Genesis 41:14 - Marahay na Bareta Biblia

¹⁴ Ipinaapod si Jose kan hade, asin pinaluwas siya tolos sa bilanggoan. Pakatapos niyang mag-ahit asin magsangle kan saiyang gubing, nag-atubang siya sa hade.

Genesis 41:14 ပူးပေါင်းရင်းမြစ်များ

2 Samuel 19:24

Naglugsot si Mefiboset na makoapo ni Saul tanganing sabaton an hade. Dai niya hinugasan an saiyang bitis, ni pinutolan an saiyang barabas o linabahan an saiyang gubing magpoon kan maghale an hade sa Jerusalem sagkod na magbalik ini na mapanggana.

2 Mga Hade 25:29

Tinugotan si Jehoiakin na maggubing kan bakong sa bilanggo, saka magkakan sa lamesa kan hade mantang siya nabubuhay.

Esther 5:1

Kan ikatolong aldaw isinulot ni Esther an gubing niya bilang reyna asin nagtindog siya sa pinakalaog na patyo kan palasyo, sa atubangan kan sala kan hade. Nasa laog an hade asin nagtutukaw sa saiyang trono, nakaatubang sa pintoan.

Exodo 10:16

Ipinaapod tolos kan hade si Moises saka si Aaron asin sinabihan, “Nagkasala ako sa Kagurangnan na saindong Dios siring man sa saindo.

Parahulit 4:14

maski ngani hale siya sa kadukhaan dangan nagin hade nin saiyang banwaan, o gikan sa bilanggoan dangan nakamtan an trono.

Isaias 61:10

Nag-oogma an Jerusalem huli kan ginibo nin Kagurangnan. Nakakaagid siya sa sarong nobya na nakagubing nin pangkasal. Ginubingan siya nin Dios nin gubing nin kaligtasan saka kapangganahan.

Isaias 61:3

tanganing tawan an mga nagmomondo sa Sion nin kaogmahan saka kagayagayahan embes na kamondoan, nin sarong awit nin pag-omaw embes na sarong panambitan. Makakaagid sinda sa mga kahoy na itinanom mismo nin Kagurangnan. Gigibohon ninda an tama, asin oomawon an Dios huli kan saiyang ginibohan.

Daniel 2:25

Dinara tolos ni Ariok si Daniel sa atubang ni Hadeng Nebukadnezzar asin sinabihan ini, “Nakakua ako nin saro sa mga nabihag na Judio na makakapahayag kan kahulogan kan saimong pangatorogan.”