawan huli kan grabeng gutom na masunod.

Genesis 41:51

Olay ni Jose, “Pinalingawan sako nin Dios an gabos kong pagtios asin an pamilya nin sakong ama”; kaya nginaranan niyang Manases an matua niyang aki.

Genesis 41:54

asin siring sa sinabi ni Jose, nagpoon an pitong taon nin gutom. Igwa nin gutom sa ibang lugar, alagad igwang pagkakan sa bilog na Egipto.

Genesis 41:56

Kan lakop na an grabeng gutom sa bilog na daga, binukasan ni Jose an gabos na sarayan nin pagkakan dangan pinabakalan niya nin mais an mga Egipcio.

Genesis 47:13

Mayo nin pagkakan sa gabos na lugar huli ta makuri an gutom minsan saen. Pinanruluya an mga Egipcio asin mga Cananeo huli sa gutom.

2 Samuel 24:13

nagduman si Gad saiya asin sinabihan kan itinaram nin Kagurangnan, dangan hinapot, “Arin digdi sa tolo an pipilion mo? Tolong taon nin gutom sa saimong daga o tolong bulan nin pagdulag sa saimong mga kaiwal o tolong aldaw nin peste sa saimong daga? Isipa nin marahay, dangan sabihi ako kan saimong simbag na dadarahon ko sa nagsugo sako.”

1 Mga Hade 17:1

Sinabihan si Ahab ni Propeta Elias na taga Tisbe sa Gilead, “Sa ngaran nin Kagurangnan, an buhay na Dios nin Israel, na sakong pinaglilingkodan, sinasabihan taka na dai magkakaigwa nin ambon ni uran sa masunod na duwa o tolong taon sagkod na sabihon ko.”

2 Mga Hade 8:1

Sinabihan ni Eliseo an babaeng taga Shunem, an ina kan aki na binuhay niya giraray, “Maghale ka digdi sagkod an saimong pamilya asin mag-erok kamo sa ibang lugar huli ta an Kagurangnan mapadara digdi nin gutom na matagal nin pitong taon.”

Salmo 105:16

Sa Canaan, gutom an ipinadara nin Kagurangnan; hinale niya an gabos nindang pagkakan.

Mga Talinhaga 31:7

Pabayae sindang mag-inom asin malingawan an saindang kadukhaan saka kamondoan.

Isaias 65:16

An siisay man sa daga na maghagad nin bendisyon, maghahagad kan bendisyon kan maimbod na Dios. An siisay man na magsumpa, magsusumpa huli sa ngaran kan maimbod na Dios. An kasakitan kan nakalihis na panahon mawawara asin malilingawan.”

Lukas 4:25

Alagad ini an masasabi ko: dakul an mga babaeng balo sa Israel kan panahon ni Elias, kan dai mag-uran sa laog nin tolong taon may kabanga asin nagkaigwa nin makuring gutom sa bilog na daga.

Santiago 5:17

Si Propeta Elias sarong tawo na arog sato. Maigot siyang namibi na dai mag-uran, asin dai nag-uran sa laog nin tolong taon saka anom na bulan.